Dearvvašvuođaválga Västerbotten
Hälsoval Västerbotten - nordsamiskaThe content concerns VästerbottenBeassá válljet makkár dearvvašvuođaguovddážii galgá gullat.
Siiddus 1177.se gávdnojit oktavuođadieđut daidda dearvvašvuođaguovddážiidda ja buohcceviesuide mat gullet Dearvvašvuođaválljemii Västerbotten/ Hälsoval Västerbotten.
Ná vállje dearvvašvuođaguovddáža
Čálit iežat dearvvašvuođaguovddážii dehe riikka dikšunguovddážii 1177 Dikšunrávvaga e-bálvalusain dahje skoviin. Jorgaluvvon skovit gávdnojit dearvvašvuođaguovddážis.
Dearvvašvuođaguovddáš ii oaččo šiitit dan guhte lea álbmotčálihuvvon Ruŧŧii son oažžu čálihit iežas gosa háliida.
Jus johtá leanas dahje letnii iige vállje de čálihuvvo dan guvlui gosa lea álbmotčálihuvvon. Easká riegádan mánát čálihuvvojit álggus seamma Dearvvašvuođaguovddážii go fuolaheaddji. Mánáide vuolil 16 jagi lea fuolaheaddji guhte vállje Dearvvašvuođaguovddáža.
Fásta dikšunoktavuohta
Sáhttá oažžut fásta doaktároktavuođa iežas Dearvvašvuođaguovddážiin. Muhto ii sáhte leat vissis ahte oažžu juste dan doaktára gean háliida. Sáhttá maid gáibidit oažžut fásta dikšunoktavuođa, soapmásiin gii ii leat doavttir, jus leš dárbu dasa.
Rabasáiggit
Visot Dearvvašvuođaguovddážat leat rabas beivviid visot árgabeivviid. Dohko sáhttá riŋget oažžut ráđiid dahje diŋgot áiggi. Jus buohccá eahkes ja basiid lea dehálaš álggus riŋget 1177 vai oažžu veahki rievttes dikšui. Muhtimin čujuhuvvo primearadikšungáhttemii. Ubmijes primearadikšungáhtten lea Ålidhema Dearvvašvuođaguovddáš/ Ålidhems Hälsocentral ja Skillehtes ja Liksjoes buohcceviesuid heahtevuostáiváldimiin. Buohcceviessobáikkiin leat primearadikšungáhttemat vurrolaga. Sáhttá álo riŋget 1177 neavvuid oažžuma váras.