ናብ ቋንቋይ ምስቱርጓም

እቶም ሰራሕተኛታት ክንክን ጥዕና ዝዛረብዎ ምእንቲ ክርድኣካ ሓደ ኣስተርጓሚ የስተርጉሞ። እቲ ኣስተርጓሚ ሽወደንኛን ትግርኛን እዩ ዝኽእል።

ሕቶታት ምስ ዝህልወካ እቲ ኣስተርጓሚ ከተርጉሞ ይኽእል። ድሕሪኡ እቲ ኣስተርጓሚ ነቲ ናይ ክንክን ጥዕና መልሲ ናብ ቋንቋኻ የስተርጉሞ።

ሓደ ኣስተርጓሚ መብዛሕትኡ ግዜ ንጽሑፍ ኣየስተርጉምን እዩ።

እዚ ኣብነት፡ ናይ ሓደ ኣስተርጓሚ ዘለዎ ርክብ ከመይ ክኸውን ከም ዝኽእል እዩ፦

• እቲ ኣስተርጓሚ ኣብቲ ምስ ሰራሕተኛታት ክንክን ጥዕን ዝግበር ርክብ ይሳተፍ።
• እቲ ኣስተርጓሚ ብተሌፎን ወይ መጉልሕ ድምጺ ይሳተፍ።
• ንስኻ፡ ሰራሕተኛታት ክንክን ጥዕናን እቲ ኣስተርጓምን ብመንገዲ ካሜራን ኮምፕዩተርን ርክብ ትገብሩ። ኣዚ ናይ ቪደዮ ምስቱርጓም ይብሃል።

ቆጸራ ክትሕዝ ከለኻ ናብ’ ቆጸራኻ ዘድልየካ ዓይነት ኣስተርጓሚ ክግበረልካ ነቶም ሰራሕተኛታት ክንክን ጥዕና ሕተቶም።

ሓደ ኣስተርጓሚ ግዴታ ምዕቃብ ምስጢር ኣለዎ። እዚ ማለት እቲ ኣስተርጓሚ ብዘይ ፍቓድካ ንኻልእ ሰብ ሓበሬታ ከውጽእ ኣይፍቀዶን እዩ።  

ሓደ ሓደ ግዜ ስድራ ወይ የዕሩኽ ኣብ ምስቱርጓም ክሕግዙ ክደልዩ ይኽእሉ እዮም። እዚ ግን ሓደ ሓደ ግዜ ዘይምርድዳእ ከስዕብ ይኽእል እዩ። ንሳቶም ግዴታ ምዕቃብ ምስጢር እውን የብሎምን። ስለዚ ብሓደ ከም ኣስተርጓሚ ኮይኑ ዝሰርሕ ሰብ ሓገዝ ምርካብ ዝሓሸ እዩ።