Mararka qaarkood waxaa dhici karta in wax yar la sugo. Qolka sugitaan ayaad ku ciyaari kartaan muddada aad sugeyso.

Ku socota ilmaha:

Waxaa aad la kulmi doontaa kalkaaliso caafimaad iyo dhakhtar. Waad wada hadli doona isla markaan waad wada ciyaari doontaan.

Ku socota qofka weyn:

Waxaa aad la kulmi doontaan kalkaaliso caafimaad iyo dhakhtar, kuwaas oo fiirin doona sida uu ilmuhu kobcayo, sida uu u hadlayo iyo sida uu wax u fahmayo.

Ku socota ilmaha:

Muddo yar kooban baad ka wada hadli doontaa arimo ku saabsan xaaladaada caafimaad iyo waxyaabaha aad jeceshahey in aad sameyso.

Ku socota qofka weyn:

Adiga iyo ilmahaaga ayaa si wadajir ah uga hadli doona xaalada caafimaad ee ilmahaaga iyo haddii aad qabto wax su’aalo ah.

Ku socota ilmaha:

Marka lagu miisaamayo waxaa loo baahanyahy in aad iska bixiso dharka. Looma baahna in aad iska saarto kalsoonka.

Ku socota qofka weyn:

Waxaa la miisaami doonaa ilmaha isaga oo xidhan kalsoonka.

Ku socota ilmaha:

Miisaanka jidhkaagu intuu dhanyahay? Waxaa sawirka kaaga muuqda miisaan. Waxaa lagaa rabaa in aad miisaanka ku dul joogsato muddo yar oo kooban si loo cabiro miisaanka jidhkaaga.

Dhererkaagu intuu dhanyahay? Kalkaalisada caafimaadka waxaa ay cabiri doontaa inta uu dhererkaagu noqdey. Marka la cabirayo dhererkaaga waxaa la isticmaali doonaa qalabka lagu cabiro dhererka ee kaaga muuqda sawirka (mätsticka). Waxaa loo baahanyahay in aad is toosiso muddo yar oo gaaban inta la fiirinayo inta uu dhererkaagu yahay.

Ku socota dadka waaweyn:

Ilmaha waa la cabbirayaa oo la miisaamayaa. Ballan kasta oo la yimaado rugta caafimaadka carruurta (BVC) waxay kalkaalisadu la socon doontaa siduu ilmuhu u korayo.

Ku socota ilmaha:

Mararka qaarkood kalkaalisada caafimaadka iyo dhakhtarku waxaa ay kugu sameeyn doonaan baadhitaan dheeri ah si ay u ogaadaan xaaladaada caafimaad. Waxaa laga yaabaa i dhakhtarku dhakhtarku dhageyso garaaca wadnahaaga, sidoo kale waxaa uu baadhitaan ku sameyn doonaa jidhkaaga intiisa kale.

Ku socota dadka waaweyn:

In baadhitaan lagu sameeyo jidhka waa qayb ka mid ah baadhitaanka caafimaadka. Baadhitaanka uu dhaktarku sameynayo waxaa uu ku saleysnaan doonaa baahida uu qabo ilmuhu.

Ku socota ilmaha:

Hadda waa is miisaantay. Gasho dharkaaga mar kale.  

Ku socota adiga qofka wayn ah:

Ilmuhu dharkiisa wuu gashan karaa mar kale.  

Ku socota ilmaha:

Ka hor inta ayaan is nabad galyeyn, wax yar baan wada hadli doonaa.

Ku socota dadka waaweyn:

Waxaa aad ka hadli doontaan sida uu ahaa kulanka booqashadu.

Ku socota ilmaha:

Hadda kulankii booqashadu wuu dhamaadey, nabad gelyo, waxaa aan isku arki doonaa kulankan kulanka xigga marka aad soo booqato rugta daryeelka caafimaadka dhalaanka BVC.

Ku socota dadka waaweyn:

Marka uu kulanka booqashadu dhamaado. Waxaa la idin siin doonaa balan kulanka soo socda markaas oo uu ilmuhu jiro 4 sano. Haddii aad dareento in aad u baahantahay isla markaana aad rabto waxaa aad qabsan kartaa balan kaas ka horeeya.