PSA- pryöva prostatese
The content concerns Jämtland HärjedalenPSA- pryövam vïrreste vaalta jïh daate vuesehte mejtie maam akt prostatesne jorkesovveme. Gååvnese dagkerh jarkoestimmieh mah leah ov-vaarege jïh dagkerh mah bankaldahkine sjïdtieh. PSA- pryövine dåaktere maahta vuejnedh mejtie daarpesjh jeenjebh giehtjedimmieh jallh båehtjierdimmieh.
Du kan läsa texten på svenska här.
Maam maahta PSA- pryöva vuesiehtidh?
Prostatesne ïebne mij gohtje PSA. Pryöva vuesehte man jeenje PSA vïrresne. Jeenje PSA vïrresne vuesehte naan jarkoestimmieh prostatesne. Muvhth aejkien daerpies jeenjebh giehtjedimmieh darjodh guktie edtjh rïektes båehtjierdimmiem åadtjodh.
Maam maahta PSA- pryöva vuesiehtidh?
Prostatesne ïebne mij gohtje PSA. Pryöva vuesehte man jeenje PSA vïrresne. Jeenje PSA vïrresne vuesehte naan jarkoestimmieh prostatesne. Muvhth aejkien daerpies jeenjebh giehtjedimmieh darjodh guktie edtjh rïektes båehtjierdimmiem åadtjodh.
Mestie båata?
Naa sïejhme naan jarkoestimmieh prostatesne åadtjodh gosse leah bijjelen 50 jaepien båeries. Daamtajommes dle ij leah vaarege. Menh jarkoestimmie maahta ovledh jallh bankaldahke årrodh.
Bankaldahke prostatesne lea dïhte sïejhmemes bankaldahkeskïemtjelasse ålmide. Båarasåbpoe sjædta stuerebe nuepie prostatabankaldahkem åadtjodh.
Naan såarhta prostatabankaldahkh dan sååjmehke sjædta guktie ih maam damth. Jeatjah bankaldahkesåarhtah varkebe sjidtieh. Dle daerpies varki båehtjierdimmiem utnedh. Stuerebe nuepie starnedh jis varkebe bankaldahkide vueptesth.
Datne maahtah voelpem meatan vaeltedh jallh toelhkem utnedh
Gaajh vihkeles datne guarkah maam dah barkijh jiehtieh. Jis ih daarosth dle reaktam åtnah toelhkem åadtjodh. Toelhken sjeavodhdïedte. Jis sïjhth toelhkem utnedh dle tjoerh dåastoevassem åvtelen bieljelidh. Datne maahtah voelpem meatan vaeltedh jallh gïem akt fuelhkeste. Fuelhkie jallh voelph mah toelhkestieh eah sjeavodhdïedtem utnieh.
Naemhtie pryövam vaeltedh
Vïrrepryövam naaloen tjirrh vaaltasåvva. Akte såjhtere vïrrepryövam naalojne gïetesne vaalta. Datne PSA- pryövam håksoejarngesne jallh skïemtjegåetesne vaalta. Dïhte såjhtere virrepryövam naaloen tjirrh gïetesne vaalta. Såemies tuhtjieh baektjede jallh staelhpie, menh varki buarene.
Gåessie vaestiedassem åadtjoem?
Datne vaestiedassem åadtjoeh åvtelen naan gille våhkoeh vaaseme. Datne prieviem åadtjoeh jallh gie dutnjien ringkie. Dïhte prievie seedtesåvva dan dov årromesijjieadressese. Datne tjoerh bååstide båetedh jis mij akt rovnege.
Sïjhth PSA- pryövam vaeltedh?
Datne maahtah håksoejarngem bieljelidh jis sïjhth PSA- pryövam vaeltedh. Datne maahtah barre iktesth 1177 ringkedh jis dov naan gyhtjelassh jallh raerieh daarpesjh. Skïemtjesåjhtere datnem vaestede. Dah maehtieh vaestiedidh mejtie tjoerh dåakterem bieljelidh. Datne maahtah daaroestidh jallh englaanten gïelesne soptsestidh. Åesehts 1177 ringkedh.