Vedtieh covid-19:n pryövenassh
Lämna prov för covid-19 - sydsamiskaJeanatjommesh eah daarpesjh pryövenassem vedtedh jis dah symptovmh åadtjoeh mij maahta covid-19 årrodh. Mohte naaken tjuara dam darjodh. Jis datne hoksesne jallh voeresesåjhtosne barkh, voeresegåetesne årroeh jallh hïejmedïensjem åtnah.
Hijven daejredh jis covid-19:ste skïemtjedh. Dellie datne maahtah maam akt darjodh guktie ih mubpieh laanesth.
Veeljh regiovnem bijjemes sæjrosne desnie åadtjoeh vielie bïevnesh mah faamosne gusnie datne leah.
Gåessie edtjem pryövenassem vedtedh?
Datne maahtah pryövenassem vedtedh jis symptomh åtnah mah maehtieh covid-19:ste båetieh. Aaj jis datne leah vaksineereme.
Datne maahtah aaj daarpesjidh pryövenassem vedtedh jis maam akt dejstie sjeahta:
- Datne healsoehoksesne, sjïemtjehoksesne jallh voeresesåjhtosne barkh.
- Datne voeresegåetesne årroeh jïh hïejmedïenesjem åtnah.
- Dåaktere jallh skïemtjesåjhtere datnem birrie pryövenassem vedtedh.
Datne maahtah covid-19 viht åadtjodh. Mohte ih daarpesjh pryövenassem vedtedh jis covid-19 åtneme dej minngemes golme askine.
Pryövenassem vedtedh
Sïejhmemes pryövenasse gohtje PCR-pryövenassem.
Naaken barkije hoksesne pryövenassem vaalta. Såemies aejkien maahtah pryövnassem jïjtje vaeltedh. Datne åadtjoeh vielie bïevnesh maam edtjh darjodh.
Årroeh gåetesne goske vaestiedassem åadtjoeh
Vihkeles datne gåetesne goske pryövenassen vaestiedassem åådtjeme.
Antigenteeste – sneehpesteeste
Jeatjah pryövenassh aaj gååvnesieh vuesiehtimmien gaavhtan antigenteeste. Aaj dejtie sneehpesteestem gohtje jïh maahtah dejtie apoteeksne åestedh.
Naemhtie pryövenassem vaalta
Pryövenassem sjïere såaram njuenesne vuj tjeapoehkisnie vaaltasåvva, jallh dovne njuenesne jïh tjeapoehkisnie.
Maahta rovnegs damtedh mohte ij baektjedh.
Man guhkiem edtjem gåetesne årrodh?
Årroeh gåetesne jis skïemtjedh. Aaj jis datne lea pryövenasse-vaestiedassem åådtjeme ij dov covid-19. Årroeh gåetesne goske vervies.
Datne mij covid-19:m åtnah
Jis PCR-pryövenasse vuesehte dov lea covid-19 edtjh gåetesne årrodh goske ih laanesth.
Datne ih guhkiem laanesth jis dah tsiehkieh sjiehtieh:
- Datne buaranamme
- Datne vaejlehts orreme göökte dygnh.
- Unnemes vïjhte dygnh vaaseme juassah skïemtjedih.
Datne ih daarpesjh orre pryövenassem vedtedh mij goerehte ennje laanesth.
Lohkh vielie tjaalegisnie Raerieh dutnjien mij covid-19 åtnah.