Tjåanghkenamme bïevnesh covid-19:n bïjre

Raerieh dutnjien gie covid-19:m åtnah

Råd till dig som har covid-19 - sydsamiska

Daesnie raerieh dutnjien gie skïemtjelassem covid-19 åtnah. Raerieh dutnjien gie maahtah gåetesne årrodh jïh ih hoksem skïemtjegåetesne daarpesjh. Bïeljelh hoksem jïh vïerrebe skïemtjedh.

Dïhte vihkeles datne gåetesne jis skïemtjedh. Jeanatjommesh eah daarpesjh pryövenassem vedtedh. Lohkh vielie tjaalegisnie covid-19:n pryövenassem vedtedh.

Vaksineerh covid-19:n vööste gosse vervies viht, jis idtjih joe leah vaksineereme.

Veeljh regijovnem bijjemes sæjrosne jïh åadtjoeh vielie bïevnesh mah faamosne gusnie datne leah.

Du kan läsa texten på svenska här.

Jovkh jïjnje

Dïhte vihkeles jïjnjem jovkedh, sjïere jis dov leah vaejlie vuj gossehtahke.

Dïhte maahta buerebe sjïdtedh jis maam akt baahkes jallh galmes jovkedh jis dov tjeapohke saejrede. Jovkh vuesiehtimmien gaavhtan tjaetsiem, löövjem, lïemem vuj joptsem. Datne maahtah aaj tjastem byöpmedidh, jïengetjastem vuj yoghurtem.

Utnieh gellie dåvnah åejjien nuelesne

Dïhte hijven jis datne maahtah veeledidh åejjine bijjemes. Viehkine jis garre gossh. Bïejh dellie gellie dåvnah åejjien nualan gosse åarah.

Utnieh jueskieh åeremetjïehtjelisnie

Dïhte maahta hijven jueskies utnedh tjïehtjelisnie gusnie åarah.

Datne maahtah vuesiehtimmien gaavhtan elementen baahkem vualene vuj klaasem rïhpestidh.

Voejhkelh svihtjedh

Datne daarpesjh lïegkedidh gosse skïemtjes. Mohte dïhte ij leah hijven veeledidh stille fer guhkiem.

Voejhkelh svihtjedh naan aejkien fïerhten biejjien.

Dah leah vuesiehtimmieh maam datne maahtah voejhkelidh darjodh:

  • Svihtjh juelkide
  • Målsoeh sæjroem gosse veeledh
  • Tjihkedh muvhtene vuj tjöödtjesth

Gosse buarenh maahtah voejhkelidh ålkone årrodh jïh svihtjedh. Aellieh jienebh darjoeh enn åajsodh.

Datne maahtah reseptegapth daalhkesh nuhtjedh

Datne maahtah daalhkesh nuhtjedh paracetamoline jis dov lea vaejlie. Daalhkesh reseptegapth.

Maanah båarasåbpoe 6 askh maehtieh daalhkesh nuhtjedh paracetamoline mah reseptegapth. Jis maana nuerebe govhte askijste edtjh dåakterem gihtjedh voestegh.

Jis dov tjeapohke saejrede maahta tjeapohketablehth vaeltedh.

Datne maahtah njueniesprejem nuhtjedh

Datne maahtah njuenietrahpenassh vuj njueniesprejem nuhtjedh jis datne snovsh. Gååvnesieh reseptegapth njuenietrahpenassh jïh njueniesprejem mej sisvege kööhkemesaelhtiebleenteme.

Gååvnesieh aaj reseptegatph njuenietrahpenassh jïh njueniesprejem mejstie bankes njuenie buarene. Dagkerh njuenietrahpenassh jïh njueniespreje edtjh jeenjemes luhkieh biejjieh nuhtjieh.

Aellieh rïevhkesth

Voejhkelh ih rïevhkesth jallh sijjine årrodh gusnie mubpieh rïevhkestieh. Dellie gossehtahke vïerrebe sjædta. 

Datne gie tjoerh gåetesne guhkiem årrodh

Dïhte gujht vaejvie oktegh gåetesne årrodh guhkiem. Gellie almetjh tuhtjieh vaejvie gosse eah åadtjoeh almetjh råakedh gïeh dah pruvhkieh råakedh. Voejhkelh voelpigujmie jïh fuelhkine gaskesadtedh læjhkan. Dijjieh maehtede vuesiehtimmien gaavhtan sinsætnan ringkedh. Dïhte hijven voejhkelidh seamma darjomh seamma tïjjesne darjodh goh sïejhme. Datne maahtah vuesiehtimmien gaavhtan tjuedtjielidh jïh aeredsbeapmoeh byöpmedidh seamma tïjjesne goh daamhtaj.

Dïhte gujht vaejvie oktegh gåetesne årrodh guhkiem. Gellie almetjh tuhtjieh vaejvie gosse eah åadtjoeh almetjh råakedh gïeh dah pruvhkieh råahkedh.

Voejhkelh voelpigujmie jïh fuelhkine gaskesadtedh læjhkan. Dijjieh maehtede vuesiehtimmien gaavhtan sinsætnan ringkedh.

Dïhte hijven voejhkelidh seamma darjomh seamma tïjjesne darjodh goh sïejhme. Datne maahtah vuesiehtimmien gaavhtan tjuedtjielidh jïh aeredsbeapmoeh byöpmedidh seamma tïjjesne goh daamhtaj.

Datne gie dåarjoem daarpesjh

Ringkh telefovnenummerem 1177 jis datne sïjhth viehkiem dejnie maam edtjh darjodh. Dah gïeh vaestiedieh leah skïemtjesåjhterh. Dah maehtieh aaj datnem viehkiehtidh gusnie edtjh hoksem ohtsedh jis daarpesjh.

Skïemtjesåjhterh sveerjengïelem jïh englaanten gïelem soptsestieh.

Ringkh +46 771-11 77 00 jis telefovneste ringkh ålkoelaanten nummerinie.

To the top of the page