Healsoejarngem veeljedh Jilliebetnien leenesne
Välja hälsocentral i Västerbotten - sydsamiskaHealsoejarnge lea dåastove mij daamtaj dov årroehsijjien lïhke. Datne maahtah jïjtje veeljedh mij healsoejarngide sïjhth bïeljelidh gåessie såjhtoem daarpesjh.
Healsoejarngesne, hälsocentral, dovne dåakterh, skïemtjesåjhtterh jïh jeatjah såjhtoe-barkijh. Dah maehtieh datnem jallh dov fuelhkiem viehkiehtidh jis datne leah skïemtje jallh hujnesne.
Datne maahtah saaht maam healsoejarngem veeljedh jïh jïjtjemdh dïsse tjaeledh.
Healsoejarngem veeljedh lea aaj healsoeveeljeminie gohtjesovveme.
Mejstie healsjoejarngijste maahtah veeljedh?
Gaskesadtemebïevnesh ovmessie healsoejarngide jïh skïemtjeståapojde mah Hälsoval Västerbotten dajvesne maahtah 1177.se-sæjrosne gaavnedh. Daate hïejmesæjroe lea sveerjengïelesne.
Healsoejarngh jïh skïemtjeståapoeh Jilliebetnien leenesne
Naemhtie healsoejarngem veeljh
Datne maahtah jïjtjemdh tjaeledh akten healsoejarngese mij Jilliebetnien leenesne jïs 1177.se-sæjroen sïjse loggh. Datne e-legitimasjovnem daarpesjh jis sïjhth sïjse loggedh.
Datne maahtah aaj healsoejarngem veeljedh jis goerem deavhtah jïh dam daan healsoejarngese seedth maam leah veeljeme.
Datne maahtah goerem healsoejarngeste dongkedh jallh dam svaalhtesistie veedtjedh mij bijjelen. Goere orre web-klaasesne rïhpesåvva.
Svaalhtese goerese mejnie maahtah healsoejarngem veeljedh (sveerjengïelesne)
Svaalhtese goerese mejnie maahtah healsoejarngem veeljedh
Datne maahtah healsoejarngem göökth veeljedh fïerhten jaepien.
Ræhpastïjjh
Gaajhkh healsoejarngh leah gaahpode fïerhten arkebiejjien. Datne maahtah dov healsoejarngese ringkedh jallh dejnie gaskesadtedh jis 1177.se-sæjrose sïjse loggh (sveerjengïeleldh sæjroe)
Datne sveerjen persovnenommerem jïh e-legitimasjovnem daarpesjh jis edtjh 1177-sæjrose sïjse loggedh.
Jis jïjjege jallh hïeljen skïemtjijh maahtah 1177:se ringkedh.
Dellie åadtjoeh skïemtjesåjhtterinie soptsestidh. Dïhte maahtah datnem raeriestidh guktie edtjh dåemiedidh. Jis daerpies, dellie skïemtjesåjhttere maahtah jiehtedh gusnie maahtah såjhttoem åadtjodh.
Datne maahtah abpe dygnem 1177:se ringkedh. Jis dov lea telefovnenommere ammes laanteste tjoeverh sijjeste 046 771- 11 77 00:se ringkedh.
Skïemtjesåjhtterh maehtieh datnem dovne sveerjen jïh englaanten gïelesne viehkiehtidh.
Såjhtoem jeatjene healsoejarngesne ohtsedh
Datne maahtah såjhtoem jeatjede healsoejarngeste ohtsedh enn destie healsoejarngeste mesnie leah tjaalasovveme. Vuesiehtimmien gaavhtan jis datne ammes staaresne leah jïh såjhtoem daarpesjh.
Vaarjeldihkie persovne-bïevnesh
Datne gie vaarjeldihkie persovne-bïevnesh åtnah maahtah læjhkan gaajhkine healsoejarngine mïnnedh jis sïjhth.
Datne gie juhteme
Jis leah juhteme datne healsoejarngem åadtjoeh man lea såjhtoe-dïedte dov orre dajvesne. Jis sïjhth jeatjah healsoejarngem utnedh tjoeverh dam jïjtje veeljedh.
Jis joe healsoejarngem veeljeme, datne dam iktesth åtnah, aaj jis leah juhteme.
Slïedte-maanah jïh noerh geah noerebe enn 16 jaepien båeries
Jis maanam åadtjoeh tjoeverh healsoejarngem dov maanese veeljedh. Jis ih healsoejarngem veeljh, dellie maana seamma healsoejarngem åådtje goh tjïdtjie jallh maanan åelie-persovne.
Maahtah healsoejarngem dov maanese veeljedh goske dïhte 16 jaepien illeme.
Guktie lea gåessie healsoejarngesne mïnnh?
Gåessie healsoejarngesne mïnnh tjoeverh maaksoem maeksedh. Dïhte maaksoe lea jïjtjemaaksojne gohtjesovveme.
Seamma maaksoe fïerhtene healsoejarngesne.
Skïemtjefealadimmie
Jis dam healsoejarngem veeljeme mij dov årroehsijjien lïhke, maahtah dåarjoem Region Västerbotten:istie åadtjodh dov fealadimmiej åvteste. Jis jeatjah healsoejarngem veeljeme tjoeverh jïjtjedh maeksedh dov feladimmiej åvteste.
Stööregs såjhtoegaskese jïh stööregs dåakteregaskese
Datne maahtah viehkiem jïh raeriem åadtjodh gåessie såjhtojne gaskesadth. Dïhte gaskese lea stööregs såjhtoegaskesinie gohtjesovveme, en fastvårdkontakt. Dïhte stööregs såjhtoegaskese lea barkije healsoejarngesne mij v.g. maahtah datnem viehkiehtidh jeatjabinie gaskesadtedh mah såjhtoem dutnjien faelieh.
Datne maahtah aaj stööregs dåakterem åadtjodh maam iktesth råakh. Dïhte dåaktere lea stööregs dåakteregaskesinie, fast läkarkontakt, gohtjesovveme.