Vaeltieh pryövah guktie HPV:m vueptiestidh jïh jarkoestimmieh celline jiemiegietjesne
The content concerns Jämtland HärjedalenDatne åadtjoeh daamtaj pryövah tsuepesne vaeltedh gåessie sjïere aalterem jakseme. Dïhte pryöva vuesehte mejtie HPV:m åådtjeme jallh jarkoestimmieh mah maehtieh bankaldahkine sjïdtedh.
Daate pryöva lea screening. Daejtie pryövide vaaltah læjhkan mejtie friske.
Datne prieviem åadtjoeh fïerhten aejkien byörh dagkerem pryövam vaeltedh guktie bankaldahkh vueptiestidh jïh destie starnedh.
Åadtjoeh jïjtje veeljedh mejtie sïjhth pryövah vaeltedh jïh lea åesehts.
Här kan du läsa texten på svenska.
Mannasinie edtjem pryövah vaeltedh?
Ih datne maam damth mejtie HPV:m åtnah jallh maam cellejarkoestimmieh. Dan gaavhtan lea vihkeles pryövah vaeltedh fïerhten aejkien gohtjesovvh. Dle unnebe nuepie bankaldahkijste båetije biejjide skeamtjodh.
Vaeltieh pryövah læjhkan mejtie HPV- vaksijnem vaalteme.
Vaeltieh pryövam jalhts nåajsan.
Guktie edtjem pryövam vaeltedh?
Tsegkietnie maahta pryövide vaeltedh. Datne maahtah aaj jïjtje pryövam vaeltedh. Gåhtjoemisnie tjåådtje guktie maahtah darjodh.
Gåabpatjahkh vuekieh leah seamma hijven.
Jis tsegkietnie edtja pryövam vaeltedh
Giehtjedimmietjïehtjelisnie dle akte stovle gusnie maahtah juelkide bajjese bïejedh.
Datne åadtjoeh sjïere stovlesne tjahkasjidh jïh juelkide searradidh.
Gåhtjoemisnie tjåådtje man tïjjen edtjh håksoejarngese båetedh.
Jis jitnieaerpiem daan biejjien åtnah, dle tjoerh orreste nååhtedidh. Gåhtjoemisnie tjåådtje guktie darjodh.
Jis sïjhth dle maahtah gïem akt meatan utnedh.
Dïhte tsegkietnie datnine soptseste. Dan mænngan tjoerh måvhkide noeledidh jïh dan giehtjedimmiestovlese tjihkedidh.
Naa sïejhme almetjh daestie skaamasjieh. Dellie maahta hijven årrodh ussjedidh daah såjhterh daejnie berkieh jïh fïerhten biejjien pryövah tsuepeste vaeltieh.
Pryövh lïegkedidh.
Gihtjh jis maam funhterdh.
Dïhte tsegkietnie dïrregem tsuepien sïjse dumhpieh guktie edtja hijven laakan vuejnedh. Gosse dam dorjeme dle tsegkietnie pryövam möövhkes saehpine vaaltah.
Muvhth eah maam demtieh, mearan mubpieh utnieh daate rovnegs domtenasse jallh ånnetje baektjede.
Dan mænngan maahta ånnetje vertedh, menh buerebe sjædta.
Vaalta ajve naan gille minuhth tsegkietnien luvnie.
Jis edtjh pryövam jïjtje vaeltedh
Jis edtjh jïjtje pryövem vaeltedh, dle tjoerh materijaalem utnedh. Daam materijaalem gåhtjoeminie åadtjoeh. Jallh tjoerh materijaalem dangkodh. Dïhte lea åesehts.
Datne vuesiehtimmiem guvviejgujmie åadtjoeh guktie edtjh darjodh. Vuartesjh geesjelelaakan guktie edtjh darjodh jïh seedth bååstide håksose.
Ij edtjh baektjiedidh.
Datne maahtah pryövam vaeltedh læjhkan mejtie jitnieaerpiem åtnah.
Jis leah nåajsan, dle ih edtjh jïjtje vaeltedh. Bieljelh dåastovem guktie akte tsegkietnie pryövam datneste vaalta. Dennie gåhtjomisnie tjåådtje guktie edtjh dåastovem jaksedh.
Jis åtnah gïerve pryövam vedtedh
Vaeltieh pryövam læjhkan mejtie åtnah gïerve. Datne maahtah raerieh jïh viehkiem åadtjodh, vg. jis
naan daej tsiehkieh staaran:
- Åtnah gïerve svihtjedh.
- Jis tsuepie gååreldh jallh jeatjhlaakan tjoehpesovveme.
- Datne åtnah joekoen gïerve pryövam vaeltedh.
Bieljelh dåastoevassem mij lea gåhtjomem seedteme.
Mij deahpede mænngan pryövam vaalteme?
Tjiehpiedæjjah pryövide gïehtjedieh. Gosse gaervies dle prieviem vaestiedassine åadtjoeh. Maahta medtie golme askh vaasedh åvtelen vaestiedassem åadtjoeh.
Mij dïhte vaestiedasse soptseste?
Gallesh mah pryövam vaalteme maehtieh vaestiedassem åadtjodh dah HPV:m åådtjeme. Såemies maehtieh aaj dïjrem åadtjodh dej cellejarkoestimmieh.
Såemies tjuerieh jeenjebem gïehtjedovvedh guktie vuartasjidh mejtie båehtjierdimmiem daarpesjh. Prievesne tjåådtje mij dutnjien bööremes.
Hijven gåarede ånnetji vuertedh jis nemhtie prievesne tjåådtje.