Undersökningar och prover - ምርመራታት/ቅምሶታት

ኣብ ስካነ ንመንሽሮ ፕሮስተይት ስሩዕ መርመራ ምግባር

Regelbunden testning för prostatacancer i Skåne - tigrinskaThe content concerns Skåne

ካብ 50 ኽሳዕ 68 ዓመት ዝዕድሚኡ ሰብኣይ ዲኻ? እንተኾነ፣ ናይ ፕሮስተይት ሕማም መርመራ ክትገብር ትኽእል ኢኻ። መርመራ ደም(PSA-prov) ፕ.አስ.ኤ- ፈተና ዝባሃል ክትገብረሉ ኢኻ ።መንሽሮ ፕሮስተይት እንተ ኣልዩካ ኣብ መርመራ ፒ።አስ።ኤ። እዩ ዝረአ።

መንሽሮ ፕሮስተይት እንታይ እዩ ናይ ፒ.አስ.ኤ-ፈተና ድማ ብኸመይ ኢዩ ዝሰረሕ?

ፕሮስተይት ኣብ ውሽጢ ሰብነት ኣብ ልዕሊ እታ መሸኒት እያ ትርከብ። መንሽሮ ፕሮስተይት ማለት ኣብ ፕሮስተይት ናይ መንሽሮ ጥረ ይዓቢ ኣሎ ማለት ኢዩ። መንሽሮ ፕሮስተይት ብናይ ፕ.አስ.ኤ-መርመራ ክትፍለጥ ይኽእል ኢዩ።

ፕ.አስ.ኤ-ፈተና ኣብ ፕሮስተይትካ ገለ ነገር ተቐዪሩ እንተ ዀይኑ ይሕብር ። ገሊኡ ለውጥታት ጕድኣት ዘይብሉ ኪኸውን ከሎ ካልእ ለውጥታት ከኣ ናብ መንሽሮ ፕሮስተይት ኪመርሕ ይኽእል እዩ ።

ፕ.አስ.ኤ-መርመራ ብኸመይ ክትገብር እትልእኽ

ኣብ ማእከል ጥዕና ወይ ኣብ ሆስፒታል ፕ.አስ.ኤ-መርመራ ኽት ህብ ኢኻ። ሰብ ሞያ ኽንክን ጥዕና ካብ ኢድካ መርመራ ደም እዩ ኪወስድ። እቲ ፈተና ኣብ ፕሮስተይት ገለ ነገር ተቐዪሩ እንተ ዀይኑ ይሕብር። ምናልባ፣ ዝያዳ መጽናዕትታት ክትገብር የድልየካ ይኸውን።

Information about the PSA prostate test in English

መን እዩ ኺፍተን ዚኽእል?

ካብ 50 ኽሳዕ 68 ዓመት ዶ ዕድመኻ? ብሕማም መንሽሮ ፕሮስተይት ክትፍተን ትኽእል ኢኻ። ኣብ ከምዚ ዝኣመሰለ ዅነታት ድማ ደብዳበ ናብ ገዛኻ ኽስደድልካ ኢዩ።

እታ ደብዳበ ኸምዚ ትብል:

  • ናይ ፕ.አስ.ኤ-መርመራ ምግዳፍ እንታይ ጽቡቕ ምዃኑን ሕማቕ እንታይ ክኸውን ከም ዝኽእልን ይገልጽ።
  • ናይ ፕ.አስ.ኤ-መርመራ ኽትህብ እንተ ደሊኻ እንታይ ክትገብር ከም ዘሎካ ይገልጽ።

ፈተና ንኽትቅበሎ ሒደት ዓመታት ኪወስደልካ ይኽእል እዩ። ብዙሓት ሰባት ተመሳሳሊ ኣጋጣሚ ስለ ዚቕበሉ ኵሉ ሰብ ኣብ እተፈላለየ እዋናት እዩ ዚቕበል።

