Datne maahtah ovmessie dåarjoeh åadtjodh. Guktie datne leah dov mïnnemasse feeleme nænnoste magkeres dåarjoem datne åadtjoeh.

Datne tjoeverh jeenjemes 2400 kråvnah skïemtjefeelemi åvteste maeksedh fïerhti 12 aski.

Dam lea jollemaaksoevaarjelimmine gohtjesovveme.

Tïjje ryöknesåvva dov voestes feelemedaatoste.

Feeleme jïjtje bïjline

Jis jïjtjedh bïjline vualkah tjoeverh voestegh 200 kråvnah fïerhten feelemen åvteste maeksedh. Jis dovrehkåbpoe sjædta, dellie 15 kråvnah åadtjoeh goh lissiedåarjoe fïerhten mïjlen åvteste.

Busse jïh ruevtieraajroe mubpie klaassesne

Jis leahpa lea dovrehkåbpoe enn 87 kråvnah, dellie dåarjoem åadtjoeh abpe maaksoen åvteste. Jis leahpamaaksoe lea aelhpebe enn 87 kråvnah, ih datne maam-akt åadtjoeh goh dåarjoeh.

Taksije

Datne maahtah dåarjoem åadtjodh jis tjoeverh taksijinie dov hoksemïnnemasse jallh debpielistie vuelkedh. Jis edtjh taksijem dongkedh, hokksevedtije tjoevere vihtiestimmiem dutnjien tjaeledh.

Gosse vihtiestimmiem åådtjeme, tjoeverh hoksehtimmiefeelemen dongkeme-jarngese ringkedh, beställningscentralen för serviceresor, telefovnen baaktoe: 0771-25 10 20.

Barkijh maehtieh datnine sveerjen jallh englaanten gïeline soptsestidh.

Feelemh Jilliebetnien leenen ålkolen

Datne maahtah dåarjoem åadtjodh jis feeleme dov mïnnemasse lea dovrehkåbpoe enn 200 kråvnah.

Hotellesne jïjjedidh

Jis daarpesjh hotellesne jïjjedidh gosse edtjh mïnnemasse, dellie maahtah dåarjoem dan maaksoen åvteste åadtjodh. 

Klinihke jallh dåastoehtimmie dov regijovnesne mij datnem diekie viehkiehti, edtja aaj hotellem dutnjien dongkedh.

Jis datne sïjhth feelemem ruevtieraajrojne jallh taksijinie dongkedh, rïngkh: beställningscentralen för serviceresor.

Telefovne: 0771-25 10 20. Barkijh maehtieh datnine sveerjen jallh englaanten gïeline soptsestidh.

Gosse hoksehtimmie-mïnnemen åvteste maaksah tjoeverh sjïere goerehtimmiem lissiehtidh dov feelemen åvteste. Gihtjh såajhtoebarkije maam råakh. 

Jis leah jïjtjedh bïjline vualkeme, bussine jallh ruevtieraajrojne maahtah dov vihtiesleahpah jïh reeknegem såajhtoebarkijasse vedtedh.

Skïemtjegåetiej leah sjïere påasteborhtjh dan åvteste.

Maahtah aaj dov vihtiesleahpah jïh reeknegem mijjese seedtedh:

Sjukresor
901 85 Umeå

Tjoeverh gaajhkem regijovnese seedtedh eannan jaepie dov mïnnemistie lea vaaseme jis sïjhth dåarjoem åadtjodh.

Maahtah aaj digitaale dåarjoe-ohtsemem darjodh jis 1177.se. sæjroen sïjse loggh. Dïenesje lea sveerjengïeleldh jïh datne e-legitimasjovnem daarpesjh, vg. Bank-id.

Jis viehkiem daarpesjh dov feelemisnie maahtah viehkiem meatan vaeltedh. Ij viehkie daarpesjh maam-akt maeksedh, men barkijh dov mïnnemisnie tjoeverieh nænnoestidh jis viehkie lea daerpies. Jis barkijh nænnoestieh datne viehkiem daarpesjh, maahtah viehkien feelemen hoksehtimmiefeelemen dongkeme-jarngeste dængkodh. Datne maahtah aaj dåarjoem ohtsedh viehkien feelememaaksoen åvteste.

Dïhte gïe datnem viehkehte tjoevere abpe tïjjem meatan årrodh, dovne feelemisnie jïh mïnnemisnie.

Jis datne leah nuerebe enn 20 jaepien båeries, dov lea iktesth reakta geerve almetjem meatan vaeltedh.

Jis ih maehtieh mïnnemasse båetedh tjoeverh dovne feelemem jïh mïnnemem jorkesidh. Jis våajaldahtah feelemem jorkesidh, tjoeverh dan åvteste maeksedh.

Jis sïjhth jorkesidh, rïngkh beställningscentralen.

Telefovne: 0771-25 10 20. Barkijh maehtieh sveerjen jïh englaanten gïelh soptsestidh.

Jis skiemtjine sjïdth jallh laarhkenh mearan Jilliebetnien leenesne leah, tjoeverh jïjtje feelemem lïhkemes healsoejarngese jallh skïemtjegåatan öörnedh.

Maahtah dov hïejmeregijovnese bïeljelidh jïh gihtjedh jis maahtah dåarjoem dan åvteste åadtjodh.

Jis dov leah gyhtjelassh feelemedåarjoen bïjre, dellie tjoeverh enheten för sjukresor vid Region Västerbotten ringkedh.

Telefovne: 090-785 75 50. 

Barkijh maehtieh sveerjen jïh englaanten gïelh soptsestidh.