Ballanta caafimaad ee rugta caafimaadka carruurta (BVC) markii ilmuhu jiro 2,5 sano

Mararka qaarkood waxaa dhici karta in wax yar la sugo. Qolka sugitaan ayaad ku ciyaari kartaan muddada aad sugeyso.

Ku socota ilmaha:

Adiga iyo kalkaalisada caafimaadka ayaa wada hadli doona isla markaan waad wada ciyaari doontaan.

Ku socota qofka weyn:

Waxaa aad la kumi doontaan kalkaaliso caafimaad, taas oo fiirin doonta sida uu ilmuhu u korayo, sida uu u hadlayo iyo sida uu wax u fahmayo.

Ku socota ilmaha:

Muddo kooban ayaad wada sheekeysan doontaan arimo ku saabsan xaaladaada caafimaad iyo waxyaabaha aad jeceshahay in aad sameyso.

Ku socota waalidka:

Waxaa aad ka wada hadli doontaan arimo ku saabsan ilmahaaga iyo haddii aad qabto wax su’aalo ah ka waalid ahaan.

Ku socota ilmaha:

Waxaa aad si wadajir ah u fiirin doontaan alaabta ay carruurtu ku ciyaarto oo ku dhex jira boorso. Ma qiyaasi kartaa waxa ku jira boorsada?

Ku socota waalidka:

Halkan waxaa ay kalkaalisada caafimaadku fiiro gaar ah u yeelan doontaa sida uu ilmuhu ula shaqeynayo dadka kale, kobaca luqada iyo sida uu ula xidhiidhayo dadka kale.

Halkan waxaa ay kalkaalisada caafomaadku fiirin doontaa sida ilmuhu ula shaqeynayo dadka kale, kobaca luqadda iyo wada hadalka dadka kale.

Ku socota ilmaha:

Waxaa aad sawiri doontaa sawir gacmeed.

Ku socota dadka waaweyn:

Halkan waxaa ay kalkaalisada caafimaadku fiirin doontaa dhaqdhaqaaqa xoogan isla mrkaana waxaa ay dhageysan doontaa kobaca luqadda ee ilmaha.

Ku socota ilmaha:

Marka lagu miisaamayo waxaa loo baahanyahy in aad iska bixiso dharka. Looma baahna in aad iska saarto kalsoonka.

Ku socota dadka waaweyn:

Waa la miisaami doonaa ilmah isla markaana waxaa lagu sameyn doonaa baadhitaan iska oo kalsoon kaliya xidhan.

Ku socota ilmaha:

Dhererkaagu intuu dhanyahay? Kalkaalisada caafimaadka waa ay ku miisaami doonta isla markaana waxaa ay cabiri doontaa inta uu dhererkaagu noqdey. Marka la cabirayo dhererkaaga waxaa la isticmaali doonaa qalabka lagu cabiro dhererka ee kaaga muuqda sawirka (mätsticka). Waxaa loo baahanyahay in aad is toosiso muddo yar oo gaaban inta la fiirinayo inta uu dhererkaagu yahay.

Miisaanka jidhkaagu intuu dhanyahay? Waxaa sawirka kaaga muuqda miisaan. Waxaa lagaa rabaa in aad miisaanka ku dul joogsato muddo yar oo kooban si loo cabiro miisaanka jidhkaaga.

Ku socota dadka waaweyn:

Ilmaha waa la miisaamayaa waana la cabbirayaa. Mar kasta oo ilmuhu yimaado rugta caafimaadka carruurta waxay kalkaalisadu la socon doontaa sida ilmuhu u korayo.

Ku socota ilmaha:

Hadda waa is miisaantay. Gasho dharkaaga mar kale.

Ku socota adiga qofka wayn ah:

Ilmuhu dharkiisa wuu gashan karaa mar kale.

Ku socota ilmaha:

Waxaa aad laadi ama riixi doonta kubbad.

Ku socota dadka waaweyn:

Muddada lagu gudo jiro leyliskan, waxaa ay kalkaalisada caafimaadku fiirin doontaa sida uu u kobcayo dhaqdhaqaaqa ilmuhu.

Ku socota ilmaha:

Ma boodi kartaaa adiga oo labada lugood isku dhajinaya? Waxaa aad tijaabin doontaa marka aad nasoo booqato.

Ku socota dadka waaweyn:

Muddada la sameynayo layliskan, waxaa ay kalkaalisada caafimaadku fiirin doontaa sida uu u kobcayo dhaqdhaqaaqa ilmuhu.

Ku socota ilmaha:

Hadda kulankii booqashadu wuu dhamaadey, nabad gelyo, waxaa aan is arki doonaa kulankan kulanka xigga!

Ku socota dadka waaweyn:

Marka uu kulanka booqashadu dhamaado. Waxaa la idin siin doonaa balan kulanka soo socda markaas oo uu ilmuhu jiro 3 sano. Haddii aad dareento in aad u baahantahay isla markaana aad rabto waxaa aad qabsan kartaa balan kaas ka horeeya.