ዝርዝር ርክብ ናይ ማእከላት ጥዕናን ክሊኒካትን ኣብ ውሽጢ Hälsoval Västerbotten ኣብ 1177.se ክትረኽቡ ትኽእሉ ኢኹም። እቲ መርበብ ሓበሬታ ብቛንቛ ሽወደን እዩ።

ኣብ Västerbotten ዝርከባ ማእከላት ጥዕናን ክሊኒካትን

ኣብ Västerbotten ኣብ ዝርከብ ማእከል ጥዕና ናብ 1177.se ብምእታው ክትምዝገቡ ትኽእሉ ኢኹም። እዚ ንምግባር፡ ዲጂታላዊ መለለዪ መንነት የድልየኩም።
ከም ካልእ ኣማራጺ፡ ቅጥዒ ብምምላእን ናብቲ ዝመረጽኩምዎ ማእከል ጥዕና ብምስዳድን ማእከል ጥዕና ክትመርጹ ትኽእሉ ኢኹም።

ነቲ ቅጥዒ ካብቲ ማእከል ጥዕና ክትእዝዝዎ ወይ ነቲ ኣብ ታሕቲ ዘሎ ሊንክ ብምጽቃጥ ክተውርድዎ ትኽእሉ ኢኹም። እቲ ቅጥዒ ኣብ ሓድሽ ታብ ክኽፈት እዩ።

ማእከል ጥዕና ንምምራጽ ዝሕግዝ ናይ ቅጥዒ ሊንክ (ብሽወደን)

ማእከል ጥዕና ንምምራጽ ዝሕግዝ ናይ ቅጥዒ ሊንክ 

ኣብ ዓመት ክሳብ ክልተ ግዜ ማእከል ጥዕናኹም ክትቅይሩ ትኽእሉ ኢኹም።

ኩሎም ማእከላት ጥዕና ኣብ ስራሕ መዓልታት ክፉታት እዮም። ናብ ማእከል ጥዕናኹም ክትድውሉ ወይ ድማ ብ 1177.se. ብምእታው ክትረኽብዎም ትኽእሉ ኢኹም። (ብቛንቛ ሽወደን ዘሎ መርበብ ሓበሬታ)

ናብ 1177 ንምእታው፡ ናይ ሽወደን ውልቃዊ መንነት ቁጽርን ዲጂታላዊ መለለዪ መንነትን ክህልወኩም ኣለዎ። 

ኣብ ምሸት ወይ ኣብ መወዳእታ ሰሙን እንተሓሚምኹም፡ ናብ 1177 ክትድውሉ ትኽእሉ ኢኹም።
ምስ ነርስ ክትዘራረቡ ኢኹም። ብዛዕባ እቲ ምልክታት ሕማም ብኸመይ ከም እትቆጻጸርዎ ክመኽሩኹም እዮም። ኣድላዪ እንተኾይኑ፡ እቲ ነርስ ተወሳኺ ክንክን ጥዕና ኣበይ ከም እትረክቡ ክሕብረኩም ይኽእል እዩ።

ናብ 1177 ኣብ መዓልቲ 24 ሰዓታት ክትድውሉ ትኽእሉ ኢኹም። ካብ ወጻኢ ሃገር ትድውሉ እንተኾይንኩም ኣብ ክንድኡ ናብ +46 771-11 77 00 ደውሉ።
እቶም ነርሳት ብቛንቛ ሽወደን ወይ ብእንግሊዝኛ ክሕግዙኹም ይኽእሉ እዮም።

ኣብ ካልእ ማእከል ጥዕና ካብቲ ዝተመዝገብኩምሉ ወጻኢ ክንክን ጥዕና ክትረክቡ ትኽእሉ ኢኹም። ንኣብነት፡ ኣብ ካልእ ከባቢ እንተሃሊኹምን ክንክን ጥዕና ዘድልየኩም እንተኾይኑ።

ዝተሓለወ ውልቃዊ ሓበሬታ እንተሃልዩኩም፡ ናብ ዝደለኹምዎ ማእከል ጥዕና ክትከዱ ትኽእሉ ኢኹም።

እንተደኣ ተጓዒዝኩም፡ ኣብቲ ሓድሽ ከባቢኹም ንዘሎናይ ክንክን ሓላፍነት ዝወስድ ማእከል ጥዕና ክትምደቡ ኢኹም። ካልእ ማእከል ጥዕና እንተደሊኹም፡ ባዕልኹም ክትመርጹ ኣለኩም። 

ቅድሚ ሕጂ ማእከል ጥዕና እንተመሪጽኩም፡  እንተተጓዓዝኹም እውን ክትሕዝዎ ኢኹም።

ውላድ ምስ ወለድኩም፡ ንውላድኩም ማእከል ጥዕና ትመርጹ ኢኹም። እንተዘይመረጽኩም፡ እቲ ሕጻን ምስቲ ማእከል ጥዕና ናይ እታ ኣዶ ወይ ናይቲ ሓላፊ እቲ ሕጻን ኮይኑ ክምዝገብ እዩ። 
ማእከል ጥዕና ናይ ውላድኩም ክሳብ 16 ዓመት ዝመልእ ክትቅይሩ ትኽእሉ ኢኹም።

ናብ ማእከል ጥዕና ክትከዱ ከለኹም፡ ነቲ ቆጸራ ክፍሊት ትኸፍሉ ኢኹም። እዚ ድማ ናይ ሕሙም ክፍሊት ይበሃል።
እቲ ክፍሊት ኣብ ኩሎም ማእከላት ጥዕና ማዕረ እዩ።

ኣብ ጥቓ ገዛኹም ንዝርከብ  ማእከል ጥዕና እንተመሪጽኩም፡ ካብ Region Västerbotten ናይ ጉዕዞ ካሕሳ ክትረኽቡ ትኽእሉ ኢኹም። ካልእ ማእከል ጥዕና እንተመሪጽኩም፡ ነቲ ጉዕዞኹም ባዕልኹም ክትከፍልዎ ኣለኩም።

ኣብቲ ናይ ክንክን ጥዕና ርክባትኩምሓገዝን ደገፍን ክትረኽቡ ትኽእሉ ኢኹም። እዚ ድማ ናይ መባእታዊ ክንክን ርክብ(en fast vårdkontakt) ምህላው ተባሂሉ ይፍለጥ። እዚ ኣብቲ ማእከል ጥዕና ዝርከብ ሰብ ኮይኑ፡ ንኣብነት፡ ምስ ካልኦት ኣብ ሕክምናኹም ዝሳተፉ ኣገልግሎታት ክንክን ጥዕና ርክብ ክህልወኩም ክሕግዘኩም ይኽእል።

ኣዘውቲርኩም እትረኽብዎ ሓኪም እውን ክህልወኩም ይኽእል እዩ። እዚ ምስ ቀዳማይ ሓኪም ክንክን ጥዕና ርክብ ምግባር ይበሃል (fast läkarkontakt)።