ኣዘውቲርካ ገዛእ ርእስኻ ኽትፍትን ዕድመ ኪቐርበልካ እዩ

ናይ ፕ.አስ. ኤ-ፈተና እንተ ሂብካ ኣብ መንጎ ነፍሲ ወከፍ እዋን ንሒደት ዓመታት ኣዘውቲርካ ንኽፍትን ዕድመ ክቐርበልካ ኢዩ።

ሰብዓን ኣርባዕተን ዓመት ምስ ኰንካ ኽትፍትን ዕድመ ኪቐርበልካ እዩ። መንሽሮ ፕሮስተይት መብዛሕትኡ ግዜ ነቶም ልዕሊ ሰብዓን ኣርባዕተን ዝዕድሚኦም ጕድኣት የብሉን።

ብዘይካዚ ትሕቲ ሓምሳ ዓመት እንተ ዄንካ መንሽሮ ፕሮስተይት ሳሕቲ እዩ ዜጋጥም ። ስለዚ ቅድሚ መበል 50 ዓመት ልደትካ ንኽትፍተን እውን ኣይኪቐርበካን እዩ።

ክትፍተን ትደሊ እንተ ዄንካ ባዕልኻ ትውስን ኢኻ

ናይ ፕ.አስ.ኤ-ፈተና ክትህብ ተዓዲምካዶ? እሞ ነዚ ሓበሬታ እዚ ኸተንብቦ ኣሎካ። ናይ ፕ.አስ.ኤ-መርመራ ምሃብ ጽቡቕን ሕማቕን ክኸውን ይኽእል ኢዩ። ስለዚ መርመራ ኸተቕርብ ወይ ከይትህብ ባዕልኻ ኽትውስን ኣሎካ።

ፈተና ምውሳድ እንታይ ጽቡቕ ኣሎዎ?

መንሽሮ ፕሮስተይት ሓደገኛ ኪኸውን ይኽእል ኢዩ፣ መብዛሕትኡ ግዜ ድማ ነቲ ሕማም ኣብ ፈለማ ኣየስተብህለሉን ኢኻ። ስለዚ ኣዘውቲርካ በቲ ፕ.አስ.ኤ-ምርመራ እቲ መንሽሮ ኣብ ኣካላትና ቕድሚ ምዝርጋሑን ሓደገኛ ቕድሚ ምዃኑን መንሽሮ ፕሮስተይት ኪርአ ይኽእል እዩ። እሞ ነቲ መንሽሮ ብቐሊሉ ኽትሕክሞ ትኽእል ኢኻ፣ ንኽትሓውየሉ ድማ ዝሓሸ ዕድል ኽትረክብ ትኽእል ኢኻ።

ፕ.አስ.ኤ-መር መራ እንታይ ሕማቕ ክህልዎ ኪኸውን ይኽእል?

መንሽሮ ፕሮስተይት ወትሩ ሓደገኛ ኣይኰነን። እቲ ጥረ መንሽሮ ኣብ ፕሮስተይት በብቝሩብ ይዓቢ ኣብ ኣካላትና ግን ኣይዝርጋሕን ኢዩ። ከምኡ እንተ ጌርካ ክትሕከም ኣየድልየካን እዩ።

እንተዀነ ግን እቲ ናይ ፕ።አስ።ኤ-ፈተና እቲ መንሽሮ ሓደገኛ ከም ዝኾነ ኵሉ ሳዕ ኣይሕብርን ኢዩ። ዋላ እውን እቲ መንሽሮ ጕድኣት ዘይብሉ እንተ ዀነ መንሽሮ ኸም ዘሎካ ግን ኽትፈልጥ ትኽእል ኢኻ። ምሕካም ናይ መንሽሮ ፕሮስተይት ኣድላዪ እኳ እንተ ዘይኰነ፣ እቲ ሓኪም ሓደገኛ መንሽሮ ኺረክብን ኪሕክምን ልሙድ ስለዚኾነ ክትሕከም ኢኻ።

እቲ ሕክምና ቕድሚ ሕጂ ዘይነበረካ ጸገማት ኬምጽኣልካ ይኽእል እዩ። ገሊኡ ምልክታት ይመሓየሽ ወይ ምሉእ ብምሉእ ይጠፍእ። ገሊኡ ድማ ኣብ ምሉእ ህይወትካ ኻልእ ጸገማት ኬጨንቐካ ይኽእል እዩ።

