Healsoejarnge lea dåastove mij gååvnese daamtaj lïhke gusnie datne årroeminie.

Healsoejarngesne dåakterh, skïemtjesåjhterh jïh jeatjah hoksebarkijh. Dah maehtieh viehkine årrodh jis datne jallh naan jeatjebh dov fuelhkesne skïemtjes jallh hujnesne.

Healsoejarnge aarkebiejjieh ræhpas

Healsoejarnge åålegh lea ræhpas biejjiem, måantan raejeste bearjadahken raajan. Naan hoksejarngh aaj ræhpas jeatjah tïjjh.

Daamhtaj tjoerh tïjjem dongkedh åvteli datne båatah.

Daesnie maahtah healsoejarngem ohtsedidh mij dov lïhke. (Sæjroe sveerjengïelesne)

Veeljh healsoejarngem Jilliebetnesne

Datne jïjtje veeljh mij hoksejarnge datne sïjhth bïeljelidh gosse datne hoksem daarpesjh.

Datne maahtah vielie dan bïjre lohkedh sæjrosne Healsoejarngem veeljedh Jilliebetnien leenesne. Maahtah aaj gihtjedh jis seamma dåakterem gaavnesjidh fïerhten aejkien datne healsoejarngesne. Dam gohtje staeriesdåaktere, fast läkarkontakt.

Jis hoksem daarpesjh ohtsedidh gosse hoksejarnge steegkeme maehtieh jourdåastovh gååvnesidh. Dah leah ræhpas iehkedi jïh hïelji.

Daesnie maahtah ohtsedidh jourræhpas dåastovh. (Sæjroe sveerjengïelesne.)

Ringkh 1177 åvteli datne guessine båatah

Jis iehkeden jallh hïeljine skïemtjedh, dellie ringkh telefonnummere 1177 jïh raerieh skïemtjesåjhteristie åadtjoeh.

Dellie datne viehkiem åadtjoeh dov symptovm vierhtiedidh jïh skïemtjesåjhtere maahta jiehtedh gåabph datne edtjh vuelkedh jis akute hoksem daarpesjh.

Ohtsedh hoksem akutedåastovisnie, akutmottagning, jis datne itjmieslaakan laarhkenh jallh joekoen skïemtjes sjïdth. Ræhpas abpe dygnem. Ij daarpesjh tïjjem åvtelhbodti dængkodh.

Akutedåastoevisnie dïhte gie jeenjemes skïemtjede voestes hoksem åådtje. Dellie datne gie ij dan tjarki skïemtjh maahtah tjoeredh viehkiem vuertedh.

Daesnie akutedåastovh gååvnesieh

Akutedåastovh gååvnesieh gaajhkine skïemtjegåetine Jilliebetnesn.

• Akutmottagning Lycksele

• Akutmottagning Skellefteå

• Akutmottagning Umeå.

Datne edtjh telefonnummerem 112 ringkedh jis dan fuehpies jallh jis vaahra dov jallh mubpien hïegken åvteste.

Dïhte guhte vaestede maahta sveerjen jallh englaanten gïelem soptseste, men maahta toelhkeste viehkiem åadtjodh jis daerpies. Ambulanse båata jis datne jallh mubpie gie skïemtjede daarpesje jïh varki akutedåastovasse båetedh.

Gååvnese sjïere dåastovh maanide govhte jaepiej raajan. Dejtie gohtje maanajealsoejarngh, barnhälsocentraler. Maana åådtje dohkoe daamtaj båetedh. Desnie maana vaksinasjovnh åådtje. Maahtah maanahealsoejarngh daesnie ohtsedidh. (Sæjroe sveerjengïelesne.)

Naan sijjine gååvnesieh sjïere skïemtjegåetieh jïh akutedåastovh maanide.

Noeredåastove, ungdomsmottagningen, dutnjien gie gaskem 13 jïh 25 jaepieh. Desnie maahtah vuesiehtimmien gaavhtan viehkiem åadtjodh dejgujmie preventijvetsavtshvierhtieh, nåajsanteeste, tjoeleskïemtjelasside jallh soptsestalleme jïh raeriedimmieh.

