Talaalka covid-19
Vaccination mot covid-19 - somaliskaCovid-19 waa cudur faafa. Tallaalku waxa weeye habka ugu fudud/haboon ee loogaga hortagaayo in cudurka si xun loogu jirado ama loogu dhinto. Waxa uu tallaalku sidoo kale gacan ka geysanayaa dhimista faafitaanka cudurka covid-19 ee bulshada dhexdeeda. Waxa sidaa darteed muhiim ah inay dad badani doortaan inay is tallaalaan.
Gobolkaaga ayaa ah cidda talaalka ka mas'uulka ah. Gobolka bogga xagiisa sare ka dooro si aad ugu hesho macluumaad dheeraad ah oo ku saabsan waxa khuseeya meesha aad joogto.
Uma baahnid inaad tallaalka covid-19 lacag ka bixiso.
Adiga ayaa go'aaminaaya haddii aad rabto inaad is tallaasho.
Macluumaadka qoraalka ayaa khuseeya carruurta iyo dadka waaweyn labadaba.
Sidee ayaan sameeyaa si aan tallaal ugu helo?
Dhammaan dadka 12 sano jir buuxiyey waxa loo soo bandhigayaa tallaal.
Xitaa qofka magangalyo doonka ah ama Iswiidhan sharci la'aan ku jooga ayaa bilaash tallaalka loo siinayaa. Waxay taasi khuseysaa xitaa qofka Iswiidhan wax ka barta iyo ka shaqeeya iyadoo aanad muwaadin Iswiidhish ah ahayn.
Waxa laguu soo jeedinayaa inaad is tallaasho xitaa haddii uu covid-19 hore kuugu dhacay.
Tallaalka loo qaadanayo covid-19 gobolka Västra Götaland gudihiisa
Tallaalada loo qaato covid-19 gobolka Götaland gudihiisa
Waxaan hadda u isticmaalnaa labo tallaal hawlaha tallaalka: Comirnaty oo ka timid Pfizer/BioNTech ama Spikewax oo ka timid Moderna bay qaadanayaan dhammaan dadka la tallaali doono. Waxaa muddo dheer badnaa tallaalka Pfizer/BioNTechs ka yimid Iswiidhan gudaheeda laakiin hadda waxaa kordhay tallaalka ka imaanaya Moderna. Labada tallaalba waxaa laga isticmaalaa waddamo badan waxaana Iswiidhan gudaheeda laga isticmaalayay laga soo bilaabo diisambar 2020.
Tallaaladu waxay ku dhisan yihiin waxa loogu yeero tallaalka mRNA. Waa la isku hubaa, waxaa laga helayaa diffaac fiican waana in wakhti is le´eg u dhexeeyo labada jeer ee tallaalka la qaadanayo.
Kasii akhri tallaalka loo qaato covid-19 bogga Hey´adda caafimaadka dadwaynaha
Adeeg telefoon turjumaan leh
Gobolka Västra Götalandsregionen wuxuu leeyahay adeeg telefoon oo looga warbixinayo tallaalka. Waa isla warbixinta ku jirta 1177.se. Adeegga waxaa lagu heli karaa af-carabi, af-beershi iyo af-somali. Taas cagsigeeda kaama caawinayo inaad ballan qabsatid ama lagaga jawaabo su´aalo caafimaad.
Telefoon lambar: 010-473 94 30. Wakhtiyada uu furan yahay: 7-16.
Af carabi: 011-473 00 22
Af beershi: 011-473 00 23
Af somali: 011-473 00 24
Sidan ayaa talaalka loo sameynayaa
Waxa tallaalka cirbad lagaaga siinayaa cududa. Waxaad u baahan kartaa inaad laba cirbadood qaadato. Waxa cirbadaha lagu kala siin doonaa marar kala duwan.
Waxaad marka cirbada lagu siiyo meesha sii joogi doontaa 15 daqiiqo. Taasi waxa weeye si caafimaadkaaga loogu hubiyo.
Laba todobaad ka dib markaad cirbada ugu danbeysa qaadato ayaad difaac aad u wanaagsan oo badan oo covid-19 ah leedahay.
Dadka qaar ayaa u baahan kara tallaallo dheeraad ah
Waxaa laguu soo bandhigayaa doos saddexaad oo tallaalka haddii mid ka mid ah kuwan soo socda ay ku khuseyso:
- Aad degan tahay hoy waayeelka u gaar ah.
- Aad leedahay adeega guriga ama adeega daryeelka caafimaadka guriga.
- Aad tahay 80 sano jir ama ka weyn tahay.
Xitaa haddii aad leedahay habdhiska difaaca jirka oo aad u dhacsan ayaa laga yaabaa inaad u baahato doos/qadar tallaalka oo dheeraad ah. Dhakhtarkaaga ayaa go'aaminaaya haddii aad taas u baahan tahay.
Ma dooran kartid nooca tallaalka ee aad heli doonto.
Waxaad xaq u leedahay inaad markaad is tallaaleyso aad macluumaad shaqaalaha daryeelka caafimaadka ka hesho. Weydii haddii ay jirto wax aad is weydiinayso.
