ባህላዊት ክኢላ – ንጥኑሳት ዚውሃብ ደገፍ

ጥንስቲ እንተዄንኪ፡ እሞ ኸኣ ሓንቲ ካብዘን ዚስዕባ ቛንቋታት፥ ዩክረይንኛ፡ ሩስያኛ፡ ሶማልኛ፡ ዓረብኛ፡ ትግርኛ፡ ኣምሓርኛ፡ ዳሪ፡ ፋርሲ፡ ባዲናኒ፡ ኩርማንጂ፡ ሶራኒ ወይ ኡርዲ እትዛረቢ እንተዄንኪ፡ ምስ ባህላዊ ክኢላ ክትራኸቢ ትኽእሊ ኢኺ።

እቲ ብባህላዊት ክኢላ ዚውሃብ ደገፍ፡ ብዘይ-ክፍሊት ብናጻ እዩ።

ንፈለማ እዋን ኣብ መሕረሲት ንኽትርኣዪ ኣብ እትኸድሉ ግዜ፡ ብዛዕባ ባህላዊት ክኢላ ዚምልከት ምሉእ ሓበሬታ ክትውሃቢ ኢኺ።

ካብ ባህላዊት ክኢላ ደገፍ ክትቅበሊ ዚጥዕም እንተኾይኑ፡ ምስ መሕረሲት ኴንኪ ክትዘራረቢ ትኽእሊ ኢኺ። ኣብ ከምዚ ዝበለ ኲነታት፡ ኣብ መሕረሲት ኣብ እትርኣይሉ ዝቕጽል ግዜ፡ ምስ ባህላዊት ክኢላ ክትራኸቢ ትኽእሊ ኢኺ።

ኣብ እዋን ጥንሲ ዚውሃብ ደገፍ፣ ኣብ እዋን ሕርሲ ዚውሃብ ደገፍ ከምኡውን ኣብቲ ንዝወለድክዮ ዕሸል ኣብ ናይ ፈለማ እዋናት እትኣልይሉ ግዜ ዚውሃብ ሓገዝ ክትረኽቢ ትኽእሊ ኢኺ።

እዛ ክኢላ፡ ክንክን ጥዕና ኣብ ስዊድን ከመይ ከምዝሰርሕን ክትገልጸልኪ ከምኡውን እቶም ሞያውያን ክንክን ጥዕና ዝገልጹልኪ ነገር ንኽርድኣኪ ክትሕግዘኪ ትኽእል እያ።

እዛ ክኢላ፡ ኣብ እትገብርዮ ዚተፈላለየ ምብጻሓትን መርመራታትን ምሳኺ ብሓባር ኺትከይድ ትኽእል እያ። ኣብዚ ዚስዕብ ኪኸውን ይኽእል እዩ፥

• ኣብ እዋን ጥንሲ ኣብ መሕረሲት ንኽትርኣዪ እትገብርዮ ምብጻሕ።
• መርመራታት ማሕጸን ወይ ካብ ማሕጸን ዚውሰድ መርመራ ነጸርታ ማህጸን።
• ክትሓርሲ ኣብ ዝቐረብክሉን ኣብ እትሓርስሉን እዋን። 
• ብጉጅለታት ኣብ ዝውሃብ ደገፍ ኣተዓባብያ-ቆልዑ ዘተኮረ ምኽሪ።
• ናብ ማእከል ክንክን ቆልዑ ዚግበር ምብጻሓት።

ካብ ባህላዊት ክኢላ እትሰምዕዮ ወይ ንዓኣ እትህብዮ ሓበሬታ ዚምልከት ኲሉ ነገር፡ ጥቡቕ ብዚኾነ ምስጢር ከምዚተሓዝ ኪኸውን እዩ። ካብ ባህላዊት ክኢላ እትሰምዕዮ ወይ ንዓኣ እትህብዮ ሓበሬታ ዚምልከት ኲሉ ነገር፡ ጥቡቕ ብዚኾነ ምስጢር ከምዚተሓዝ ኪኸውን እዩ።