Lohkh vielie youmo.se. Daesnie noeredåastovh gaavnh. (Sæjroe sveerjengïelesne.) 

Gååvnese sjïere klinihkh nyjsenæjjide. Dejtie gohtje tsegkietniedåastove, barnmorskemottagning, ietniehealsoejarnge, mödrahälsocentral,

jallh nyjsenehealsoehokse, kvinnohälsovård. Desnie maahtah viehkiem åadtjodh vuesiehtimmien gaavhtan raeriejgujmie, preventijvetsavtshvierhtieh jïh ovmessie skïemtjelassi åvteste teestedidh. Maahtah aaj båetedh goerehtallemasse jis nåajsan.

Gosse baersieldidh åadtjoeh baersieldimmiedåastoevasse, förlossningsavdelning båetedh. Dah leah ræhpas abpe dygnem.

Datne maahtah aaj tsegkietniedåastovh daesnie ohtsedidh. (Sæjroe sveerjengïelesne.)

Muvhtene maahtah hoksem daarpesjidh jeatjah dåastoevisnie åadtjodh. Maahta vuesiehtimmien gaavhtan njaltjadåastove, psykatrijen dåastove jallh tjelmiedåastove årrodh.

Dellie maahtah remissem daarpesjidh åadtjodh. Remissesne bïevnesh dan bïjre jis datne goerehtallemem jallh båehtjierdimmiem daarpesjh. Dïhte gie hoksem vadta hoksejarngesne maahta remissem seedtedh.

Datne maahtah åadtjodh vuertedh åvteli tïjjem åadtjoeh dennie dåastovisnie.

Muvhtine regijovnine maahtah videosopstestimmiem utnedh dåakterinie jallh jeatjah hoksebarkijinie, vuesiehtimmien gaavhtan mobijletelefovnesne.

Baeniehoksem lea daamtaj dovresåbpoe goh jeatjah hokse. Gihtjh man dovres sjædta åvtelen dohkoe båatah. Maanah jïh noerh daamhtaj baeniehoksem namhtah åadtjoeh. 

Lohkh vielie guktie baeniehokse Sveerjesne . (Sæjroe sveerjengïelesne.) 

Daesnie baeniehoksem gaavnh. (Sæjroe sveerjengïelesne.) 

Jïjnjh ovmessie maaksoeh gååvnese jis hoksem Sveerjesne ohtsedh. Vuesiehtimmien gaavhtan dovresåbpoe hoksem ohtsedidh akutedåastoevisnie goh hoksejarngesne.

Aaj ovmessie maaksovh jeerehtse man båeries datne jïh jis datne Sveerjesne årroeh jallh jis datne mubpeste laantijste båata.

Jis lea maana jïh noere ij daarpesjh maeksedh.

Dov lea reakta toelhkem åadtjodh jis ih datne sveerjengielem soptsesth. Toelhkestæjja sjeavohthvoetem åtna. Datne ih maam maeksieh toelhken åvteste. Gaskesadth hoksejarngem åvteli jis datne sïjhth viehkiem dov gïelesne.

Gaajhkh barkijh sjeavodhvoetedïedten nuelesne berkieh. Dïhte sæjhta jiehtedh barkijh eah åadtjoeh dov bïjre soptsestidh hoksen ålkoelisnie. Barkijh healsoesïeltine jïh jeatjah barkijh healsoe- jïh skïemtjehoksesne tjuerieh sjeavohthvoetem utnedh, aaj toelhkh jïh barkijh apotehkine.

Gosse hoksem ohtsedidh tjoerh jiehtedh dov nommem, jïh gie datne leah. Jis dov naan tjaatsegh mah vuesiehtieh gie datne leah, dle hijven jis dejtie meatan vaeltieh.

youmo.se;sne bïevnesh sjeavohthvoeten jïh sekretessen bïjre dunjien gie noere. (Sæjroe sveerjengïelesne.)