Så söker du vård under den fackliga konflikten.Det här meddelandet avser Västerbotten

Just nu pågår en facklig strejk och blockad. Läs mer om hur du som invånare påverkas.

ምክንኻን ቈልዓ

ምስ ውላድካ ምንባብ

Läsa med ditt barn - tigrinskaThe content concerns Västerbotten

መጽሓፍቲ ምጥማትን ምስ ውላድካ ብሓባር ምንባብን ንሓድሕድካ ምቅርራብ ዝሕግዝ ድንቂ መንገዲ መራኸቢ እዩ። ጽቡቕ ዕላል ክትገብር ዕድል ትረክብ። መጽሓፍቲ፣ ዛንታ ምዝንታውን ምንባብን እውን ነቲ ውላድ ክእለት ቋንቋኡ ንኽለማመድ ይሕግዞ። እቲ ውላድ ኣረኣእይኡ፣ ፈጠራኡ፣ ትኹረቱ ናይ ምልምማድ ዕድል ክረክብን ብዙሕ ናይ ምምሃርን ቃላቱ ንምዕባይን ዕድላት ክረክብ እዩ።

Ett barn som tittar i en bok tillsammans med ett yngre barn som tittar in i kameran.

ጥብቕ በል

ክልተኹም ነቲ ኣብታ መጽሓፍ ዘሎ ስእልታትን ንሓድሕድኩምን ኣብ ኣእምሮኹም ምእንቲ ኽትስእልዎ፣ ተመቻቺኹም ኮፍ በሉ፣ ኣካላትኩም ብሓባር እክብ ኣቢልኩም እንተ ኾይኑ ይምረጽ።

ናይ ገዛእ ርእስኻ ቃላት

ብናይ ገዛእ ርእስኻ ቃላት፣ ብቋንቋኻ ስእሊ ከም ደገፍ ጌርካ ንገሮ።

ባህታ

እቲ ውላድ ዘለዎ ተገዳስነትን ናህርን ነታ መጽሓፍ ብኸመይ ከም እተንብባ ክኽተል ግብሮ። እቲ ውላድ ዝያዳ መሳጢ ኮይኑ ዝረኸቦ ብቓላት ኣቐምጦ!

ኣካላዊ ምንቅስቓስን ድምጽታትን

ናይቲ ውላድ ኣካላዊ ምንቅስቓሳትን ድምጽታትን ሓዝ። እቲ ውላድ ምስ ዓበየ፣ እቲ ውላድ ዝሃቦ ቃላት ባዕሉ ክትወስዶ እውን ትኽእል ኢኻ። ስምዓዮ እሞ ነቲ ውላድ መልሲ ንኽህብ ብዙሕ ግዜ ሃቦ።

ቃና ድምጺ

ብናይ ገዛእ ርእስኻ ድምጺ ብዝግባእ ቃና ድምጺ ተጻወት። ምምሳል፣ ከም ናይ እንስሳ ድምጺ፣ ብጭርጭር ድምጺ ምዝራብ። ወይስ ምናልባት ብድምጺ ቤዝ? ኣብ መጽሓፍቲ ንዝርከቡ ዝተፈላለዩ ገጸ ባህርያት ዝተፈላለየ ዓይነት ድምጺ ወይ ድምጺ ክትምድብ ትኽእል ኢኻ።

ባህታ ከምዘለካ ኣርእዮ

እቲ ውላድ ዝሃቦ መልሲ ባህ ዘብል ኮይኑ ኸም እትረኽቦን ትኩር ምዃንካን ዝያዳ ኽትሰምዕ ከም እትደሊን ኣርኢ። እዚ ድማ ነቲ ውላድ ከተባብዖ እዩ።

በጃኻ ክተጋንን ናጻ ኹን!

ምግናን ኣቓልቦ እቲ ውላድ ክስሕብ እዩ። ናይ ገዛእ ርእስኻ ድምጽታት ተጠቐም፣ ገጽን ምልክትን ግበር። ብፍላይ ንሰርፕራይዝ፣ ዕረፍቲ ውሰድ።

ምርኣይን ምልክት ምግባርን

ሓደ ሓደ ግዜ ናብቲ ስእልታት ከተመልክት ትኽእል ኢኻ። ድሕሪኡ ንውላድካ ኣብቲ ኣገዳሲ ነገር ከትኵር ትሕግዞ ኣለኻ። ነቲ ዛንታ ክትከታተሎ ዝቐለለ ክኸውን እዩ።

ምኽርታት ኣብ መጽሓፍቲ፣ ፊልምታትን ፖድካስትን

ገለ ጽቡቕ ምኽርታት ብዛዕባ ምስ ውላድካ ከተንብቦም እትኽእል መጻሕፍቲ፣ ክሊፓት ሓጸርቲ ፊልምታትን ፖድካስትን ውሰድ እዚ ድማ ኣብ ምምዕባል ክእለት ቋንቋ ውላድካ ክትሳተፍ ከለኻ ሓጋዚ ክኸውን ይኽእል እዩ።

ምስ ውላድካ ምንባብ (እቲ ገጽ ብስዊድንኛ እዩ ተጻሒፉ)

To the top of the page