ምክንኻን ቈልዓ

ሓደ ሓድሽ ዝተወልደ ህጻን ኣብ ውሽጢ እተን ቀዳሞት መዓልታት ዕድሚኡ ብዝተፈላለየ መንገዲ ይምርመር። መብዛሕትኡ መርመራታት ቅድሚ ንቤትኩም ምኻድኩም ኣብ ሆስፒታል እዩ ዝግበር። ብኣጋ ናብ ቤትኩም ምስ ትኸዱ ንመርመራታት ተመሊስኩም ናብ ሆስፒታል ምኻድ ከድልየኩም ይኽእል እዩ።

ምጥባው ንቘልዓ መግቢ፡ ቅርበትን ውሕስነትን ይህቦ። ምጥባው ከም ዝግብኦ ንክሰርሕ ግን ግዜ ክወስድ ይኽእል እዩ። ሓገዝ ናይ ምርካብ ተኽእሎ ኣሎ።

ከተጥብዊ ኣብ ዝጀመርክሉ እዋን ኣብ ኣጥባትኪ ጸገማት ከጋጥሙኺ ንቡር እዩ። እዚ መብዛሕትኡ ግዜ ድሕሪ ቁሩብ ግዜ ይጠፍእ እዩ። ሓደ ሓደ ግዜ ግን ሕክምና የድልዪ እዩ።

ጸባ ጡብ ኣደ ዘይረኽቡ ቈልዑ መተካእታ ጸባ ጡብ ኣደ ክወሃቦም የድሊ እዩ። ጸባ ጡብ ኣደ ከም ዝመስለ ተገይሩ እዩ ተሰሪሑ። እቲ ቈልዓ ልሙድ መግቢ ክበልዕ ምስ ጀመረ፡ ኣብ ክንዲ መተካእታ ጸባ ጡብ ኣደ እቲ ወሰኽ መኣዛዊ መግቢ ዝብሃል ክወሃቦ ይኽእል እዩ።

ሃንደበታዊ ሞት ዕሸል፡ እቲ ህጻን ምስትንፋስ የቋርጽን ይመዉትን ማለት ኮይኑ መብዛሕትኡ ግዜ ድማ ኣብ እዋን ድቃስ የጋጥም። ግን ኣዚዩ ብዙሕ ዘይልሙድ እዩ። ነዚ ሓደጋ ንምቕናስ እቲ ኣዚዩ ኣገዳሲ ዝኾነ፡ እቲ ህጻን ብሕቖኡ ክድቅስ ከሎ እዩ።

ኵሎም ኣብ ሽወደን ዝቕመጡ ቈልዑ ጸረ ዓሰርተ ክልተ ሕማማት ክታበት ክወስዱ ዕድል ይወሃቦም። እዚ፡ እቲ ቈልዓ ብኸቢድ ንኸይሓምም ንምክልኻል እዩ። እቶም ክታበታት ካብ ክፍሊት ብናጻ እዮም ዝወሃቡ።

እዚ ጽሑፍ ንደቂ-ተባዕትዮን ደቀንስትዮን ይምልከት። ማእከል ክንክን ጥዕና ቈልዑ ክሳብ ሽዱሽተ ዓመት ንዝዕድሚኦም ቈልዑ ዘገልግል ክሊኒክ እዩ። ኣብኡ እቶም ሰራሕተኛታት ናይቲ ቈልዓ ጥዕናን ዕብየትን ከመይ ከም ዘሎ ይምርምሩ። ብዛዕባ ኩሉ ንቈልዑን ወላዲ ምዃንን ዝምልከት ሕቶታት ክትሓትት ትኽእል ኢኻ።