Besök 1177.se, logga in för personliga e-tjänster eller ring 1177 för sjukvårdsrådgivning.
Šaj te alosares savo žutimasko than vaj vårdcentral korkori kames kana manges žutipe ande phuterdo žutipe ande intrego Švedo.
Šaj te vorbis po telefonično numero 1177 intrego vrama (24 časura). Kote šaj te les žutipe pa nasvalimata - sjukvårdsrådgivning thaj šaj te žanes khaj te boldes tu te les kodo žutipåe so tut trobuj. Normalno si te manges žutipe ande vårdcentralen vaj ande sa kasavo doktoritsko than kana naj o nasvalipe zurales pharo ke šaj te meres vaj akutne. Te trobuja avesa bišado maj dur khaj kaver spesialistura vaj ande kaver bolnitsa.
Te tu te san kotor katar ekh nacionalno minoriteto, tut si tut o xakaj, ande khajekh kazusura, te trubusares kiri śhib ande e dori e samadimaske centrosa. Gin kate so thol pe andre ande verver situacije.
Kana getosares tut angla doktoritsko žutipe biris te les partča ando žutipe khetanes kusa e žutimaske bučara thaj von formulina o žutipe pala tute. Grundo khaj jekh pačako thaj sekurno žutipe si jekh lašo vorbipe maškar tute thaj e bučara.
Te sanas khaj jekh doktori thaj lan jekh atveto ke san nasvalo thaj tordžos angla phare decizi si tut čačipe te les jekh nevo medicinako dikhipe khatar o doktori, maj anglal bušolas kado second opinion. Ghindo kadalesa te lel pe jekh nevo medicinako dikhipe si te avel o manuš pačako ande kodo žutipe so vov lel thaj kodo so les maj feder žutij.
Patsientongo žakono si kerdo tuke khaj san patsiento. Ande kado zakono si buča skirisarde informatsiasa pa čiro nasvalipe thaj save žutimata šaj les. Atunči šaj vi tu te les detsizia pa čiro žutipe. Kote šaj vi te žanes khaj šaj te les kodo žutipe so tut trobuj.
Univar trobuj te les žutipe ande jekh kaver žutimasko than sar kodo than so žutij tut. Atunči trobuj tut univar jekh remiso te biris te areses kote.
Te si kade ke či vorbis švedicka si tut atunči čačipe khaj jekh tolmačo kana dikhes tut doktoresa vaj varikhasa kavere ando žutipe vaj dandengo žutipe. Ande e maj bute thanende birin e bučara te arakhen tuke jekhe tolmačos. Phen angla čiri vizita ke trobuj tut jekh tolmačo.
Kana boldel pe o manuš khaj o žutipe si kodo važno te ačarel pe jekh pačape khaj e bučara. Pačape si važno te ačarel pe o manuš pačako thaj te tromal te vorbij phuterdes pa sa e problemura thaj symtomura so si e manušes te birij kodo te lel čačo žutipe. Anda kodo si sa e bučara so keren buči ande hälso- och sjukvården (sastimasko thaj nasvalengo žutipe) tela tystnadsplikt.
