Vedtieh pryövah jallh gïehtjedimmieh

PSA- pryövam vïrreste vaalta jïh daate vuesehte mejtie maam akt prostatesne jorkesovveme. Gååvnese dagkerh jarkoestimmieh mah leah ov-vaarege jïh dagkerh mah bankaldahkine sjïdtieh. PSA- pryövine dåaktere maahta vuejnedh mejtie daarpesjh jeenjebh giehtjedimmieh jallh båehtjierdimmieh.

Datne åadtjoeh daamtaj pryövah tsuepesne vaeltedh gåessie sjïere aalterem jakseme. Dïhte pryöva vuesehte mejtie HPV:m åådtjeme jallh jarkoestimmieh mah maehtieh bankaldahkine sjïdtedh.

Mammograafije lea gïehtjedimmie njammijste. Giehtjedimmine maahta vueptiestidh mejtie bankaldahkem njammine åtnah jallh mejtie dam åadtjoeminie. Mammograafijinie maahta aarehke daam skïemtjelassem vueptiestidh jïh maahtah båehtjierdimmiem åadtjodh. Mammograafije lea åesehts.