Pasieantadáhkádus
Patientförsäkringen - nordsamiskaThe content concerns VästerbottenJus divššus oažžu vahágiid maid sáhtálii garvit sáhttá oažžut buhtadusa gilláma, lasse goluide dahje invaliditehtii, nammalassii doaibmahehttehus mii lea bistevaš. Dát muddejuvvo pasieantavahátlágas ja danin gávdnojit bákkolaš dáhkádusat maid dikšoaddit ja dálkkasfitnodagat fertejit atnit.
Sáhttá oažžut buhtadusa vahágii maid lea ožžon iskama, divššu dahje gieđahallama oktavuođas váikko ii sáhte mearridit geas lea ovddasvástádus. Sivva sáhttá leat sivva rusttegiin, boasttu diagnosa dahje dálkkasaddin, ahte oažžu infekšuvnna dahje lea mielde lihkuhisvuođas.
Muhto ii sáhte oažžut buhtadusa jus lea gieđahallon heakkaváralaš dillái, ožžon lasseváikkuhusaid dálkasiin mat leat ordinerejuvvon rivttes láhkái, jus lea ihtán komplikašuvdna dahje jus gieđahallan ii leat addán sávahahtti bohtosa.
Ilmmuhus ja iskan
Vai galgá oažžut buhtadusa ferte ilmmuhit vahága Patientförsäkringen Löf, ieš dahje gullevaš dikšobargi vehkiin. Ilmmuhus dahkko erenoamáš skoviin mii gávdno lof.se dahje pasieantalávdegottis.
Priváhtabargi doaktárat ja bátnedoaktárat leat dáhkiduvvon priváhta dáhkadusfitnodagain ja leat geatnegahtton dieđihit makkár. Skovvi vahátilmmuhussii sáhttá diŋgojuvvot dan áigeguovdilis dáhkádusfitnodagas ja maŋŋil sáddejuvvot dohko.
Ilmmuhus ferte dahkkot ovdal golbma jagi maŋŋil go lea ožžon váttuid iežas vahágis ja ii oačču vássan eanet go logi jagi dan beaivvis go vahát iđii.