እዚ ኣብነታት ናይ ክጓጥመካ ዝኽእል ዘይምሹእ ነገራት ኢዩ:

  • ብተደጋጋሚ ኽትሸይን የድልየካ ይኸውን።
  • ቅብኣ ምርካብ የጸግመካ ይኸውን።
  • ሽንቲ ዜልሕዅ ጸገማት ይህልወካ ይኸውን።

እቲ ኣብ እግሪ’ቲ ፊልም ዘሎ ጽሑፍ፡ ብነንበይኖም ቋንቋታት ተዳልዩ ኣሎ። ኣብታ መጻወቲት ፊልም - ነቲ ቋንቋ ምረጽ።

ገዛእ ርእስኻ ኽትፍተን ክትሓትት ትኽእል ኢኻ

ናይ ፕሮስተይት መንሽሮ ፈተናዶ ኣይተዋህበካን፧ ናይ ፕ.አስ.ኤ-መርመራ ኽትገብር እንተ ደሊኻ ምስ ማእከል ጥዕናኻ ተራኸብ። ፕ.አስ.ኤ-መርመራ ምግባር ስለምንታይ ጽቡቕ ከም ዝዀነን እንታይ ሕማቕ ኪኸውን ከም ዚኽእልን ክትፈልጥ እውን ኣንብብ።

ድሕሪኡ ኣብ ማእከል ጥዕና ሓኪም ክትበጽሕ ኢኻ ። ሓኪምካ መርሚሩ ናይ ፕ.አስ.ኤ-ፈተና ንኽትወጽእ ምድላዋት ኪገብረልካ እዩ።

መንሽሮ ፕሮስተይት ዘሎካ ዀይኑ እንተ ተሰሚዑካ ሕክምና ድለ

መንሽሮ ፕሮስተይት ዘሎካ ዀይኑ እንተ ተሰሚዑካ ሕክምና ኽትደሊ ኣሎካ።

ኣብ ከምዚ ዝኣመሰለ ዅነታት ገዛእ ርእስኻ ትፈልጥ እንተደኣ ዄንካ ምስ ማእከል ጥዕናኻ ተራኸብ:

  • ሽንቲ የጸግመካ ወይ ብተደጋጋሚ ኽትሸይን የድልየካ።
  • ክትሸይን ከለኻ ሽንቲ በብቝሩብ ይውሕዝካ።
  • ኣብ ሽንትኻ ደም ይረአ።
  • ኣብ ውሽጢ ሰለስተ ወርሒ ኣብ ዘርኢኻ ኻብ ሓንሳእ ንላዕሊ ደም ይረአ።
  • ስለምንታይ ትሳቐ ኸም ዘለኻ ከይተረደኣካ፣ ኣብ ኣስከሬንካ ቅድሚ ሕጂ ዘይ ተሰመዓካ ዓይነት ቓንዛ ይጓጥመካ። ክትጓዓዝ ከለኻን ከተዕርፍ ከለኻን እውን ከይተረፈ ይጐድኣካ።

ክልተ ወይ ካብኡ ንላዕሊ ኣዝማድካ ደቂ 75 ዓመት ቅድሚ ምዃኖም መንሽሮ ፕሮስተይት ሓሚሞምዶ? እሞ ምእንቲ ኽትምርመር ምስ ማእከል ጥዕናኻ ኽትራኸብ ኣሎካ።

ገለ ሕቶታት ኣሎካዶ?

ብዛዕባ እዛ ጥቕሲ እዚኣ ገለ ሕቶታት ኣሎካዶ? ብ 040-33 53 98 ናብ ማእከል መንሽሮ ፕሮስተይት ደውል።

ካብ ሰኑይ ክሳዕ ሓሙስ ንግሆ ሰዓት 9:00 ክሳዕ 11:00 ክትድውል ትኽእል ኢኻ።

To the top of the page