Miyaan is talaali karaa haddii aan jiranahay?
Waa in aanad is tallaalin haddii aad qandho ama calaamado covid-19 ah leedahay.
Sidee ayaan ka dib dareemayaa?
Waxaad yeelan kartaa cududda oo ku xanuunta, madax xanuun iyadoo aad daalan tahay maalinta ugu horreysa ee tallaalka ka dib. Waxaad sidoo kale noqon kartaa inaad barafoowdo/dhaxamooto, aad qandho yeelato ama ay laabatooyinka iyo murquhu ku xanuunaan. Waxa loo yaqaanaa saameynta xun waxaanay caadi u tahay carruurta iyo dadka waaweyn ee tallaalka covid-19 qaatey.
Waxay taasi caadi ahaan noqotaa dhibaato khafiif ah iyadoo dhowr maalmood gudahood iska tagta.
Guriga joog ilaa iyo inta aad calaamado leedahay.
Haddii aanay calaamaduhu kaa tagin dhowr maalmood gudahood, ayaad u baahan tahay inaad tijaabo iska qaado.
Saameynta xun ee talaalka
Malaayiin qof ayaa covid-19 iska tallaalay. Dad aad u tiro yar ayaa tallaalka ka dib yeeshay saameyn aad u xun. Taasi waa wax aan caadi ahaan dhicin. Waxa ka khatar weyn inaad covid-19 si xun ugu xanuunsato.
Soo sheeg saameynta xun ee tallaalka
Waxaad adigu soo wargalin kartaa hey’adda Läkemedelsverket haddii aad ka shakisan tahay in tallaalku uu wax saameyn xun ah kugu keenay. Boggu waxa uu ku qoran yahay af Iswiidhish.
Xitaa shaqaalaha daryeelka caafimaadka ayaa soo sheegaya haddii ay ka shakiyaan in tallaalku uu wax saameyn xun ah keenay.
Macluumaadka ku saabsan saameynta xun ee laga shakisan yahay ayaa lasoo uruninayaa . Waxa ka dibna baaritaan lagu sameynayaa haddii ay xiriir tallaalka la leeyihiin.
Uurka iyo tallaalka
Dumarka uurka leh ayaa aad ugu jiran kara covid-19. Si aad naftaada iyo ta ilmahaba ugu illaaliso ayaa tallaalka laguugu soo jeedinayaa.
Dumar badan oo uur leh ayaa dunida tallaalka covid-19 la siiyey. Waxyeello uma keeneyso ilmaha caloosha ku jira.
Kalkaalisadaada kala hadal si aad ugu ogaato waxa adiga ku khuseeya.
Carruurta iyo talaalka
Carruurta ayaa Covid-19 aad ugu xanuunsan karta, inkastoo aanay taasi wax caadi ah aheyn. Carruurta da'doodu tahay 12 sano jir iyo wixii ka weyn ayaa sidaas darteed tallaalka loo soo bandhigayaa.
Malaayiin carruur ah oo adduunka ku nool oo 12 sano jir ka weyn ayaa covid-19 laga tallaalay.
Dadka ka yar 18 sano jir ayaa u baahan kara ogolaanshaha waalidka/daryeelaha si uu tallaalka ugu helo. La xiriir qof jooga meesha is tallaalistu ka dhacayo haddii aad dooneyso inaad is tallaasho, laakiin aanad ogolaansho haysan.
Qofka hore ugu yeeshay xasaasiyad xun
Kala hadal dhakhtar haddii aad horey u yeelatay xasaasiyad taas oo aad u baahatay inaad isla maalintaasba daryeel caafimaad raadsato. Waxa taas keeni kara tallaal, dawo ama wax aad cuntay.
Tallaalka si taxaddar leh ayaa loogu kantaroolay
T
Tallaalka covid-19 waxa loo sugay si la mid ah sida taxaddirka badan leh ee tallaalada kale. Dad badan ayaa tallaalka qaatay iyadoo cilmi baadhayaal ay daraasad saameyntiisa ku sameeyeen. Dad waaweyn iyo carruur tiro badan ayaa tallaalka la siiyey iyadoo cilmi baarayaashu ay daraasad ku sameeyaan saameynta. Waxa sii socota in tallaalka daraasad lagu sameeyo.
Cilmi baadhayaal wadamo badan ka socda ayaa iska kaashaday si tallaalka loo soo saaro. Dalal badan iyo shirkado dunida oo dhan ku yaala ayaa lacag badan galiyay. Sidaa darteed ayaa tallaalka dhakhso loogu soo saaray.
Waxa aad bogga Så fungerar vaccin ka akhrisan kartaa oo aad ka daawan kartaa filimo talaalka ku saabsan. Boggu waxa uu ku qoran yahay af Iswiidhish.
Sii wado inaad talada raacdo si loogu yareeyo faafitaanka covid-19
Waa inaad talooyinka xukuumadda raacdo xitaa markaad talaalka hesho ka dib.
Waxa jirta khatar yar oo aad jirada ku qaadeyso xitaa haddii aad is talaasho.