Ballanta caafimaad ee rugta caafimaadka carruurta (BVC) markii ilmuhu jiro 18 bilood

Mararka qaarkood waxaa dhici karta in wax yar la sugo. Qolka sugitaan ayaad ku ciyaari kartaan muddada aad sugeyso. 

Waxaa aad si wadajir ah uga  hadli doontaan arimo ku saabsan xaalada caafimaad ee ilmahaaga iyo koritaankiisa iyo haddii aad wax su’aalo ah qabto.

Ilmuhu waxaa dhis doonaa munaarad looxaan ah.
Muddada uu ilmuhu wax dhisayo waxaa ay kalkaalisada caafimaadku fiirin doontaa hirumarka xagga dhaqdhaqaaqa ee ilmaha.

Wax buu sawiri doonaa ilmuhu isaga oo isticmaalaya tamaashiir/jeeso. Muddada uu ilmuhu wax sawirayo waxaa ay kalkaalisada caafimaadku fiirin doontaa hirumarka xagga dhaqdhaqaaqa ee ilmaha.

Waxaa uu ilmuhu tilmaami doonaa xubno jidhkiis ka mid ah ama madaamad/boonbalo.

Waxaa lagu sameyn doonaa baadhitaan ilmaha jidhkiisa isaga oo aan xidhneyn wax dhar ah.

Kalkaalisada caafimaadku waxaa ay miisaami doonta missanka ilmaha isla markaana waxaa ay cabiri doonatainta uu dhererkamilmuhu dhanyahay.

Kalkaalisada caafimaadku waxaa ay cabiri doontaa dhumucda madaxa.

Kulanka booqashada waxaa la siin doona  ilmaha talaalka lidka ku ah Jadeecada, qaamo-qashiirka, Jadeeco la mood/jadeeco jarmal.

Markii ilmaha irbadda lagu dhufanayo waa inuu ku fadhiyo dhabtaada. Ilmaha waxaa lagu sii jeedin karaa xumbada saabuunta ama alaabta ciyaarta.

Marka la duro ka dib waxaa lagu dhejin doonaa ilmaha sharooto/balastar. Haddii uu  ooyo ilmuhu waxaa fiican in aad aamusiiso ama aad sasabto

Haddii aad su´aalo ka qabtid ama aadan isku hubin tallaalka waxaad kala hadli kartaa kalkaalisada rugta caafimaadka carruurta (BVC).

Markii la gaaro da´daan waxaa caadiyan dhammaada dhibcaha fiitamiin-D. Xusuusnow inaad weydiisatid dhalo cusub oo fiitamiin-D ah.

Marka uu kulanka booqashadu dhamaado. Waxaa la idin siin doonaa balan kulanka soo socda markaas oo uu ilmuhu noqon doono 2,5 sano. Haddii aad dareento in aad u baahantahay isla markaana aad rabto waxaa aad qabsan kartaa balan kaas ka horeeya.