یو شمېر کسان اړتیا لري چې له معاینې وړاندې لا زیات چمتوالی ونیسي.  دا هغه وخت صدق کوي، کله چې تاسو درمل کاروئ.

که چېرې تاسو له دې درملو څخه کوم یو کاروئ، مهرباني وکړئ ژر تر ژره د وینې د رقیقوونکو درملو له کلینیک سره اړیکه ونیسئ.

• Waran
• Pradaxa
• Xarelto
• Eliquis
• Lixiana.

تاسو کولی شئ دantikoagulationsmottagningen له لارې د 1177.se ته د ننوتلو له لارې د medicinmottagning Umeå سره اړیکه ونیسئ. د ننوتلو لپاره تاسو ته د سویډن شخصي پېژندنې شمېرې او برېښنايي پېژندپاڼې ته اړتیا لرئ.

همداراز، تاسو کولای شئ له 7859366-090   شمېرې سره اړیکه ونیسئ.

که له لاندې مواردو څخه کوم یو پر تاسو پلی کېږي، مهرباني وکړئ په هغه ځای کې د endoskopienheten څانګې سره اړیکه ونیسئ چېرې چې ستاسو معاینه ترسره کېږي.

• تاسو د زړه ضربان تنظیموونکی یا نور برېښنايي امپلینټونه لرئ.
• تاسو Plavix یا Clopidogrel کاروئ.
• تاسو Efient (prasugrel) کاروئ.
• تاسو Brilique کاروئ.
• تاسو میندواره یاست یا په دې باور یاست چې میندواره به وئ.

په Västerbotten کې د endoskopienheternaد ټلیفون شمېره:

• Umeå، د ټلیفون شمېره 7859303-090  
• Skellefteå، د ټلیفون شمېره 7859150-090  
• Lycksele، د ټلیفون شمېره 7854460-090 

هغه کسان چې د کولونوسکوپي معاینې ته ځي، باید د دې لیدنې لپاره ځان چمتو کړي. ستاسو کولمې باید پاکې وي، له دې پرته ډاکټر به ونه شي کولای معاینه ترسره کړي. د معاینې څخه مخکې تاسو اړتیا لرئ چې د Plenvu ملایم کوونکي درمل واخلئ. تاسو کولای شئ هغه له درملتون څخه له نسخې پرته وپيرئ.

دا هغه طریقه ده چې د معاینې څخه مخکې ورځو کې خپلې کولمې پاکې کړئ

له معاینې څخه پنځه ورځې مخکې

• د فایبر او غلو دانو لرونکو خوړو خوراک بند کړئ د بېلګې په توګه، د غنمو بشپړه ډوډۍ، ریښه لرونکي سبزيجات، نور سبزيجات او مېوې باید ونه خوړل شي.
• د اوسپنې د ګولیو خوراک بند کړئ.

همداراز، تاسو اجازه نه لرئ چې یو شمېر ځانګړي درمل وکاروئ. د بیلګې په ډول، د درد ځانګړي ډول کمونکي درمل. 

له هغو درملو څخه استفاده مه کوئ چې لاندې مواد ولري: 

• اسیتیل سالیسیلیک اسید
• ایبوپروفین 

• ناپروکسین.

له معاینې یوه ورځ وړاندې

• سپکه سهارنۍ او غرمنۍ وخورئ، د بېلګې په توګه بې ټوټو سوپ، آملېټ، د کب ګولۍ، ترشې شیدې یا مستې. 
• د 12 بجو وروسته تاسو ته اجازه نشته چې هېڅ خوراک وکړئ، خو کولای شئ شفاف مایعات وڅښئ. د بېلګې په توګه، دا کېدای شي چای، قهوه، شوروا، جوس پرته له غوښې یا ټوټو او یا د مایعاتو بدیل څښاک وي.

لهمعاینې څخه مخکې مازدیګر

له معاینې څخه مخکې د ماښام له 5 بجو څخه باید د Plenvu نرموونکی محلول وخورئ.

