Ballanta caafimaad ee rugta caafimaadka carruurta (BVC) markii ilmuhu 4 sano jiro

Mararka qaarkood waxaa dhici karta in wax yar la sugo. Qolka sugitaan ayaad ku ciyaari kartaan muddada aad sugeyso.

Ku socota ilmaha:

Waxaa aad la kulmi doontaa kalkaaliso caafimaad. Waad wada hadli doontaan isla markaana waad wada ciyaari doontaan.

Ku socota qofka weyn:

Waxaa aad la kulmi doontaan kalkaaliso caafimaad, taas oo fiirin doona sida uu ilmuhu kobcayo, sida uu u hadlayo iyo sida uu wax u fahmayo.

Ku socota ilmaha:

Muddo yar gaaban baad ka wada hadli doontaa arimo ku saabsan xaaladaada caafimaad iyo waxyaabaha aad jeceshahey in aad sameyso.

Ku socota waalidka:

Adiga iyo ilmahaaga ayaa si wadajir ah uga hadli doona xaalada caafimaad ee ilmahaaga iyo haddii aad qabto wax su’aalo ah.

Ku socota ilmaha:

Kalkaalisada caafimaadku waxa ay baadhi doontaa sida ay tahay argtidaadu. Hal il ayaa wax lagaa xidhi doonaa si aad hal il oo kaliya wax ugu fiirin karto.

Ku socota qofka weyn:

Kani waa baadhitaan ku saabasan aragtida. Waxaa haboon in aad tijaabis in aad il ka mid ah indhahaaga daboosho marka aad joogtiin guriga ka hor booqashada.

Ku socota ilmaha:

Waxaa aad dhabtaada ku haysan doontaa sabuurad ay xarfo ku qoranyihii. Kolba mid ka mid ah xarfaha ku qoran sabuurda ee ay kalkaalisada caafimaadku sheegto ee ku qoran sabuurada weyn ayaad tilmaami doontaa. Marka la dhameeyo badhitaanka ishaas ayaa hadana baadhitaan kaa la mid ah lagu sameyn doonaa isha kale.

Ku socota qofka weyn:

Ilmahaagu uma baahna in yaqaano magaca xarfaha, waxaa loo baahanyahay oo kaliya in la tilmaamo.

Ku socota ilmaha:

Waxaa laguu dhiibi doonaa shaxda lagu magacaabo Bamse (Bamsepussel). Adiga iyo kalkaalisada caafimaadka aya si wadajir ah uga hadli doona waxyaabo ku saansan sawirka. 

Ku socota qofka weyn:

Waxaa aad ka hadli doontaan waxyaabaha jidhka u fiican. Waxaa la siin doonaa ilmahaag jornaalka Baamse (Bamsetidning), Waxaa fiican in aad ku akhridaan guriga.

Ku socota ilmaha:

Waxaad guriga u qaadan kartaa joornaal. Waxaad halkaan ka akhrin kartaa waxa jirku u baahan yahay si uu caafimaad u dareemo.

Ku socota qofka weyn:

Ilmahaagu wuxuu helayaa joornaal, way fiican tahay inaad guriga ku akhrisaan.

Ku socota ilmaha:

Waxaa aad sawiri doontaa sawir gacmeed.

Ku socota qofka weyn:

Halka waxaa aan fiirin doonaa sida fiican ee ilmahaagu wax u qori ama sawiri karo.

Ku socota ilmaha:

Waxaa aad kuulo lagu tixi doontaa dun.

Ku socota qofka weyn:

Waxaa uu baadhitaankani ku saabsanyahay sida fiican ee ilmahaagu wax u qori ama sawiri karo (finmotorik).

Ku socota ilmaha:

Waxaa aad ku socon doontaa xarriiq/layn si loo fiiriyo in socodkaagu dheelitiranyahay.

Ku socota qofka weyn:

Halka waxaa ay kalkaalisada caafimaadku fiirin doonaa sida uu yahay koboca dhaqdhaqaaqa iyo dheelitirka ilmaha.

Ku socota ilmaha:

Marka lagu miisaamayo waxaa loo baahanyahy in aad iska bixiso dharka. Looma baahna in aad iska saarto kalsoonka.

Ku socota qofka weyn:

Waxaa la baadhi doonaa ilamaha isaga oo xidhan kalsoonka.

Ku socota ilmaha:

Miisaanka jidhkaagu intuu dhanyahay? Waxaa sawirka kaaga muuqda miisaan. Waxaa lagaa rabaa in aad miisaanka ku dul joogsato muddo yar oo kooban si ay kalkaalisada caafimaadku u miisaanto miisaanka jidhkaaga.

Dhererkaagu intuu dhanyahay? Kalkaalisada caafimaadka waxaa ay cabiri doontaa inta uu dhererkaagu noqdey. Marka la cabirayo dhererkaaga waxaa la isticmaali doonaa qalabka lagu cabiro dhererka ee kaaga muuqda sawirka (mätsticka). Waxaa loo baahanyahay in aad is toosiso muddo yar oo gaaban inta la fiirinayo inta uu dhererkaagu yahay.

Ku socota dadka waaweyn:

Ilmaha waa la miisaamayaa oo la cabbirayaa. Ballan kasta oo la yimaado rugta caafimaadka carruurta (BVC) waxay kalkaalisadu la socon doontaan siduu ilmuhu u korayo.

Ku socota ilmaha:

Hadda waa is miisaantay. Gasho dharkaaga mar kale.  

Ku socota adiga qofka wayn ah:

Ilmuhu dharkiisa wuu gashan karaa mar kale.  

Ku socota ilmaha:

Adiga iyo kalkaalisada caafimaadku waxaa aad si wadajir ah u fiirin doontaa sawiro ku yaala buug. Markaa ka dib waxaa aad ka sheekeyn doontaa waxyaabaha aad ku aragto buugga.

Ku socota dadka waaweyn:

Tani waa tijaabo la smeeyo marka uu ilmuhu jiro 4 sano, taas oo muujinaysa kobaca iyo fahamaka xagga luqadda ee ilmaha.

Ku socota ilmaha:

Ka hor inta aynaan is nabad galyeyn, wax yar baan wada hadli doonaa.

Ku socota dadka waaweyn:

Waxaa aad ka hadli doontaan sida uu ahaa kulanka booqashadu.

Ku socota ilmaha:

Hadda kulankii booqashadu wuu dhamaadey, nabad gelyo, waxaa aan isku arki doonaa kulankan kulanka xigga marka aad soo booqato rugta daryeelka caafimaadka dhalaanka BVC.

Ku socota dadka waaweyn:

Marka uu kulanka booqashadu dhamaado. Waxaa la idin siin doonaa balan kulanka soo socda markaas oo uu ilmuhu jiro 5 sano. Haddii aad dareento in aad u baahantahay isla markaana aad rabto waxaa aad qabsan kartaa balan kaas ka horeeya.