Covid-19

Vaksijne covid-19:n vööste gååvnese. Vaksijne datnem vaarjele itjmies skiemtjine sjïdth covid-19:sne.

Jeanatjommesh Covid-19 demtieh goh sïejhme sovhte vuj influensa.

Jeanatjommesh buerebe sjidtieh medtie våhkoen mænngan. Mubpieh guhkiem skïemtjedieh.

Daah leah sïejhme covid-19:n symptomh;

• Gossehtahke
• Vaejlie
• Tjeapohke saejrede
• Sovhtine
• Hopsem jïh maejstemem jeatjahtehtieh
• Åejjiesaejriehtasse
• Åedtjieh saejriedieh
• Tjööjjeste
• Tjåejjieh bååktjedieh
• Skovrehtasse
• Leevles voejngehtidh
• Goevhredh

Muvhth itjmies skïemtjedieh

Muvhth almetjh itjmies skïemtjedieh medtie våhkoen mænngan. Datne maahtah damtedh leevles voejngehtidh jïh dan viesjieh kråahpesne.

Vaahra itjmies skiemtjine covid-19:ste sjædta stuerebe dutnjien gie båarasåbpoe 70 jaepieh.

Naan skïemtjelassijste maehtieh aaj vaarege jeananidh itjmies skïemtjedidh.

Dïhte vihkeles datne gåetesne jis skïemtjedh. Datne daarpesjh aaj covid-19:n pryövenassem vedtedh. Pryövenasse seamma goh teste.

Jeenjemes almetjh gïeh covid-19:m åadtjoeh eah daarpesjh hoksem ohtsedh dah buerebe sjidtieh.

Ringkh telefonnummerem 1177 jis datne sïjhth viehkiem, maam edtjh darjodh. Dah gïeh vaestiedieh leah skïemtjesåjhterh. Dah maehtieh aaj datnem viehkiehtidh gusnie edtjh hoksem ohtsedh jis daarpesje.

Skïemtjesåjhterh sveerjengïelem jïh englaanten gïelem soptsestieh. Såemies aejkien aaj jeatjah gïeline viehkiem åadtjodh.

Ringkh 046 771-11 77 00 jis datne ringkh telefovneste man ålkoelaanten nummere.

Jis hïehke

Bïeljelh dallegh hoksejarngem jallh joureræhpas dåastovem jis datne aktem jallh vielie vaejvieh åtnah:

• datne skïemtjesh
• datne leevles voejngehth aaj gosse veeledh

Ohtsh hoksem hïehkedåastoehtimmesne jis ij gåaredh hoksejarngem vuj joureræhpas dåastovem gaskesadtedh.

Covid-19 daamhtaj laaneste gosse almetje gie skïemtjelassen åtna gesjnije vuj gåssa. Dellie ohtje trahpenassh vijrusinie sjugniedieh. Datne maahtah laanestamme sjïdtedh jis datne åadtjoeh dejtie trahpenassh.

Datne gie covid-19:m åtnah maahtah mubpieh almetjh laanestidh jællan ih jïjtje damth datne skïemtjes.

Guktie maahtam heerredh laanestimmiem åadtjodh?

Vaksineerh datnem! Dåeredh åejvieladtji raerieh aaj jis datne leah vaksineereme.

Dïhte dan vihkeles aellieh skïemtjedh covid-19:sne gosse nåajsan. Raereste datnem vaksineerh.

Maana maahta fer aareh reakasovvedh jis skïemtjedh mubpie bielesne graviditeetesne.

Maahta dan vaejvie årrodh skïemtjedidh gosse nåajsan.

Datne maahtah kejsarvuekine baersieldidh jis covid-19:n skïemtjedh.

Soptsestellieh dov tsegkietnine jallh dåaktarinie. Dah maehtieh dutnjien raerieh vedtedh.  

Datne maahtah dov maanam njammehtidh jis covid-19:m åtnah. Datne maahtah raerieh jïh viehkiem bvc:sne åadtjodh.

Jeenjemesh almetjh eah daarpesjh båehtjierdimmiem covid-19:n vööste. Gååvnesieh darjomh mejstie buarenh.

Muvhth almetjh hoksem skïemtjegåetesne daarpesjieh. Datne gie skïemtjegåatan båatah maahtah vuesiehtimmien gaavhtan syrgaasem åadtjodh guktie buerebe voejngehtidh.

Muvhth almetjh dan soe skïemtjes sjidtieh dah tjuerieh respiratovresne hoksedh. Dellie dah åerieh. Daam gohtje intensijvehoksem.