د نرموونکي د کارونې طریقه په لاندې ډول ده:

1. د لومړي ډوز کڅوړه له 5 ډیسی لیتره سړو اوبو سره ګډه کړئ.
2. تر هغه وخته یې وښورئ چې ټول پوډر حل شي.
3. 5 ډیسی لیتره شفاف څښاک د خپلې خوښې سره سم چمتو کړئ.
4. نرموونکی محلول په یوه ساعت کې وڅښئ. لومړی د نرموونکي محلول یو ګیلاس وڅښئ، بیا د شفافو مایعاتو له رژیم څخه یو ګیلاس وڅښئ او همداسې دوام ورکړئ تر څو ټول مقدار ختم شي. 
5. کله چې تاسو ټول نرموونکی محلول وڅښئ، نو د ماښام په لړ کې کولای شئ هر څومره چې غواړئ شفاف مایعات وڅښئ.

د معاینې په هماغه ورځ.

• د معاینې څخه مخکې تاسو ته اجازه نه لرئ، چې هېڅ شی وخورئ. که چېرې تاسو غواړئ، کولای شئ ډکستروز (انګوري شکر) وخورئ.

• د نرموونکي محلول د راتلونکې ډ‌وز له اخیستلو مخکې هېڅ ډول درمل باید ونه کارول شي.  

ستاسو له معاینې څخه څلور ساعته وړاندې

له معاینې څخه څلور ساعته مخکې باید د نرموونکي محلول دویم ډوز واخیستل شي. 

1. د نرموونکي محلول دویم ډوز دوې کڅوړې لري، چې A او B په نښه شوې دي. دا دواړه باید په 5 ډیسی لیتره سړو اوبو کې ګډې شي.
2. تر هغه وخته یې وښورئ چې ټول پوډر حل شي
3. 5 ډیسی لیتره شفاف څښاک د خپلې خوښې سره سم چمتو کړئ.
4. نرموونکی محلول په یوه ساعت کې وڅښئ. لومړی د نرموونکي محلول یو ګیلاس وڅښئ، بیا د شفافو مایعاتو څخه یو ګیلاس وڅښئ او همداسې دوام ورکړئ تر څو ټول مقدار ختم شي. 
5. کله چې تاسو ټول نرموونکی محلول وڅښئ، نو تر معاینې پورې کولای شئ شفاف مایعات وڅښئ.

• لومړی ستاسو په لاس ستنه لګول کېږي. یو نری او انعطاف منونکی ټیوب د وینې رګ ته داخلېږي او په لاس نښلول کېږي. که چېرې تاسو وغواړئ، آراموونکي یا د درد ضد درمل درکول کېدای شي.
• تاسو د ناروغانو جامې اغوندئ.
• له تاسو څخه به وغوښتل شئ چې د معاینې په مېز څملئ او د کولونوسکوپي په وسیله به معاینه ترسره شي.

تاسو کولای شئ له معاینې وروسته بیا د معمول په څېر خوراک او څښاک وکړئ. خو که د معاینې پر مهال تاسو ته درمل درکړل شوي وي، نو تاسو اجازه نه لرئ چې د 24 ساعتونو لپاره موټر وچلوئ.

زه به څه وخت پایلې ترلاسه کړم؟

معمولاً ډاکټر یا نرس کولای شي  په سمدستي توګه تاسو ته ووایي چې د کولونوسکوپي پایله څه ده. که له کولمو څخه نمونې واخیستل شي، نو تاسو به په څو اونیو کې پوه شئ چې د هغوی پایلې څه شی دي. ډاکټر به تاسو ته پایلې په هغه ډول یا طریقه درکړي چې تاسو هوکړه پرې کړې ده.

د  Koloskopi په پاڼه کې تاسو کولای شئ یو ویډیو وګورئ چې څنګه دا معاینه ترسره کېږي. دا پاڼه په سویډني ده.