Vejolašvuohta oažžut divššu Sánag:s Norggas
Möjlighet till vård hos Sanks i Norge - andra språk - nordsamiskaDalarna regiovnnas, Jämtlándda Härjedalena regiovnnas, Norrbottena regiovnnas ja Västerbottena regiovnnas lea šiehtadus Sámi našuvnnalaš gealbobálvalusa – psykalaš dearvvašvuođasuddjen ja gárrendilledikšu (Sánag)-ásahusain Norggas. Dat mearkkaša earet eará ahte don sáhtát oažžut remissa oažžut divššu Sánag:s.
Sánag doarju regiovnnaid addimis psykiátralaš divššu mii lea erenoamážit heivehuvvon olbmuide geain lea sámi duogáš. Dearvvašvuođabargiin Sánag:s lea stuora gelbbolašvuohta sámi eallineavttuin, ja eatnasat dearvvašvuođabargiin ságastit sámegiela.
Don sáhtát oažžut remissa Sánag:ii
Ovttasbargu gaskkal Sánag ja regiovnnaid mearkkaša:
- Don sáhtát oažžut remissa oažžut divššu Sánag:s. Remissa sáhttá gustot go finat doppe beaivvi, ja dat sáhttá maid gustot dikšui maid oaččut go leat sisačálihuvvon muhtin ossodahkii.
- Dikšogalledeapmi Sánag:s sáhttá juogo dáhpáhuvvot doppe dahje videoságastallama bokte.
- Sáhtát oažžut divššu Sánag:s beroškeahttá du agis.
- Du doavttir, psykologa dahje kuráhtor sáhttá ovttasbargat Sánag-divššáriin vai addiba dutnje nu buori divššu go vejolaš.
Pasieantaláhka gusto duššo Ruoŧa siskkobealde. Danin it sáhte ieš váldit oktavuođa Sánag:in ohcat divššu.
Dearvvašvuođabargi gean luhtte don manat du regiovnnas árvvoštallá dárbbašat go remissa Sánag:ii. Jeara doaktáristtát, psykologastat dahje kuráhtoristtát jus háliidat diehtit eanet. Don sáhtát maiddái váldit oktavuođa Johkamohki dearvvašvuođaguovddáža Sámi dearvvašvuođa resursaguovddážiin.