Tsegkietnie healsoehåksosne. Daesnie naan tsiehkieh man bïjre maehteden soptsestidh:

• Guktie datnine.
• Mejtie nåajsan aarebi orreme.
• Mejtie naan skïemtjelassh åtnah jallh åtneme.
• Dov åssjaldahki bïjre.
• Magkerh beapmoeh hijven byöpmedh gosse nåajsan.
• Guktie maahtah svihtjedh jïh saavredh gosse lea nåajsan.
• Guktie snohke, jovkestahkh, geeruvevoete jïh daalhkesh maahta maanam skeamtjodh.
• Dov åssjaldahkh baersieldimmien jïh njammemen bïjre.

Datne åadtjoeh aaj dej giehtjedimmiej bïjre govledh. Dïhte maanan evtiedimmiem gïehtjede. Dagkerh giehtjedimmieh fosterdiagnostikine gohtje.

Åadtjoeh aaj joekehth pryövah vaeltedh.

Barkiji sjeavodhdïedte

Gaajhkesh dovnesh mah healsoehåksosne berkieh sjeavodhdïedtem utnieh. Eah gïeh luhpiem utnieh soptsestidh datne debpene mïnneme.

Naa sïejhme 6-10 aejkieh tsegkietnien luvnie mïnnedh. Joekehtse nyjsenæjjeste nyjsenæjjan.

Lïhkebe baersieldimmiem dle daamtajåbpoe vaedtsedh.

Tsegkietnien luvnie dovne pryövah jïh giehtjedimmieh vaaltasuvvieh, guktie vuartasjidh guktie datnine jïh jiemine.

Sïejhme hov vïrrepryöva vaeltedh jïh gadtjeste.

Tsegkietnie aaj gïehtjede:

• Vïrredeadtoem vaalta.
• Man löövles lea.
• Guktie jiemie sjïdteminie.
• Guktie maana svihtjeminie.
• Guktie maanan vaajmoe tsaapma.

Tsegkietnie vihkeles bïevnesh dov bïjre tjaelele akten digitaale tjaalegisnie. Barkijh baersieldimmiegoevtesisnie dejtie luhkieh gosse dahkoe båatah.

Tsegkietniedåastove eejhteghtjåanghkoeh hööltieh. Desnie nöörh jeatjebh gaavnesjidh mah maanam vuertieminie.

Tjåanghkojne raerieh jïh bïevnesh åadtjoeh. Provhkebe baersieldimmien bïjre soptsestidh, magkerh daalhkesh/ sleapkoe gååvnese, maanan jïh njammemen bïjre.

Datne mij leah bælloen nelnie jallh stråarkan baersieldidh maahta sjïere viehkiem åadtjodh.

Soptsesh tsegkietnine mestie bïllh. Maahta seamma saaht årrodh.

Dah mah skïemtje jallh tjoeperdh tjuerieh tjiehpiesietniehåksosne vaedtsedh.

Tsegkietnie jallh dåaktere tsegkietniedåastovisnie dutnjien soptseste mejtie datne tjoerh dahkoe vaedtsedh.

Datne maahtah toelhkem åadtjodh.

Jis ih daarosth, dle maahtah viehkiem toelhkeste åadtjodh gosse håksose båatah. Gosse tæjmoem dangkoeh, soptsesth dle jis toelhkem daarpesjh.

Baersieldimmien mænngan dle bååstide diekie viht båatah, medtie 2-16 våhkoeh baersieldimmien mænngan. Gosse bååstide båatah dle baersieldimmien jïh njammemen bïjre soptsestidien.

Tsegkietnie gynologijeles giehtjedimmiem dorje. Tsegkietnie aaj datnem gihtjie mejtie prevensjovnem daarpesjh, olles nåajsan vihth sjïdth. Datne åadtjoeh jeenjebh aejkien diekie båetedh.