In umusha ka dib tabobar iyo jimicsi la sameeyo

Isla marka uu ilmuhu ilmo-galeenka ka soo baxo ayuu jidhku bilaaba inuu bogsado.

Hoosta dumarku waxay u baahan tahay inay bogsato haddii aad ferjiga ka soo dhashay. Calooshu waxay u baahan tahay inay bogsato haddii ilmaha lagugu soo qalay. 
 
Bogsashadu caadi ahaan 6-8 toddobaad ayay qaadataa. Waxay ka dibna qaadan kartaa ilaa sanad inuu jidhku ka soo wada kabto. Waxa muddadaas la samayn karaa tabobar iyo jimicsi. 

Waxa maalmaha ugu horreeya ee umusha ka danbeeya wanaagsan in waxyar oo dhaqdhaqaaq ah uun la sameeyo. Tusaale ahaan, waxaad beddeli kartaa booska adigoo u kala bedbedelaya fadhi, taagni ama socod. 
 
Dhowr maalmood ka dib, ayaad bilaabi kartaa inaad waxooga dhaqaaq ah sameyso. Waxa laga yaabaa inaad waxyar soo lugayso.  

Waxaad sidoo kale jimicsi ku sameyn kartaa muruqyada sagxada miskaha,. waxa taas loola jeedaa hoosta dumarka. Waa la bilaabi karaa isla umusha kadib. Isku qabo oo giiji murqayada. Wax yara fudud ku bilow. Qiyaas ahaan saddex ilaa afar toddobaad ka dib ayaad wax ka adag/badan sameyn kartaa. Muddo yar oo gaaban giiji ka dibna kolba dabci.

6-8 todobaad ka dib ayaad tabobar bilaabi kartaa.  

Ku bilow iyada oo aanad miisaan culus qaadeyn haddii aanad jimicsiga caadaysan. Jidhkaaga oo kaliya u isticmaal miisaan ahaan. Markaad ku qanacsan tahay ayaad miisaanka kordhin kartaa.  
 
Waxaad filimka ku arkeysaa shan jimicsi oo aad dhowr jeer todobaadkii sameyn kartid.  
 
Kuwani waa tabobarada filimka ku jira: 

• Jillibka la soo laabayo iyadoo kursi lagu fadhiyo 
• Gacmaha ku cadaadi gidaarka 
• Miskaha kor loogu soo qaadayo iyadoo la jiifo 
• Jilbaha kor loo soo qaadayo iyadoo la jiifo 
• Dhinac u jiifka misigta kor loo soo qaadaayo 
   

Waxa ay tabobaradu ku habboon yihiin haddii aad tabobar wanaagsan qabto iyo haddii kaleba. Dooro jimicsiga kugu habboon. 

Waxaa jira sababo badan oo ay u wanaagsan tahay in tabobar la sameeyo uurka iyo umusha ka dib. 
 
Kuwani waa tusaalayaal ka mid ah waxyaabaha ka sii fiicnaan kara haddii aad tabobar sameyso: 

• Dhakhso ayaad uga soo kaban kartaa dhalmada kadib. 
• Waad ka firfircoonaan kartaa.  
• Si ka wanaagsan ayaad ugu seexan kartaa. 
• Waxaad kaa yaraanaya dhibaatooyinka caloosha.  
• Waxaad kaa yaraan kara dhibaatooyinka welwelka iyo niyad jabka. 
• Waxaad kaa yaraan kara xanuunka dhabarka.  
• Waxa xoogaysan kara jidhkaaga isagoo wax ka badan qaban karta.