Don leat ožžon bovdehusa mammografiijai

Ruoŧas bovdejuvvojit buot nissonolbmot dihto agiin dássedit røntget rattiid. Radderøntgen gohčoduvvo mammografiijan. Dutkan gohčoduvvo screening. Screeninge dárkkuhus lea áicat jus leat muhtin rievdamat mat soitet čujuhit raddeborašdávdii. Dus soaitá leahkit raddeborašdávda vaikko it dovdda maidege. Liiba beassat eret raddeborašdávddas lassána jus dávda áicojuvvo árrat. Screening mammografijain sáhttá measta álo áicat árra raddeborašdávdda ja juobe raddeborašdávdda álgima.

Oassi árra borašdávdarievdamat eai goassege ovdán váralaš raddeborašdávdan, muhto dan ii sáhte diehtit ovdagihtii. Danne buot árra borašdávdarievdamat meannoduvvojit dego dat livččii váralaččat. Muhtin háve soaitá screening dagahit ihcalis raddeborašdávdda dikšuma.

Mammografiijadutkan manná johtilit. Don it dárbbat ráhkkanit dasa. Erenomáš skuvlejuvvon buohccedivššárat váldet du háldui galledeami áigge ja dahket dutkama.

Bovdehusas man leat ožžon ruoŧagillii muitaluvvo gosa galggat mannat ja mii áiggiid lea várrejuvvon dutnje. Jus it sáhte dalle, sáhttá oažžut ođđa áiggi. Screening lea eaktodáhtolaš. Galledeapmái dárbbahat mielde legitimašuvnna. Sáhtát maid váldit soapmása guoibmin.

Loga eanet mot mammografiija dahkko.