Waa caadi in la bilaabo inaad heshid caadadaada waqti u dhexeeyo da'aha sagaal iyo lix iyo toban. Caadada waxay kaa joogsataa marka aad gaartid dhalmo-dayn, oo qiyaastii da'da konton.   

Waa caadi ah in caadada ay socoto sadex illaa lix maalmood iyo inaad dhiig baxdo qiyaastii 50 ml oo dhiig ah (qiyaastii 3 qaado cuntada) inta lagu jiro muddada oo dhan. Caadadaada waxay ku dhici kartaa waqti kala duwan wareeg walba, ama qiyaastii isla waqtiga bil walba. Way u kala duwantahay dadka kala duwan.

Ugxanta waxay sidataa ukumo badan. Bil walba, ukun ayaa soo baxda oo waxay ku siideysantaa tuubooyinka ilmo galeenka. Tan waxaa loo yaqaan ugxansidaha. Isla markaana, xuubka ilmo galeenka ayaa ballaarto si uu isugu diyaariyo inuu qaabilo ukun bacriman. Ukunta waxay ku bacrimi kartaa shahwada. Taasi waa sida uurka ku dhaco.  

Haddii ukunta aysan bacrimin, xuubka ilmo galeenka looma baahno. Xaaladaas, jirka wuxuu daadiyaa xuubka ilmo galeenka oo ay wehliyaan dhiig. Taasi waa waxa caadada tahay. Muddo ka dib, wax walba dib ayay u bilawdaan.

Dadka qaar ayaa dareemi karo murugo, caro ama welwel dhawr maalmood ah caadadooda ka hor. Dadka qaar waxay ku dareemaan barar caloosha ama naasaha. Tan waxaa loo yaqaan PMS. Waad heli kartaa caawin haddii ay wax badan ku saameyso.

Dadka qaar ayaa ku dhaco xanuunka caloosha ama dhabarka markii ay qabaan caadadooda. Waxaad isku dayi kartaa xanuun baabi'iyaha dukaanka ee aad ka iibsan kartid dukaamada weyn ama farmashiga.

Haddii kuwa ka mid ah kuwaan ay ku quseeyaan, waxbadan ayaad dhiig baxeysaa:  

• Waxaad qabtaa caadadaada in ka badan todoba maalmood. 
• Dhiiga wuxuu wataa xinjiro. 
• Waxyaabaha aad caadada u xirato ayuu dhiigga ka soo dhex baxaa.  
• Waxaad badeshaa waxyaabaha aad caadada u xirato marar badan.

Waad heli kartaa caawin haddii aad qabtid dhibaatooyinka caadada. Tusaale ahaan:  

• Wax badan ayaad dhiig baxdaa.  
• Maysan kugu dhicin caadadaada lix bilood ama ka badan, oo waad ogtahay inaadan uur laheyn ama aysan caadada joogsan.  
• Aad u murugeysantahay, careysantahay ama aad welwelsan tahay caadadaada ka hor. 
• Aad qabtid xanuun badan ama aysan ku caawin xanuun baabi'iyaha joogtada ah.

Waad heli kartaa caawin haddii aad qabtid dhibaatooyinka caadada. Tusaale ahaan:  

• Wax badan ayaad dhiig baxdaa.  
• Maysan kugu dhicin caadadaada lix bilood ama ka badan, oo waad ogtahay inaadan uur laheyn ama aysan caadada joogsan.  
• Aad u murugeysantahay, careysantahay ama aad welwelsan tahay caadadaada ka hor. 
• Aad qabtid xanuun badan ama aysan ku caawin xanuun baabi'iyaha joogtada ah.

Markaa la soo xiriir mid ka mid ah xarumahaan: 

• Rugta caafimaadka haweenka (gynekologisk mottagning). 
• Xarunta daryeelka caafimaadka (vårdcentral).

Ma wanaagsano inaad galmo sameyso inta lagu jiro caadadaada haddii adiga ama lamaanahaaga uu rabo. 

Waa suurtogal in uur la qaado adoo caado qabo. Sidaa darteed, marwalba isticmaal kondhom ama ka hortaga uurka haddii aadan rabin inaad uur qaadid.

Waxaa jira noocyo kala duwan oo alaabaha caadada ah. Waxaa jira cabiro kala duwan oo xafaayada dhiiga iyo suuf. Dooro cabirka aad u baahantahay waxay ku xirantahay cadadka aad dhiig baxdo. Noocyada ugu muhiimsan ee alaabaha caadada waa: 

• faashada dhiiga 
• xafaayada dhiiga 
• suufka 
• koobabka caadada 
• kastuumada caadada.

Waxaad ka iibsan kartaa faashada dhiiga, xafaayada dhiiga iyo suuf dukaanka weyn ama farmashiga.

Waxaad u jimicsan kartaa si caadi ah markii aad qabtid caado. Waxaad aadi kartaa dabaal adoo isticmaalayo suuf ama koobka caadada.