Macluumaad la soo ururiyey oo ku saabsan covid-19

Talaalka covid-19

Vaccination mot covid-19 - somaliska

Covid-19 waa cudur faafa. Tallaalku waxa weeye habka ugu fiican ee loogaga hortagaayo in cudurka si xun/aad loogu xanuunsado ama loogu dhinto.

Waxaad u baahan tahay in laba cirbadood lagu siiyo, waxaana loo baahan yahay in 3-4 toddobaad u dhaxeeyaan cirbadda koowaad iyo tan labaad.
Waxa tallaalka cirbad lagaaga siinayaa cududa.

Gobolkaaga ayaa ah cidda talaalka ka mas'uulka ah. Gobolka bogga xagiisa sare ka dooro si aad ugu hesho macluumaad dheeraad ah oo ku saabsan waxa khuseeya meesha aad joogto.

Uma baahnid inaad tallaalka covid-19 lacag ka bixiso.

Adiga ayaa go'aaminaaya haddii aad rabto inaad is tallaasho.

Macluumaadka qoraalka ayaa khuseeya carruurta iyo dadka waaweyn labadaba.

Du kan läsa texten på svenska här.

Sidee ayaan sameeyaa si aan tallaal ugu helo?

Dhammaan dadka 12 sano jir buuxiyey waxa loo soo bandhigayaa tallaal. Carruurta qaar marka laga soo blaabo 5 sanno jirada ayaa tallaalka Covid-19 la siin karaa.

Xitaa qofka magangalyo doonka ah ama Iswiidhan sharci la’aan ku jooga ayaa bilaash tallaalka loo siinayaa. Waxay taasi khuseysaa xitaa qofka Iswiidhan wax ka barta ama ka shaqeeyaba isagoo xitaa aanu muwaadin Iswiidhish ah ahayn.

Waxa laguu soo jeedinayaa inaad is tallaasho xitaa haddii uu covid-19 hore kuugu dhacay.

Jönköpings län

Tallaalka ka hortaga covid-19 ee gobolka Jönköping

Si aad isu tallaasho waa inaad:

  • Tagtaa goob drop-in – markaa ballan uma baahnid.
  • ballan ku qabso internetka.
  • wac rugtaada caafimaad si aad ballan u qabsato.

Iska tallaal drop-in – uma baahnid wakhti ballan

Maalmaha iyo wakhtiyada qaad waxaad tagi kartaa rugta caafimaadka si aad isu tallaasho adigoon ballan qabsan, waxaa taa loogu yeeraa drop-in.

Aqriso wax intaa dheer oo ku saabsan wakhtiyada drop-in ee rugaha caafimaadka (qoraalka wuxuu ku qoran yahay iswiidhish).

wakhti ka qabso websaydka

Si aad ballan uga qabsato websaydka, waxaad adigu u baahan tahay tobanka lambar ee iswiidishku leeyihiin (personnummer). Haddii aadan haysan, waxaad wici kartaa rugtaada caafimaadka si aad ballan uga qabsato. Uma baahnid aqoonsi elektaroonig ah si aad ballan u qabsato.

Wakhtiga ballantu waxay ku qoran tahay luqadda iswiidhishka. Haddii aad u baahan tahay caawimaad xagga tarjumaadda ah, waxaad weydiin kartaa qof aad taqaanid oo yaqaana iswidhishka.

Markaad ballanta qabsanayso, waxaad ka jawaabaysaa dhowr su'aalood ee ku saabsan caafimaadkaaga, waxaa loo yaqaano caddaynta caafimaadka. Su'aaluhu waxay ku saabsan yihiin xasaasiyado ama haddii uu jirkaagu ka falceliyey tallaallo hore.

Ka akhri macluumaad dheeraad ah oo ku saabsa sida aad adigu uga ballansanayso tallaalka websaydka (wuxuu ku qoran yahay luqadda iswiidhishka).

Ballan ku qabso telefoonka

Haddii aadan ballan ka sameysan karin websaydka, wac xaruntaada caafimaadka. Haddii aad u baahan tahay caawimaad xagga tarjumaadda ah, waxaad weydiin kartaa qof aad taqaanid oo yaqaana luqadda iswidhishka. Haddii aad rabto turjubaan marka aad is tallaalayso, waa inaad u sheegtaa rugta caafimaadka markaad ballanta qabsanayso.

Markaad u timaado xarunta caafimaadka si laguu tallaalo, waxaad ka jawaabaysaa dhowr su'aalood ee ku saabsan caafimaadkaaga, waxaa loo yaqaan caddaynta caafimaadka. Su'aaluhu waxay ku saabsan yihiin xasaasiyado ama haddii uu jirkaagu ka falceliyey tallaallo hore.

Sidan ayaa talaalka loo sameynayaa

Waxa cirbada tallaalka lagaa siinayaa cududa. Waxaad marka cirbada lagu siiyo meesha sii joogi doontaa 15 daqiiqo. Taasi waxa weeye si caafimaadkaaga loogu hubiyo. Qaado dhamaan  cirbadaha laguu soo bandhigaayo. Markaas ayaad difaac wanaagsan oo Covid-19 kaa ilaaliya helaysaa. Waxa cirbadaha lagu kala siin doonaa marar kala duwan.  

