Lukea sinun lapsen kans
Läsa med ditt barn - tornedalsfinskaThe content concerns VästerbottenKattoa kirjoja ja lukea yhessä sinun lapsen kans on hauska tapa olla toisitten lähelä. Sie saat maholisuuen hyvhiin keskustelhuin. Kirjat, selittäminen ja lukeminen auttaa kans lasta träänaamhaan ommaa kieltä. Lapsi träänaa fanttasiita, luovuutta, keskityskykyä ja saapi paljon maholisuuksia oppia uusia sanoja.
Läheisyys
Istukaa somasti, mielelhään ette kosketta toishiin yhessä, ette tet näettä sekä kirjan kuvat ja toisitten.
Omia sanoja
Kertokaa omila sanoila, omala kielelä missä kuvat on tukena.
Jännää
Antakaa lapsen kiinostus ja temppu ohjata kuinka sie luet kirjaa. Anna sanoja niihin mitä lapsi pittää ette on enniiten jännittävää!
Viittoa ja ääntää
Sieppaa kiini lapsen viittaukset ja äänet. Kun lapsi tullee suuremaks sie saatat kans huomata lapsen omat sanat. Kuuntele ja anna lapsele hyvin aikaa vastata.
Äänensävy
Leiki sinun oman äänen kans sopivassa äänensävyssä. Matki, äänä kun elläin, porise piippauksella. Eli piian matalala äänelä? Sie voit antaa eri kirjanolenoile eriä ääniä.
Näytä kiinostusta
Näytä ette sie tykkäät ette lapsen vastaus on jännittävä ja ette sie huomaat ja mielelhään haluat kuulla lissää. Se kehottaa lasta.
Liiottele mielelhään!
Kun sie liiottelet se kiinittää lapsen huomion. Käytä omia ääniä, miimaa ja viito. Ota paysia, olletikki yllätyksile.
Näytä ja peekkaa
Peekkaa välistä kuvhiin. Sillon sie autat sinun lasta kathoon sitä mikä on tärkeä. Sillon se on helpompi seurata mukana kertomuksessa.
Kirjoitten tipsiä, filmiä ja podcastia
Saa hyviä tipsiä kirjoista joita luethaan yhessä sinun lapsen kans. Samoin tietoja lyhyistä filmistä ja podcastista joka saattaa olla avuks kun sie olet matkassa kehittämässä sinun lapsen kieltä.