Buohcceláhka lea dahkkon dutnje gii leat buohcci. Das govviduvvo ahte don galggat oažžut dieđu du buozalmasas ja makkár dikšumat gávdnojit. Dalle sáhtát maid leahkit mielde mearrideame iežat divššus. Don galggat maid beassat diehtit gos don sáhtát válljet divššu man dárbbahat.

Don sáhtát ieš válljet man dearvvašvuođaguovddažis dehe dikšunvuostáváldimis háliidat galledit go dárbbahat rabas divššu. Don sáhtát válljet ohcat rabas divššu gos fal oppa Ruoŧas.

Go jorgasa divššu beallái lea dehálaš ahte olbmoš lea luohttámuš dan bargovehkii geaid deaivá. Luohttámuš lea dehálaš vai olmmoš sáhttá dovdat oažževuođa ja duostá sárdnut friija dain váivviin dehe symptomain mat sus leat ja dainna lágiin oažžu dan divššu man dárbbaha. Danin buohkain geat barget dearvvasvuođa- ja buohccedivššus lea jávohisvuođa gáibádus.

Jus lea leamaš doaktáris ja ožžon skibasvuođadieđu mii mearkkaša ahte lea váttis medisiinnalaš mearrádusa vuoláš olbmos sáhttá leat riekti oažžut ođđa medisiinnalaš árvvoštallama eará doaktáris, ovdal gohčoduvvon second opinion. Dárkkuhus ođđa medisiinnalaš árvvoštallama oažžumii lea ahte olmmoš galgá leat sihkkar ahte oažžu dan divššu ja dálkkodeami mii heive buoremusat sutnje. Olbmos lea riekti ođđa medisiinnalaš árvvoštallamii jus lea heakkaváralaš dehe erenomáš váralaš dávda dehe vahát.

Ráhkkanemiin sáhtát leahkit oasálaš iežat divššus ja ovttas dikšunbargoveagain hábmet divššu mii heive dutnje buoremusat. Dorvvolaš ja sihkkaris divššu vuođđun lea bures doaibmi gulahallan du ja dikšunbargoveaga gaskkan.

Muhtumin soaittát dárbbahit divššu eará vuostáváldimis gos ovdal leat galledan. Dalle soaittát dárbbahit sáddehaga dohko beassamii.