Macluumaad la soo ururiyey oo ku saabsan covid-19

Iska tallaalka caabuqa covid-19 ee gobolka Kalmar

Boka vaccination mot covid-19 i Kalmar län - somaliskaThe content concerns Kalmar län

Iska tallaalidda caabuqa covid-19 wuu socdaa.

Heer qaran ayaa go’aan looga gaarayaa sida ey dadka ugu kala horreynayaan qaadashada tallaalka, gobolka Kalmarna wuxuu raacayaa nidaamka kala horreysiinta ee Hey’adda caafimaadka dadweynaha (Folkhälsomyndigheten), laakiin waxaa kale oo wajiga hore lagu darayaa dadka qaba baahiyaha gaarka ah.

Helidda tallaalka ayey ku xirantahay waqtiga aad qaadan karto tallaalka, gobolka Kalmarna wuxuu mudnaan siin doonaa dadka waayeelka ah. Waxaan idinka codsaneynaa in aad fahantaan in ey isbuucyo qaadan karto inta aadan helin tallaal.

Waxaan tallaal siineynaa haddii aad:

  • 16 sano jir tahay ama aad ka weyn tahay (dhashay 2005 ama ka hor)

Inta lagu tallaalin ka hor

Sida loo yareeyo faafidda isqaadsiinta waa in qof walba oo raba in uu istallaalo waqti qabsadaa. Waqtiga tallaalka, ku feker in aad:

  • waqti yar ka hor waqtiga laguu qabtay timaaddaa si aad u yareyso ciriiriga.
  • kala fogaansho ha idiin dhexeyso dadka kale ee hoolka ku jira.
  • gashantahay dhar ey fududahay in gacantaada qeybteeda sare si fudud loo gaaro

Fiiro gaar ah! Haddii aad qaadato daawada Waran (dhiig-qafiifiye), ku feker in aad u baahantahay in aad waqti u qabsato baaritaan dhiig qaadid isbuuc ka hor tallaalkaada.

Qaabkaan ayaad u mareysaa si aad waqti tallaal u qabsato

Waqtigaaga ka qabso 1177.se

Haddaa haddii heysato tobanka nambar ee dhalashada ee iswiidhishka ah. Haddii aadan ku hadli karin af iswiidhish ama af ingiriis, qof ayaad ka codsan kartaa in uu kaa caawiyo qabsashada waqti. Adeegga elektaroonigga ah uma baahna inaad guda u gashid.

  1. Hlkan ka dooro xaruntaada qaabilaadda.
  2. Sheeg sababta booqashada, iyo mudnaansiin-guruubeedka aad ka midka tahay.
  3. Dooro haddii aad waqti u qabaneyso hal qof ama laba qof. Haddii aad tihiin lamaane waxaa jira fursad aad si wada jir ah waqti u wada qabsan kartaan.
  4. Jadwel taariikheed ayaa soo baxaya. Raadi waqti munaasab kuu ah.
  5. Dooro haddii aad rabtid in aad waqti qabsashada luqadda af iswiidhishka ama af ingiriiska ku sameysid adiga oo gujinaya geeska sare ee midig.
  6. Raac tilmaamooyinka oo macluumaadka ku buuxi.
  7. Buuxi warbixin caafimaad (ama labo, haddii aad wada jir waqti qabsashada u sameyneysaan) kadibna seyf garee.
  8. Guji daaqadda si aad u xaqiijisid waqtiga iyo oggolaansho.

Muhiim! Ku fikir in Bog akhriyaha  Internet Explorer uusan shaqeyneyn, waxaad bedelkiis isticmaashaa Google Chrome, Microsoft Edge ama Safari.

Waqti qabsasho dhinaca taleefanka ah

Haddii ey kugu adagtahay in aad kaligaa waqti qabsato, ama aadan heysan tobanka nambar ee dhalashada ee iswiidhishka ah ama aad heysato nambarka keydka.

  1. Ka hel macluumaadka lagala xiriiro xaruntaada caafimaad 1177.se.
  2. Ka Wac xaruntaada caafimaadka taleefanka lagu siiyay waxaadna doorataa batoonka doorashada 3.
  3. Dhambaal ku reeb bashqadda codadka, waxaan kula soo xiriiri doonna isbuuc gudihiis.

Haddii aadan heysan tobanka nambar ee dhalashada ee iswiidhishka ah ama aad heysato nambarka keydka

Haddii aadan heysan tobanka nambar ee dhalashada ee iswiidhishka ah ama aad heysato nambarka keydka, qaabka dijitaalka ah waqti tallaal kagama qabsan karitd. Taas bedelkeed waxaad toos u wacdaa xaruntaada caafimaadka.

Haddii lagu siiyo fursad aad ku qaadaneyso talaalka caabuqa covid-19 laakiin laga yaabo in aad qabto su’aalo inta aadan go’aan gaarin

Khatarta aad ugu jirto in aad ugu xanuunsato caabuqa covid-19 wey sii siyaadeysaa hadba inta ey da’daada kor ugu siyaaddo, khaasatan haddii aad tahay 70 sano jir ama aad ka weyntahay. Intaas ka sokow dadka qaba cudurrada qaarkood khatar ka badan tan dadka kale ayey ugu jiraan in uu caabuqa covid-19 uu si daran ugu dhaco, da’dey rabaanba ha jiraane.

Tallaalka kadib jirka wuxuu difaaca adkeysiga jirka dhisayaa gaashaan uu uga hortago caabuqa covid-19. Laakiin lama hubo haddii qof walba oo la tallaalo uu helayo difaac dhameystiran. Waana wax ey tallaalada oo dhan ka simanyihiin, mana quseyso caabuqa covid-19 oo kaliya. Laakiin khatarta ah inuu caabuq daran kugu wey yaraaneysaa.

Waxaa loo baahan yahay labo qaddar si uu tallaala difaac fiican u yeesho. Hadba nuuca tallaalka  ayaa keeni kara in waqtiga u dhexeeya labada qaddar ey kala duwanaadaan. Waxey qaadeynaa dhowr isbuuc marka la qaato qaddarta ugu dambeysa, inta uu jirka ka dhisayo difaac buuxa.

Waqtiga tallaalka ka dib

Haddii lagu tallaalay isla markaana aad difaac buuxa ka heysato caabuqa covid-19 waxaad weli qaadsiin kartaa dad kale. Sidaas darteed waa muhiim in aad sii waddo in aad raacdo talooyinka iyo tilmaamaha qaran.

To the top of the page