ንጥዕና ኢልካ ብላዕ

እቲ ምኽሪ ንመብዛሕትኦም ኣባጽሕ ዚሰማማዕ ኢዩ።
ገለ ሕማም ምስ ዚህልወካ፡ ካልእ
ምኽሪ ከድልየካ ኢዩ።
ንሓደ ንጥዕናኻ ጽቡቕ ዘይኮነ ናይ መግቢ ልምዲታት ምስ እትልውጦ
ኣብ ጥዕናኻ ዓቢ ለውጢ ኪገብር ይኽእል ኢዩ።

• ኣብ መመዓልቲ ብውሑዱ ፍርቂ ኪሎ ፍረታት ወይ ኣሕምልቲ ብላዕ።
• ኣብ ሰሙን ክልተ ወይ ሰለስተ ግዜ ዓሳ ወይ ናይ ባሕሪ ፍርያት ብላዕ።
• ዘይተጻረየ እኽሊ ዘለዎ ምግቢ ብላዕ።
• ኣብ ክንዲ ጠስሚ፡ ዘይቲ ኣዘውትር።
• ኣብ ሰሙን ካብ ፍርቂ ኪሎ ዚዛይድ ቀዪሕ ስጋ ኣይትብላዕ።
• ብዙሕ ሽኮር ወይ ጨው ዘለዎ ምግቢ እንተ ዘይበላዕካ ይምረጽ።
• ብእተኻእለ መጠን ኣብ ውሱን ሰዓታት ብላዕ።
• ኣብ መጠቕለሊኡ ናይ መፍትሕ ንዃል ስእሊ ዘለዎ መግቢ ምረጽ።

ናይ መፍትሕ ንዃል ስእሊ፡ እቲ ምግቢ ዝወሓደ ሽኮርን ጨውን፡
ዝያዳ ዘይተጻረየ እኽልን ጽሕግን ከምኡውን ውሑድ ስብሕን ወይ ድማ
ዝያዳ ጥቕሚ ዘለዎ ስብሒ ከም ዘለዎ ይገልጽ።

እንታይ ከም እትበልዕን ከመይ ከም እትበልዕን ዚምልከት ጽቡቕ
ልምድታት ምስ ዚህልወካ፡
ብቐሊሉ ሓድሓደ ዓይነት
ሕማማት ኸይትሓምም ይሕግዘካ ኢዩ።
ናይ ልብን ናይ መትንታት ልብን ሕማማት፡
ሕማም ሽኮር ደረጃ 2 ከምኡውን እተፈላለየ ዓይነታት ካንሰር ኣሎ።
እንታይ ከም እትበልዕን ብኸመይ መገዲ ከም እትበልዕን ብዚምልከት
ጽቡቕ ልምዲ ምስ ዚህልወካ፡
ዝያዳ ክብደት ንኸይትውስኽ ይሕግዘካ ኢዩ።