Ballanta caafimaad ee rugta caafimaadka carruurta (BVC) markii ilmuhu 3 sano jiro– la kulanka kooxda iskugu jirta kalkaalisada caafimaadka iyo dhakhtarka
Hälsobesök vid 3 år - teambesök med läkare och sjuksköterska - somaliskaThe content concerns Västra GötalandBooqashada marka uu ilmuhu jiro 3 sanno waxaa lala kulmi doonaa koox ka kooban kal-kaalisada caafimaadka ee ka shaqeysa rugta daryeelka caafimaadka dhalaanka (BVH) iyo dhakhtarka labadaba. waxaa kulanka booqashada aan kaga hadli doonaa arimo khuseeya xaalada caafimaad ee ilmaha iyo koritaankiisa.
Waxaa jira fursad lagaga hadli karo waxyaabo ay ka mid yihiin macnaha i waalid la noqdo, nolol maalmeedka qoyska, sida uu yahay ilmuhu muddada uu ku suganyahay dugsiga xanaanada carruurta cuntada ilmaha iyo nabdgalyada ilmaha. Waxaa haboon in aad ka fikirto waxyaabaha aad u aragto in ay muhiim yihiin ee aad rabto in aad kala hadasho kalkaalisda caafimaadka iyo dhakhtarka. Waxaa caadi ah in laga hadlo cuntooyinka uu ilmuhu cuno, sida uu yahay jawiga marka qoysku wada cunteynato wakhtiyda cuntada, ciyaarta iyo in la wada jiro. Waxaa haboon in la abuuro caadooyinka la xidhiidh cuntada iyo dhaqdhaqaaqa wakhti hore maadaama ay saameyn ku yeelan doonto xaalada caafimaad ee ilmaha ee noolashiisa oo dhan. Sidoo kale waa la miisaami doonaa isla markaana waxaa la cabiri doonoo dhererka ilmaha. Mararka qaarkood Waxaa la tix raacaa koboca hadalka iyo luqada ilmaha.
U diyaar garow booqashada adiga oo si wadajir ah ula fiirinaya ilmaha sawirada muujinaya waxyaabaha ay booqashada dhaci doona
Ku soo dhawoow kulanka mcaafimaadka marka ilmuhu jiro 3 sano ee ka dhici doona rugta daryeelka caafimaadka!
Ku socota ilmaha:
Hadda waxa aad ogaan doontaa waxyaabaha dhici doona muddada lagu gudo jiro booqashada aad ku timid rugta daryeelka caafimaadka BVC, marka aad jirto saddex sano. Waxaa aad muddo yar oo kooban aad ka hadli doontaa xaaladaada caafimaad iyo waxyaabaha aad jeceshahey in aad sameyso. Maxaad jeceshahay in aad ciyaarto?
Ku socota qofka weyn:
Si wadjir ah ula fiiri ilmahaaga sawirada ka hor inta aanad noogu iman booqashada. Waxaa fiican in adiga iyo ilmaha labadiinuba aad ogaataan waxa dhici doona isla markaana aad u diyaar garowdaan.
