Zakoni thaj čačipe

Minorne śhibake vorbisaravne

Du som talar ett minoritetsspråk - romska

Te tu te san kotor katar ekh nacionalno minoriteto, tut si tut o xakaj, ande khajekh kazusura, te trubusares kiri śhib ande e dori e samadimaske centrosa. Gin kate so thol pe andre ande verver situacije.

Läs texten på svenska här.

Specialne dimata (provizije) den pe ande varesave rajonura ando o them. Te śaj les informacija katar kiro regiono, ker siguro kaj alosardan o vortano regiono ande o regionosko selektoro ande e rigako upruno gor.

So si e nacionalne minorja?

O Zakono vaś e Nacionalne Minorja thaj e Nacionalne Minorne Śhiba si validno vaś e Roma, e Bibolde (Źidura), e Sami źene, e Śvedoske Finura thaj e Tornedalianura.

Te tu san kotor katar ekh katar kadala minorja, tut si tut o xakaj te trubusares peski śhib ande e dori vaś e publikane zorsivne (bare źene), primerno, kadala kon si responsibilne aśal o sastimos thaj o medikano samadimos.

Tu korkoro trubul te phenes te tu san kotor katar ekh nacionalno minori. Tut ni trubul tu nisavo specialno sertifikato.

Save śhiba si von?

E nacionalne minorni śhiba si:

  • Finikanes
  • E Sami śhib
  • Meankieli
  • Romanes
  • Idiś

O zakono si kerdo sa e źenenge kon den duma minorne śhiba ando Śvedo, kajte von si te si beśen ande o them. O zakono si maj striktno ande specialne rajonura, kajte e śhiba si maj but mothode. Kadala rajonura si akharde administracijake rajonura.

Tu śaj arakhes kate te tu te beśes ande ekh administrativno rajono thaj save si e śhiba gathe kajte tu beśes.

Sar kadava afektirl man kan man trubul man sastimasko samadimos?

Tu trubul te źanes te des duma pesko gindo, thaj te aves dindo informacija thaj źutimos ande peski śhib, źi kate kadava si śajdo. Kadava ćhanil te des duma pesko gindo kana vorbis thaj ramos. Kiri śhib si vastni (importantno) soske voj del tut o śajpe te aves kotor ande pesko sastimasko samadimos. Kana tu rodes sastimasko samadimos, puś te si sisavo bukjarno kon del duma peski śhib.

Te naj nisavo bukjarno kon del duma peski śhib, tu śaj manges, ande lesko than, ekhe śhib boldavne (interpretos) vaś peski vizita aśal sastimasko samadimos. Vastno si te phenes e samadimaske centro te źanel kana tu keres e vizita kaj tu manges ekh śhib boldavno. O śhib boldavno śaj atoska źutil tut te puśes e puśimata thaj śhib boldel tuke e responsura katar e samadimaske bukjarne.

Sar o śhib boldavno źutil ande e buki?

Ekh sfavo e śhib boldavnesa śaj avel kerdo ande verver droma. O śhib boldavno śaj avel pe o than aj śaj del duma po telefono aj video vorbimos.

Verver śhiba ande e ćhan kajte tu beśes

E minorne śhiba savi si vorbisarde śaj ververin, ande e ćhan kajte tu beśes. Tu śaj rodes sastimasko samadimos ande aver rajono te naj bukjarne kon den duma peski śhib gathe kajte tu beśes. Tu śaj manges te les ramome informacija ande peski śhib. Varesavo drom śaj si pesko paśutno familijako źeno kas trubul le e informacija.

Varesave droma, śaj o lokalno śerutnimos (municipaliteto) te del o źutimos, sastimasko samadimos aj medikano samadimos ande savo kazuso von si e źene kasa tu trubul te keres kontakto aśal peske puśimata. Śaj te avel ekh źutimos katar e socialne servisura, primerno, aj samadimos aśal e phure.

So si andre ande e phurengo samadimos?

Te tu te beśes ande ekh administrativno rajono aśal e Finura, e Meankieli źene aj e Sami źene, thaj tu san kotor katar ekh katar kadala minorja, tut si tut o xakaj pe o serviso thaj o samadimos save si dinde katar e bukjarne kon den duma peski śhib. E phurenge samadavne ande kadala lokalne śerutnimata si obligime te sigurin kaj si bukjarne kon den duma kadala śhiba.

Ande aver riga e themeske, tut si tut o xakaj te les sama e phurenge ande peski śhib te si bukjarne kon den duma e śhib. Tut si tut kadava xakaj te tu te des duma idiś aj romanes.

Te tu naj san ćalo e samadimasa

Te na san ćalo e samadimasa savi tu lan, tu ekhto trubul te keres kontakto e operacijake centrosa vaś o sastimasko samadimos aśal peske rovimata thaj same. Mang o źutimos vaś ekh śhib boldavno, thaj zumav te des ando akordo e responsibiloske bukjarnesa kana si e operacija.

Tu śaj keres kontakto i e pacientonengo godidimasko komitetosa ande o regiono kajte tu beśes. Te si ekh kazusno bukjarno kon źanel peski śhib, tu śaj les źutimos direktno. Aj te na, tu śaj ramosares karing o pacientonengo godidimasko komiteto. Pesko teksto atoska ka avel śhib boldo, thaj tu atoska ka les ekh ramome responso ande peski śhib.

Kames te źanes maj but?

O Sametinget (Parlamento vaś e Sami Źene) thaj e Länsstyrelsen i Stockholms län (Rajonoski Administracija ando Stokxolm) sigurin kaj o zakono si inkjardo. E Samonengo Parlamento si responsibilo aśal e Sami śhib thaj e Länsstyrelsen i Stockholms län (Rajonoski Administracija ando Stokxolm) si responsibilo aśal aver minorne śhiba.

Sametinget
Enheten för minoritetsfrågor vid Länsstyrelsen i Stockholms län
Webbplats för de nationella minoriteterna
Lagen om nationella minoriteter och minoritetsspråk

To the top of the page