ብዛዕባ ተመኩሮ ሕርስኺ ዘለኪ ስሚዒት

ድሕሪ ቈልዓ ምውላድኪ ኣብ ሆስፒታል ኣብ ዘለኽሉ እዋን፡ ብዛዕብኡ ምስ ሓንቲ መሕረሲት ወይ ሓኪም ክትዛረቢ ትኽእሊ ኢኺ። ሕቶታት ክትሓትን መልሲ ክትረኽብን ትኽእሊ።

መጻምድትኺ ወይ መቕርብኪ ኣብቲ ዝርርብ ምሳኺ ክህሉ ይኽእል እዩ።

ሓደ ሓደ ግዜ እታ መሕረሲት ሕቶታት ክትሓትት እያ

ድሕሪ ገሊኡ ሕርስታት መብዛሕትኡ ግዜ እታ መሕረሲት ነታ ኣደ ጥዕናኣ ከመይ ከም ዘሎን ብዛዕባ እቲ ሕርሲ ከመይ ይስምዓ ከም ዘሎን ትሓታ እያ።

እዚ ንኣብነት እቲ ቈልዓ ኣቐዲሙ ብዘይውጥን ብመጥባሕቲ ምስ ዝውለድ ክኸውን ይኽእል። ካልእ ኣብነት ድማ፡ እቲ ቈልዓ ድሕሪ ምውላዱ ዝያዳ ክንክን ኣድልይዎ ምስ ዝነብር እዩ።

ድሮ ባዕሎም ዘይሓተቱኺ ምስ ዝኾኑ፡ ክትዛረቢ ከም ትደልዪ ነቶም ሰራሕተኛታት ሓብርዮም ኢኺ።

ሒደት ሰሙናት ድሕሪ ናብ ቤትኪ ምምላስኪ ምስ መሕረሲት ንኽትራኸቢ ናብ ክሊኒክ ነፍሰ ጾራትን ሓራሳት ክትበጽሒ ኢኺ።

ሽዑ ብዛዕባ ናይ ሕርሲ ተመኩሮኽን ከመይ ይስምዓኪ ከም ዘሎን ክትዛረባ ኢኽን።

ከምኡ’ውን ብዛዕባ እቲ ኣብ ሕክምናዊ መዝገብ ብዛዕባ ሕርስኺ ሰፊሩ ዘሎ ክተንብባን ክትዘራረባሉን ኢኽን። ሕክምናዊ መዝገብ ማለት፡ ኣብ ሆስፒታል ኣብ ዝጸናሕክሉ እዋን እቶም ሰራሕተኛታት ዝጸሓፍዎ መዘኻኸሪታት እዩ።

ድሕሪ ሕርስኺ ኣካላዊ ወይ ስነ-ኣእምሮኣዊ ጥዕናኺ ጽቡቕ ምስ ዘይህሉ፡ ክትረኽብዮ ትኽእሊ ደገፍን ሓገዝን ኣሎ።

ምስ ዘድልየኪ፡ እታ መሕረሲት ምስ ሓኪም ንኽትራከቢ ክትሕግዘኪ እያ።  ከምኡ’ውን ንኣብነት ምስ ሓደ ክኢላ ስነ-ኣእምሮ (psykolog) ወይ ክኢላ ስነ ምንቅስቓስ ኣካላት/ፊዝዮተራፒ ንኽትራኸቢ ሓገዝ ክትረኽቢ ትኽእሊ ኢኺ።

ድሕሪ ሕርስኺ ኣብታ ቀዳመይቲ ሰሙን፡ ምስ ዝሓረስክሉ ሆስፒታል ክትራኸቢ ትኽእሊ ኢኺ።

ድሕሪ ሓደ ሰሙን ምስ ክሊኒክ ነፍሰ ጾራትን ሓራሳትን ክትራኸቢ ትኽእሊ። ኣብዚ ክሊኒክ ነፍሰ ጾራትን ሓራሳትን ክትረኽቢ ትኽእሊ። እቲ ሓበሬታ ብሽወደንኛ እዩ።