Waxaa jira qoraal ka badan oo ku saabsan inta tallaal ee dadka kala duwan la siinaayo: Imisa jeer ayaa la igula talinayaa inaan is tallaalo? Qoraalku waxa uu ku qoran yahay af Iswiidhish.

Weydii shaqaalaha daryeelka caafimaadka haddii ay jirto wax aad iska weydiinayso.  tallaalkaaga.

Weydii shaqaalaha daryeelka caafimaadka haddii ay jirto wax aad iska weydiinayso tallaalkaaga.

Jönköpings län

Haddii aad adigu u baahan tahay caawimaad xagga tarjumaadda ah inta lagu gudajiro tallaalkaaga, waad soo kaxaysan kartaa qof aad taqaano oo ku hadli kara iswidhishka. Haddii aad rabto turjubaan marka aad is tallaalayso, waa inaad u sheegtaa xarunta caafimaadka markaad ballan qabsanayso.

Miyaan is tallaali karaa haddii aan jiranahay?

Waa in aanad is tallaalin haddii aad leedahay qandho ama calaamado covid-19 ah. Sug ilaa intaad hadana ka soo roonaaneyso.

Sidee ayaan ka dib dareemayaa?

Waxaad yeelan kartaa cududda oo ku xanuunta, madax xanuun, inaad daal dareento maalinta ugu horreysa ee tallaalka ka dib. Waxa sidoo kale dhici karta inaad barafoowdo/dhaxamooto, aad qandho yeelato ama ay laabatooyinka iyo murquhu ku xanuunaan.  Waxa loo yaqaanaa saameynta xun waxaanay caadi u tahay carruurta iyo dadka waaweyn ee tallaalka qaata.

Waxay taasi caadi ahaan noqotaa dhibaato khafiif ah iyadoo dhowr maalmood gudahood iska tagta.  

Saameynta xun ee tallaalka 

Malaayiin qof ayaa covid-19 iska tallaalay. Waa wax aan caadi ahaan dhicin inaad saameyn xun yeelato ka dib markaad tallaalka qaadato. Waxa ka khatar weyn inaad covid-19 si xun ugu xanuunsato.

Jönköpings län

Haddii aad adigu aad xanuun u dareento mrkaad istallaasho ka dib, waa inaad la xiriirtaa rugta caafimaadka si astaamahaaga baarintaan loogu sameeyo, iyada oo aan loo eegayn inuu tallaalku keenay iyo in kale. 

Dumarka uurka leh ama naaska nuujinaaya

Dumarka uurka leh ayaa aad ugu jiran kara covid-19. Si aad naftaada iyo ta ilmahaba ugu illaaliso ayaa laguugu soo jeedinayaa tallaalka.  

Waxyeello uma keeneyso ilmaha caloosha ku jira. 

Waad is tallaali kartaa xitaa haddii aad naaska nuujinayso.

Kalkaalisadaada kala hadal si aad ugu ogaato waxa adiga ku khuseeya. 

Wax dheeraad ah oo ku saabsan uurka iyo Covid-19 ka akhri

Carruurta iyo tallaalka

Carruurta ayaa Covid-19 aad ugu xanuunsan karta, inkastoo aanay taasi wax caadi ah aheyn. Carruurta da'doodu tahay 12 sano jir iyo wixii ka weyn ayaa sidaas darteed tallaalka loo soo bandhigayaa. Carruurta qaar marka laga soo bilaabo 5 sanno jirada ayaa tallaalka Covid-19 la siin karaa. Waxay tusaale ahaan noqon kartaa cudur xun oo sanbabada ah. Dhakhtarka ilmaha daaweynaaya kala hadal wixii idinka idin khuseeya.

Dadka ka yar 18 sano jir ayaa u baahan kara ogolaanshaha waalidka/daryeelaha si uu tallaalka ugu helo. La xiriir qof jooga meesha tallaalku ka dhacaayo haddii aad dooneyso inaad is tallaasho, laakiin aanad ogolaansho haysan.

Qofka hore ugu yeeshay xasaasiyad xun

Kala hadal dhakhtar haddii aad horey u yeelatay xasaasiyad aad u xun taas oo aad u baahatay inaad isla maalintaasba daryeel caafimaad raadsato. Waxa taas keeni kara tallaal, dawo ama wax aad cuntay. 

Tallaalka si taxaddar leh ayaa loogu kantaroolay

Tallaalka covid-19 waxa loo sugay si la mid ah sida taxaddirka badan leh ee tallaalada kale. Malaayiin qof oo dad waaweyn iyo carruurba leh ayaa tallaalka qaatay iyadoo cilmi baadhayaal ay daraasad saameyntiisa ku sameeyeen. Waxa sii socota in tallaalka daraasad lagu sameeyo. 

Waxa uu Covid-19 kugu dhici karaa xitaa haddii lagu tallaalay. Laakiin dadka la tallaalay badankoodu xoog uma xanuunsadaan.

Waxyaalo badan oo af Somali ah ayaa ku jira

Soomaali

Waxaad halkan ka arki kartaa waxyaabaha ku jira bogga 1177.se oo af Soomaali ku dhigan. Gobolka bogga xaggiisa sare ka dooro si aad ugu aragto waxyaabaha ku khuseeya.

1177 in other languages

Here is a list of other languages that the material is available in. The page is available in English.

To the top of the page