Iska qaadista tijaabo/iska baadhista covid-19

Tijaabo iska qaad haddii aad calaamado covid-19 noqon kara leedahay. Waa kuwan calaamadaha u caadiga ahi:

• qufac
• qandho/xummad
• xanuun cunaha ah
• duuf ama sanka oo ku xidhan
• isbedel urta iyo dhadhanka
• madax xanuun
• murqo xanuun
• lalabo/yalaalugo
• xanuun caloosha ah
• shuban
• Neefsashada oo kugu adkaata..
• daal.

Ka akhriso waxii dheeraad ah oo ku saabsan cudurka Covid-19.

Waxaad sidoo kale u baahan kartaa inaad tijaabo iska qaado haddii kuwan mid ka mid ahi ay kugu dhaceen:

• Waxaad la kulantay qof Covid-19 qaba.
• Dhakhtar ama kalkaaliso ayaa kaa dalbatey inaad tijaabo iska qaado.

Dadka covid-19 qaaday badankoodu waxay difaac yeeshaan ugu yaraan lix bilood.

Lahaanshaha difaacu waxa weeyi inaad difaac inuu mar kale kugu dhaco aad ka leedahay.

Tijaabo iska qaad haddii aad covid-19 qaaday muddo ka badan lix bilood oo aad jirato.

Tijaabo iska qaad xitaa haddii lagu tallaalay oo aad jirato. Wax dheeraad ah ka akhri qoraalka Tallaalka ku lidka covid-19.

Waxa jira sharciyo gaar ah oo khuseeya dadka wadan kale soo joogay

Dadka dhalashada wadamada kale sita ayaa u baahan inay warqad cadeyn ah tusaan si ay Iswiidhan ugu soo galaan. Waa inay warqada cadeynta ahi muujiso inaad covid-19 iska eegtay oo aanad cudurka qabin. Taasi kuma khuseyso haddii aad Finland, Danmark, Norway ama Island ka soo safrayso. Wax dheeraad ah ka akhri bogga internetka ee Folkhälsomyndigheten. Boggu waxa uu ku qoran yahay af Ingiriisi. 

Waxa jira xeerar khaas ah oo khuseeya haddiii aad wadan ka baxsan Midowga Yurub ka soo safrayso. Taasi waxay sidoo kale khuseysaa dhowr wadan oo kale.  Wax dheeraad ah oo ku saabsan wadamada ay khuseyso ka akhri bogga internetka ee booliiska  Boggu waxa uu ku qoran yahay af Ingiriisi. Dadka is tallaalay ayaan u baahneyn inay talobixintaas raacaan.

Waa kuwan talobixinadu:

• Tijaabada iska qaad sida ugu dhakhsaha badan ee aad ugu kari karto markaad Iswiidhan timaaddo, haddii aanad tijaabo iskaga qaadin si aad Iswiidhan ugu soo geli karto.
• Waa inaad guriga joogtaa oo aanad dadka kale la kulmin ugu yaraan muddo todoba maalmood ah.
• Mar labaad tijaabo iska qaad markay shan maalmood ka soo wareegeen ka dib markii aad Iswiidhan timid. 

Tijaabada caadi ahaan la sameeyo waxa loo yaqaanaa tijaabada PCR-ka. Waxaad dalban kartaa tijaabada PCR-ka.

Waxa tijaabada lagu qaadayaa qori u gaar ah oo sanka ama cunaha la galinaayo, ama sanka iyo cunaha labadaba.

Waxa la dareemaa waxaan caadi aheyn, laakiin kuma xanuujineyso.

Kalkaaliso ayaa tijaabada qaadeysa.

Adiga ayaa sidoo kale tijaabo iska qaadi kara. Markaas ayaad heli doontaa macluumaadka ku saabsan sida aad sameyn doonto.

Waxa muhiim ah inaad guriga joogto ilaa iyo inta ay jawaabtu kuu soo baxayso.

Haddii tijaabadu/shaybaadhku uu muujiyo inaad covid-19 qabtid waa inaad guriga joogto ilaa iyo inta aanad qofna qaadsiineynin. Waxaanad cid qaadsiineynin marka waxyaalahan oo dhan aad leedahay:

• Inaad si buuxda uga soo roonaatey.
• Waxaad bilaa qandho aheyd ilaa laba maalmood iyo hebeen.
• Waxa markaad jiratey ka soo wareegtey ugu yaraan toddobo maalmood.

Inaad tijaabo cusub iska qaado uma baahnid si aad ugu ogaato inaad weli cudurka qabtid.

Dadka aad la degan tahay ayaa sidoo kale u baahan kara inay guriga joogaan haddii aad covid-19 qabtid. Waxaad taas ogaan doontaa markaad jawaabta tijaabada hesho.

Wax dheeraad ah ka akhriso qoraalka Talada la siinaayo qofka covid-19 qaba.

Haddii tijaabadu /shaybaadhku ay muujiso inaanad covid-19 qabin waa inaad guriga joogto ilaa iyo intaad ka soo roonaaneyso oo aanad qandho laheyn

Waxa muhiim ah inaad yareynta khatarta faafinta infegshanka ee markaad caafimaadka qabto aad sii wadato. Waxay taasi khuseysaa xitaa haddii aad difaac ka leedahay. Sidan samee:

• Badiyaa gacmaha dhaq.
• Dadka kale masaafad u jirso.
• Raac talobixinta dawladda ee lagu dhimaayo infegshanka.

Wac telefoonka 08-123 680 00 haddii su'aalo covid-19 ku saabsan aad qabtid oo la hadal qof af Soomaali ku hadla . Khadka taleefanku waxa uu furan yahay Isniinta ilaa Jimcaha 9.00 -15.00.