Vaksinasjovne covid-19 vööste
Vaccination mot covid-19 - sydsamiskaCovid-19 lea laanestimmien skïemtjelasse. Vaksinasjovne lea bööremes vuekie guktie ij itjmies skïemtjine sjïdth vuj skïemtjelasseste jaemieh. Vaksinasjovne maahta aaj viehkine årrodh guktie laanestimmie vaenede sïebredahkesne. Dïhte dan gaavhtan vihkeles gellie almetjh veeljieh vaksijnem vaeltedh.
Dïhte dov regijovne man dïedtem åtna vaksinasjovnen åvteste. Gïehtjedh datne leah reaktoe regijovnem bijjemes sæjrosne guktie reaktoe bïevnesh åadtjoeh.
Vaksijne covid-19 vööste lea namhtah.
Dïhte jïjtjevyljehke jis sïjhth vaksijnem vaeltedh.
Gåessie manne maahtam vaksineeredh?
Folkhälsomyndigheten lea öörnegem raeriestamme mah almetjh giejtie vaksinasjovnem faala. Voestegh vuesiehtimmien gaavhtan almetjh sjïere årromesijjine vaksineeredh, almetjh gïeh båarasåbpoe 65 jaepeste jïh almetjh gïeh hoksesne berkieh.
Gaajhkh almetjh gïeh 18 jaepieh jallh båarasåbpoe vaksinasjovne faalesuvvieh.
Datnem raereste vaksijnem vaeltedh jïlhts datne leah covid-19 åtneme.
Gïeh eah byöroeh vaksijnem vaeltedh?
Maanah jïh noerh 17 jaepien båeries jallh nuerebe ij raeresth vaksijnem vaeltedh. Datne gie nåajsan ij raeresth vaksijnem vaeltedh.
Soptsestellieh dåaktarinie jis datne funterdh mij faamosne dutnjien jallh dov maanese.
Soptsestellieh dåaktarinie jis datne aarebe allergijen reaksjovnem åtneme guktie datne tjoerih hoksem ohtsedidh seamma biejjien. Dïhte maahta båetedh vaksinasjovneste, daalhkesistie vuj mestie akt maam datne leah byöpmedamme.
Naemhtie vaksineeredh
Datne åadtjoeh vaksijnem stratjken tjïrrh bijjiegïetesne. Datne daarpesjh göökte stratjkh åadtjodh. Datne dejtie stratjkide åadtjoeh guektien ovmessie tïjjine.
Datne såemies vaarjelimmiem åadtjoeh voestes stratjken mænngan. Akte vuj göökte våhkoej raejeste mubpien stratjken mænngan datne hijven vaarjelimmiem covid-19 vööste utnedh.
Dov lea reakta bïevnesh åadtjodh hoksebarkijistie gosse vaksijnem vaaltah. Gihtjh jis dov åssjelh dan bïjre.
Maahtam mån vaksijnem vaeltedh jis manne skïemtjes?
Ih edtjh vaksineeredh jis vaejlie jallh covid-19 symtovmh åtnah.
Guktie mannine dan mænngan?
Dov gïete maahta baektjiedidh, åejjieh saejriedieh jïh nahkeren sjïdtedh voestes dygnesne vaksinasjovnen mænngan. Datne maahtah aaj gåalodh, vaejliem åadtjodh jallh dov lïhtsh jïh åedtjieh baektjiedidh.
Dïhte pråvhka viesjies symtovmh årrodh jïh måedtie biejjiej raejesne lajvedh.
Hoksebarkijh edtjieh lissiedåårresh vaksijneste reektedidh
Hoksebarkijh åejvieladtjese Läkemedelsverket jis dah suvmieh vaksijneste lissiedåårresh sjïdtin.
Datne maahtah aaj jïjtje reektedidh jis sovmh vaksinasjovneste lissiedåårresh sjïdtin.
Lea vaksijne vihties?
Vaksijne covid-19 vööste lea seamma eensi vuekine vååksjeme goh mubpieh vaksijnh. Gellie almetjh leah vaksijnem åådtjeme jïh dotkijh leah dah effekth goerehtamme.
Dotkijh gellie laantijste leah laavenjosteme vaksijnem evtiedidh. Gellie laanth jïh sïelth abpe veartanisnie leah jïjnjh beetnegh maakseme. Dan gaavhtan dam vaksijnem dan varki evtiedamme.
Sæjrosne Så fungerar vaccin datne maahtah vaksijnen bïjre lohkedh jïh filmh vuejnedh (Sveerjengïelesne).
Jåerhkieh raeride dåeriedidh guktie covid-19 suetiem heerredidh
Datne edtjh åejvieladtji raeride dåeriedidh aaj mænngan datne leah vaksijnem åådtjeme.
Medtie akte vuj göökte våhkoeh vaesieh mubpien vaksijnestratjken mænngan åvteli datne buerie vaarjelimmiem åtnah. Onne vaahra gujht gååvnese datne skïemtjelassem åadtjoeh vaallah datne leah vaksineereme.
Aaj onne vaahra datne vijrusem seejh jïlhts ih leah skïemtjes, vuesiehtimmien gaavhtan jis datne dam dov gïetine åådtjeme.
Ij ennje daejrieh man guhkiem vaksijne vaarjele.