Vaksinasjovne sohten vööste
Vaccinera dig mot influensa - sydsamiskaThe content concerns VästerbottenSohte vijrusistie båata jïh dan aelhkies laaneste. Sohtevijruse Sveerjese fïerhten jaepien båata jïh daamhtaj daelvien. Vijruse aelmien tjïrrh laaneste jïh seejh voestes iereste jis naaken lea skïemtje, gossehte jallh gasjna. Jis sohtem åadtjoeh dellie daamhtaj vaejlie, åejjieh saejriedieh, åedtjieh bååktjedh, tjeapohke saejrede jïh gossehte. Maahtah sohten vööste vaarjelidh jis vaksineeredh.
Naaken almetjidie byöroeh vaksineeredh
Naan maehtieh garres sohteste skïemtjedieh jïh itjmies skïemtjelassh minngesne åadtjodh, vuesiehtimmieh gåblojste. Dan gaavhtan dah byöroeh vaksineeredh.
Datne byörh vaksineeredh jis naemhtie:
- Datne 65 jaepien båeries jallh båarasåbpoe.
- Datne nåajsan, graviditeetevåhkoen 12 minngesne, jallh aarebi jis byörh vaksineeredh jeatjah sjïeki gaavhtan.
- Datne vaajmoeskïemtjelassem åtnah.
- Datne gåbloeskïemtjelassem åtnah.
- Datne diabeetesem åtnah.
- Datne skïemtjelassem åtnah jallh daalhkesh vaaltah mestie dov kråahpe vaenie vaarjelimmiem åådtje infeksjovni vööste.
- Datne sveehkes librie jallh tjiermieh åtnah.
- Datne buajtehks.
- Datne skïemtjelassem åtnah åedtjine jallh neervine mestie gïerve voejngehth.
- Datne gelliefunksjovneheaptoeh åtnah.
Byöremh geerve almetjidie jïh maanide båarasåbpoe govhte aski båeries.
Datne gie stuerebe vaahram åtnah ålvas skïemtjelassem åadtjodh jeatjah sjïeki gaavhtan maahtah aaj faaleldahkem åadtjodh vaksineeredh. Dov dåaktere vierhtede jis byörh vaksineeredh.
Almetji fuelhkie giej dan nåake vaarjelimmiem utnieh infeksjovni vööste byöroeh sohten vööste vaksineeredh guktie dejtie vaarjelidh.
Daarpesjh fïerhten jaepien vaksineeredh
Gosse datne vaksineereme dellie daan jaepien sovhtevijrusen vööste vaarjelidh. Vaarjelimmie jåhta guhkemes akte jaepie jïh dan gaavhtan daarpesjh fïerhten jaepien vaksineeredh. Vaksijne sjïehtede sjyöhtehke vijrusen vööste vaarjelidh.
Vaksinasjovne pneumokogkeri vööste
Seamma almetjh goh bijjene, ij goh nåajsan, byöroeh aaj pneumokogkeri vööste vaksineeredh.
Gusnie maahtam vaksineerem?
Datne maahtah voenges vaksinasjovne-dåastoevisnie jallh dov healsoejarngesne jallh skïemtjeståaposne vaksineeredh.
Naemhtie vaksineeredh
Åadtjoeh sohtevaksijnem stratjken tjïrrh. Bijjiegïetem stratjkedh. Maanah nuerebe govhten jaepien daamhtaj vaksijnem åadtjoeh ruaksjese. Maanide båarasåbpoe göökte jaepien båeries jïh noeride 18 jaepien raajan gååvnese aaj vaksijne mij njuanan spreejredh.
Vaksinasjovnen mænngan maahta rååpsedidh jïh baajskodh gusnie stratjkem åadtjoejih. Maahta aaj dam damtedh. Maahtah vaejliem åadtjodh, åejjieh saejriedieh jïh åedtjieh baaktjedieh. Maanah kaanne eah sïjhth byöpmedidh dan jïjnje jïh dej tjåejjieh skrovrestieh. Dah maehtieh ryöhkedh akte jallh måedtie biejjieh.
Gåessie im byörh vaksineeredh?
Ih edtjh vaksineeredh jis vaejlie.
Jis ih maehtieh beapmoeh byöpmedidh mesnie munnieh allergijen gaavhtan, ih maehtieh vaksineeredh sohten vööste.
Nåajsan jïh njammemisnie
Ij naan vaahrah sohten vööste vaksineeredh jis nåajsan jallh njammemisnie.
Maahtah skïemtjedidh garrebe sohteste enn edtjh sjïdtedh jis ih nåajsan. Dan gaavhtan byöroeh datne gie nåajsan vaksineeredh. Vaksijne aaj slïedtjem vaarjele.
Datne byöroeh vaksineeredh nåajsanvåhkoen 16 mænngan, jallh aarebi jis byöroeh vaksineeredh mubpiej sjïeki gaavhtan.
Maam maaksam?
Västerbottenisnie lea vaksinasjovnem influensan vööste namhtah dutnjien gie vaahresne itjmies skïemtjedidh jis influensam åadtjoeh. Mubpide lea åasa 265 kråvnah.
Jis skïemtjedh
Jis datne sovhtine jïlhts leah vaksineereme dellie symptomh daamhtaj lïenede.
Årroeh gåetesne jis vaejlie jïh skïemtjes damth. Gossehth jïh gesjnieh gaejnelasse jïh bïssh gïetede daamhtaj guktie ih laanesth.
Jis datne almetje mij byöroeh vaksineeredh jïh sovhtem åadtjoeh edtjh hoksem gaskesadtedh.
Tsevtsieh jïh meatan årroeh dov hoksesne
Jis datne edtjh meatan årrodh dov hoksesne jïh gïetedimmesne vihkeles datne bïevnesh guarkedh mah hoksebarkijistie åadtjoeh. Gihtjh jis ih guarkah. Maahtah viehkiem åadtjodh toelhkestidh jis ih daarosth.