Njoelkedassh jïh reaktah

Maaksoe skïemtjefeeleminie

Sjukresor - sydsamiskaThe content concerns Västerbotten

Skïemtjefeeleme lea feeleme dov gåetien jïh hoksevedtijen gaskem. Maahtah vuesiehtimmie årrodh jis datne mïnneme dåakteren, baeniedåakteren, kuratovren, skïemtjevïtnesjæjjan jallh fysioterapeuten luvnie. Datne maahtah bussine, tåågine jallh jïjtje bïjline vuelkedh. Dov jïjtje dïedtem dov soejkesjamme mïnneminie mïnnedh. Jis datne healsoesjïeki gaavhtan ih maehtieh ektievalkesinie jallh jïjtje bïjline vuelkedh maahtah reaktam utnedh skïemtjefeelemasse taksine. Dellie daarpesjh vihtiestimmiem hoksevedtiejistie.

Jïjtjemaaksoe jïh dåarjoe

Maahtah reaktam utnedh maaksoem åadtjodh feelemen mænngan dejtie vuelkememaaksojde mah utnih. Sjïere feelemidie åadtjoeh gaajhkem jallh bielie maaksojste jïjtje maeksedh. Dam gohtje jïjtjemaaksoe.

  • Feelemh ektievalkesinie (busse jïh tååge mubpien klaassesne) leenen sisnie ij jïjtjemaaksoem utnieh. Jis aktenleahpan åasa lea jollebe 73 kråvnah åadtjoeh gaajhkem dåarjodh. Feelemi åvteste bussine jïh tåågine mij aelpebe 73 kråvnah ih dåarjoem åadtjoeh.
  • Jis taksine, jïjtje bïjline jallh mubpie leenese vualkeme åadtjoeh dåarjoem dan åvteste mij lea jienebe enn jïjtjemaaksoen 200 kråvnah.
  • Jis dov privaate bïjlem nuhtjh åadtjoeh dåarjoem mij lea 15 kråvnah mïjlen gaavhtan dan åvteste mij lea jienebe enn jïjtjemaaksoen 200 kråvnah.

Ih dåarjoem åadtjoeh tjöödtjestimmiemaaksoen jallh mubpiej åasaj gaavhtan. Dutnjien gie daamhtaj hoksesne mïnnh gååvnese jollemaaksoevaarjelimmie skïemtjefeelemi gaavhtan.

Jollemaaksoevaarjelimmie skïemtjefeelemi gaavhtan

Jollemaaksoevaarjelimmie lea datne jeenjemes 2 400 kråvnah maaksah jïjtjemaaksojne skïemtjefeelemi gaavhtan luhkiegöökte askenboelhkesne. Tïjjem ryöknoe dehtie daatojste gosse voestes aejkien feelih.

Naemhtie dåarjoem ohtsedh

Gosse dåastovisnie bïeljelh dov hoksemïnnemisnie maahtah gihtjedh jis goerem åadtjoeh man nomme "Begäran om resebidrag/intyg om vård" (Krïeveme mïnnemedåarjoen bïjre/vihtiestimmie hoksen bïjre).

Dievhtieh goerem jïh seedth dam påastine Reseservicen gåajkoe (dam ektievoete Regijovne Västerbottenisnie mij skïemtjefeelemh gïetede):

Sjukresor
901 85 Umeå

Mujhtieh leahpah seedth jis dov leah. Jis båarasåbpoe 19 jaepien jïh dåeriedæjjam daarpesjh tjuara hoksebarkijh dievhtieh dam goeresne jïh dam nualan tjaeledh. Datne maahtah aaj goerem vedtedh leahpajgujmie jïh nualantjaeleminie hoksevedtiejistie dejtie sjïere rööpses påastelåadide mah skïemtjegåetine gååvnesieh.

Feeleme taksijinie jallh sjïerefoeresjimmine

Jis hoksebarkijh vuarjasjieh datne daarpesjh dov hoksemïnnemisnie taksine jallh sjïerefoeresjimmine dov medisijnen tsiehkien gaavhtan dellie datne feelemem Reseservicen luvnie dængkodh. Dængkoeh feelemem seejnemes göökte aarkebiejjiej åvtelen soejkesjamme mïnneme.

Krööhkesth hoksebarkijh vuertieh dov hoksemïnnemen mænngan åvteli nænnoestieh jis dov medisijnen sjïeki gaavhtan daarpesjh gåatan taksine jallh sjïerefoeresjimmine vuelkedh. Hoksebarkijh dam hïejmefeelemem dellie dængkoeh.

Jis datne skïemtjedh jïh hoksem dallegh daarpesjh maahtah Reseservicem bïeljelidh jïh feelemem dængkodh.

Dåeriedæjjah

Jis datne viehkiem dåeriedæjjeste daarpesjh persovne åådtje dåarjoem sov feelemasse. Dåeriedæjja tjuara meatan årrodh abpe feelemisnie jïh mïnneminie. Dïhte lea hoksebarkijh gïeh vuarjasjieh jis datne dåeriedæjjam daarpesjh meatan. Maanah jïh noerh 19 jaepien raajan eejnegen reaktam utnieh dåeriedæjjese.

Feelemedængkomem jorkesidh

Jis datne tjoerh dovne feelemem jïh mïnnemem jorkesidh jis ih maehtieh båetedh soejkesjamme hoksemïnnemasse. Dellie feelemem jorkesh gosse Reseservicen gåajkoe ringkedh. Jis ih jorkesh tjoerh feelemen åvteste maeksedh.

Feeleme leenen ålkolen

Bïeljelh Reseservicem jïh åadtjoeh viehkiem feelemem öörnedh leenen ålkolen. Dellie kreava:

  • Dov lea sjïereremisse Regijovne Västerbottenistie man bïjre Reseservice lea vihtiestimmiem åådtjeme.
  • Vihtiestimmie vuesehte maam daarpesjh gosse galkh feeledh jïh jis dåeriedæjjam daarpesjh.

Latjkoen mietie Reseservicinie maahtah aaj feelemem jïjtje öörnedh. Dellie åadtjoeh dåarjoem man våarome lea mij vihtiestimmesne tjåådtje. Dåarjoe lea feelememaaksoeh. Datne ohtsedh jïh leahpah seedtedh dov hoksemïnnemistie Reseservicen gåajkoe.

Maahtah jïjtje hoksem ohtsedidh leenen ålkolen men dellie tjoerh abpe feelemem jïjtje maeksedh.

Gosse ektievalkese faatoes

Jis ij ektievalkese gååvnesh dov lïhke maahtah viehkiem åadtjodh ektiedimmie-taksijem dængkodh. Dellie edtjh guhkebe biehkiem feelemistie ektievalkesinie jïh ektiedimmie-feeleme ajve åenehks biehkie.

Dængkoeh ektiedimmie-feelemem Reseservicen luvnie seejnemes göökte aarkebiejjiej åvtelen.

Gaskesadtemebïevnesh Reseservicen gåajkoe

Seedth dov ohtsemem dåarjoen bïjre Reseservicen gåajkoe påastine. Jis dov gyhtjelassh skïemtjefeelemen dåarjoen bïjre maahtah Reseservicem ringkedh.

Påastedresse:
Sjukresor
901 85 Umeå

Telefovne: 0771-25 10 20

To the top of the page