1177 ምኽርን መምርሕን ክንክን ጥዕና
ኣብ 1177.se ብምእታው፡ ባዕልኻ እንታይ ክትገብር ከም እትኽእል ዝሕብር ምኽሪ ኣለካ። ምስ ነርስ ክትዛረብ እንተድኣ ኣድልዩካ ወይ መዓስን ኣበይን ክንክን ጥዕና ከም እትሓትት ርግጸኛታት እንተ ዘይኮይንካ፡ ናብ 1177 ደውሉ።
ክንክን ኣብ ማእከል ክንክን-ጥዕና(ቮርድ-ሰንትራለን) ሕተት
ኩለን ማእከላት ክንክን-ጥዕናን ናይ ስራሕ ሰዓታተንን ኣብ 1177.se ክትረኽቦ ትኽእል ኢኻ። ብዙሓት ክሊኒካት ክንክን ጥዕና ኣገልግሎት ብኢንተርነት እዉን ይህባ እየን። ነዘን ኩለን ኣብ ክንክን ጥዕና ኣብ 1177 ኣለካ (sv) ክትረኽበን ትኽእል ኢኻ።
መንበሪኻ ኣብ ቬስትራ የታላንድ እንተ ኾይኑ፡ ኣብ ማእከል ክንክን-ጥዕና ምዝጉብ ኢኻ። ኣብ ኣየናይ ማእከል ክንክን-ጥዕና ከም ዝተመዝገብካ ንምፍላጥ፡ ኣብ 1177.se ኣቲኻ ረአ። (sv)
እቲ ማእከል ክንክን-ጥዕና እንተ ተዓጽዩ፡ ኣብ በዓልተራ ክንክን-ጥዕና ብምኻድ ክንክን ትሓትት
እቲ ሕማም ወይ ጸገም ክሳብ ንጽባሒቱ ክጽበ ዘይክእል እንተ ኾይኑ፡ ኣብ’ቲ በዓልተራ ክንክን-ጥዕና ብምኻድ ክንክን ትሓትት። ኩለን እዘን በዓልተራ ማእከላት ክንክን-ጥዕና ኣብ ትሕቲ ክንክን ጥዕና ኣብ 1177 ኣለካ (sv) ተዘርዚረን ኣለዋ።
ህጹጽ ክንክን-ጥዕና ምስ ዘድሊ
ንህይወት ኣብ ስግኣት ዘእቱ ኩነታት፡ ከቢድ ሓደጋታት ወይ ሃንደበታዊ ከቢድ ሕማም ምስ ዘጋጥም፡ ኣብ ህጹጽ ክሊኒክ(ኣኲት ሞታግኒንግ) ሕክምና ትሓትት። ኩለን እዘን ናይ ህጹጽ ክሊኒካት (ኣኲት ሞታግኒንጋር) ኣብ ትሕቲ ክንክን ጥዕና ኣብ 1177 ኣለካ (sv)
ተዘርዚረን ኣለዋኻ።
112 ኣብ ህጹጽ ኲነታት
ኣብ ህጹጽ ኲነታት ናብ 112 ትድውል። ኣድላዪ እንተኾይኑ ኣምቡላንስ መጺኣ ናብ ህጹጽ ክሊኒክ ክትወስደካ እያ።
ህጹጽ ክንክን ስኒ
ቅድሚ ኩሉን ልዕሊ ኩሉን ኣብ’ቲ ንቡር ሓኪም ስኒኻ ወይ ክሊኒክ-ስኒ ክንክን ትሓትት። እንተ ተዓጽዩ ወይ ፍሉይ ትኸዶ ክሊኒክ-ስኒ እንተ ዘይብልካ፡ ናብ በዓልተራ ክሊኒክ-ስኒ (sv) ክትውከስ ትኽእል ኢኻ።
ዝያዳ ብዛዕባ ምሕታት ክንክን-ጥዕና
ኣብዚ ብዛዕባ ምሕታት ክንክን ጥዕና ኣብ ትኽክለኛ ክሊኒክ (sv) ዝያዳ ከተንብብ ትኽእል ኢኻ።