Talaalka covid-19

Folkhälsomyndigheten waxa ay soo jeedisay sida loo kala horreysiinaayo dadka kala duwan ee loo soo bandhigaayo talaalka. Waxa tusaale ahaan marka hore la talaalayaa dadka ku nool hoyga gaarka ah, dadka 65 sano jirka ah ama ka weyn iyo dadka ka shaqeeya daryeelka caafimaadka.

Dhamaan dadka 18 sano jirka ah ama ka weyn ayaa tallaalka loo soo bandhigi doonaa.

Waxa laguu soo jeedinayaa inaad iska talaasho xitaa haddii uu covid-19 hore kuugu dhacay.

Carruurta iyo dadka dhalinyarta 17 sano jirka ah ama wixii ka yar ayaan la tallaaleynin. Dumarka uurka leh ayaan loo soo jeedineynin inay tallaalka qaataan.

Dhakhtar kala haddii aad is weydiineyso wax adiga iyo ilmahaaga khuseeya. 

Dhakhtarka kala hadal haddii aad horey u yeelatay xasaasiyad taas oo aad u baahatay inaad isla maalintaasba daryeel caafimaad raadsato. Waxay taas noqon kartaa tallaal, dawo ama wax aad cuntay.

Waxa tallaalka lagaa siin doonaa cududda. Waxaad u baahan kartaa inaad laba cirbadood qaadato. Markaas ayaa cirbadaha lagu siin doonaa marar kala duwan.

Waxaad marka cirbada lagu siiyo aad meesha sii joogi doontaa 15 daqiiqo. Taasi waxa weeye si caafimaadkaaga loogu hubiyo.

Hal ilaa laba todobaad ka dib markaad cirbada ugu danbeysa qaadato ayaad difaac wanaagsan oo covid-19 ah leedahay. Waxaad waxoogaa difaac ah leedahay cirbada koowaad ka dib, xitaa haddii ay tahay inaad laba cirbadood qaadato.

Waxaad xaq u leedahay inaad markaad is tallaaleyso aad macluumaad shaqaalaha daryeelka caafimaadka ka hesho. Weydii haddii ay jirto wax aad is weydiinayso.

Waa in aanad is tallaalin haddii aad qandho ama calaamado covid-19 ah leedahay.

Waxaad yeelan kartaa cududda oo ku xanuunta, madax xanuun iyadoo aad daalanaan doonto maalinta ugu horreysa ee tallaalka ka dib. Waxaad sidoo kale noqon kartaa inaad barafoowdo, aad qandho yeelato ama ay laabatooyinka iyo murquhu ku xanuunaan.

Waxay taasi caadi ahaan noqotaa dhibaato khafiif ah iyadoo dhowr maalmood gudahood iska tagta.    

Guriga joog ilaa inta aad calaamado leedahay. 

Haddii aanay calaamaduhu kaa tagin dhowr maalmood gudahood, ayaad u baahan tahay inaad tijaabo iska qaado.

Shaqaalaha daryeelka caafimaadka ayaa hey'adda Läkemedelsverket soo wargalinaaya haddii ay ka shakiyaan in talaalku uu wax saameyn xun ah keenay. (af iswiidhish ah)

Waxaad sidoo kale adiga laftaadu soo sheegi kartaa haddii aad ka shakisan tahay in talaalku saameyn kugu keenay. (af iswiidhish ah)

Tallaalka covid-19 waxa loo sugay si la mid ah sida taxaddirka badan leh ee tallaalada kale. Dad badan ayaa tallaalka qaatay iyadoo cilmi baadhayaal ay daraasad saameyntiisa ku sameeyeen. Waxa sii socota in tallaalka daraasad lagu sameeyo.

Cilmi baadhayaal wadamo badan ka socda ayaa iska kaashaday si tallaalka loo soo saaro.  Dalal badan iyo shirkado dunida oo dhan ku yaala ayaa lacag badan galiyay. Sidaa darteed ayaa tallaalka dhakhso loogu soo saaray.

Waxa aad bogga Så fungerar vaccin ka akhrisan kartaa oo aad ka daawan kartaa filimo talaalka ku saabsan (af iswiidhish ah).  

Waa inaad talooyinka xukuumadda raacdo xitaa markaad talaalka hesho ka dib.

Waxay qaadanaysaa hal ilaa laba todobaad cirbada ugu danbeysa ka dib, ka hor intaad difaac wanaagsan helayso/yeelaneyso.  Waxa jirta khatar yar oo aad jirada ku qaadeyso xitaa haddii aad is tallaasho.

Waxa sidoo kale jiri karta khatar yar oo aad adigu fayruska lagu fidinaayo xitaa haddii aanad jiranayn, tusaale ahaan haddii aad gacmaha ku qaadatay.

Lama oga ilaa inta uu tallaalku ku difaacaayo.