Carruurta qaar ayaa si xun ugu xanuunsada caabuqa RSV.

Khatarta ah in ilmaha si xun u xanuunsado way sii kordheysaa haddii mid ka mid ah kuwan soo socda uu khuseeyo:

• Ilmaha wuu ka yar yahay lix bilood.
• Ilmuhu wuxuu dhashay asagoo dhicis ah.
• Ilmuhu wuxuu qabaa cudur ku dhaca wadnaha, sambabada ama habdhiska neerfaha.

Caabuqa RSV wuxuu u ekaan karaa hargab caadi ah. Si kastaba ha ahaatee, carruurta da'doodu ka yar tahay lix bilood ayaa aad u xanuunsan kara. Badanaa waxay qaadataa dhowr usbuuc in ilmaha fiicnaado.

Calaamadaha ugu horreeya ee caabuqa RSV badanaa waa:

• Ilmuhu wuxuu leeyahay san duuf iyo sanka oo xiran.
• Ilmuhu wuxuu qabaa qandho.
• Ilmuhu wuxuu ku dhibtoonayaa naasnuujinta, cunista ama cabbitaanka.

Carruurta qaar aad bay u xanuunsadaan

Carruurta qaar ayaa aad u xanuunsada maalmaha ugu horreeya. Waxaa laga yaabaa inay ku adkaato neefsashada. Tan waxaa lagu ogaan karaa waxyaabaha soo socda:

• Ilmaha ayaa neef tuuraya.
• Ilmaha wuxuu u muuqdaa inuu dhibaato ku qabo neefsashada.

Carruurta qaar ayaa laga yaabaa inay neefta ku dhageyso. Ilmaha wuxuu joojin karaa neefsashada gebi ahaanba muddo gaaban.

Qufac daran

Caabuqa RSV wuxuu sababi karaa qufac daran. Qufacu wuu ka sii dari karaa dhowr maalmood ka dib marka ilmaha yeesho caalamadaha ugu horreeya.

Ilmuhu wuxuu qufaci karaa in badan dhowr usbuuc.

Haddii aad u baahan tahay inaad raadiso daryeel caafimaad waxay ku xiran tahay da'da ilmahaaga iyo astaamaha. 

Wac lambarka taleefanka 1177 si aad talo u hesho. Dadka ka jawaaba waa kalkaalisooyin. Waxay kuu sheegi karaan meesha aad ka raadsan karto daryeel caafimaad ama daawo, haddii loo baahdo. 

Ka soo wac +46 771 11 77 00 haddii aad haysato taleefon leh lambarka ajaanibta ah. 

Haddii ay degdeg tahay 

Isla markiiba wac 112 haddii ilmahaagu uu dhib ku qabo neefsashada.

Waa kuwan talooyin ku saabsan sida aad u caawin karto ilmahaaga:

• Sii ilmahaaga daawo buufinta sanka ee saline (nässpray) ama goojada sanka ee saline (näsdroppar).
• Isticmaal qalab nuugid gaar ah si aad uga saarto xabka-diifka ee sanka ilmahaaga. Kuwaan waxaa laga heli karaa farmashiyeyaasha.
• Ilmahaaga jiifi sariirta isagoo madaxiisu ka sarreeya jirka intiisa kale.
• Si joogto ah u sii ilmahaaga dareere.
• Cuno sii ilmahaaga in ka badan sidii caadiga ahayd haddii uusan cuni karin wax badan markiiba.

Daawooyinka qandhada

Sii ilmahaaga daawada qandhada haddii uu aad u xanuunsan yahay qandhada awgeed.

Weydii farmashiyaha daawada aad isticmaali karto. Marka hore la hadal dhakhtar haddii ilmaagu ka yar yahay lix bilood.

RSV wuxuu faafi karaa marka qof qaba caabuqa uu hindhiso ama qufaco. Tani waxay keyntaa in ay kasoo baxaan dhibco yaryar oo fayras ah. Waad qaadi kartaa haddii dhibcahaasi ay galaan jirkaaga. 

RSV sidoo kale waxaa faafin kara marka aad taabato shay ama qof qaba fayraska, tusaale ahaan haddii aad gacmaha is qabsataan. Fayrasku waxuu gali karaa afkaaga ama sankaaga haddii aad wejigaaga ku taabato gacmahaaga.

Waa tan sida aad u yarayn karto khatarta inaad qaaddo RSV:

• Gacmahaaga si joogto ah u dhaq.
• Ka fogow dadka kale, gaar ahaan marka gudaha lagu jiro.
• Ka fogow taabashada dadka qaba hargabka.
• Dooro hawlaha bannaanka marka aad la kulmayso dadka kale.

Daawooyinka ka hortaga fayraska

Waxaa jira daawo ka ilaalisa carruurta inay ku xanuunsadaan caabuqa RSV. Dhammaan dhallaanka cusub waxay heli karaan daawadan. Tani waxay khuseysaa ilmaha dhasha 10 Sebtembar 2025 ama waxii ka danbeyo. Dhallaanka waxaa la siiyaa daawada cirbad ahaan.

Carruurta kale ee halista ugu jira inay si daran ugu xanuunsadaan ayaa sidoo kale qaadan kara daawadan.

Tallaalka xiliga uurka leedahay

Haddii aad uur leedahay, waxaad qaadan kartaa tallaalka RSV. Tani waxay ilaalin doontaa ilmahaaga ilaa uu ka gaaro lix bilood.

Carruurta aadka u xanuunsata waxaa laga yaabaa inay u baahdaan in lagu daweeyo Isbitaal. Isbitaalka, ilmaha waxaa la siin doonaa dareere iyo nafaqo.

Carruurta ku dhibtoonaya neefsashada ayaa laga caawin doonaa arrintan.