Čohkkehuvvon dieđut covid-19 birra

Boahkuheapmi covid-19 vuostá

Vaccination mot covid-19 - nordsamiska

Covid-19 lea njoammudávda. Boahkuheapmi lea beaktileamos vuohki garvit duođalaš skihpama dahje jápmima dávddas.

Person som får vaccin i armen. Fotografi.
Don oaččut boahkuheami gihtii.

Du regiovnnas lea ovddasvástádus boahkuheamis. Vállje regiovnna bajimusas siiddus oažžut dieđuid mii guoská du guvlui. 

Don it dárbbaš ieš máksit covid-19 boahkuheami.

Don ieš mearridat jus galggat váldit boahkuheami.

Diehtu dán teavsttas lea sihke mánáide ja rávesolbmuide.

Du kan läsa texten på svenska här.

Got dagan oaččun dihte váksiinna?

Váksiidna dárjojuvvo buohkaide geat leat deavdán 12. Muhtin mánát viđa jagi rájes sáhttet maid oaččut váksiinna covid-19 vuosttá.

Maiddai dutnje gii leat dorvoohcci vai leat Ruoŧas lobi haga lea váksiidna nuvttá. Guoská maid dutnje gii studeret vai barggat Ruoŧas ja it lea Ruoŧa borgár.

Don ávžžuhuvvot váldit boahkuheami váikko dus lea leamaš covid-19.

Ná boahkuheapmi čađahuvvo

Don oaččut boahkuheami gihtii. Don gii leat 18 jagi dahje boarráset oaččut golbma dahje njeallje boahku. Don gii leat nuorat go 18 jagi oaččut guokte boahku. Don oaččut boahkuhemiid sierra áiggiin.

Váldde buot boahkuid mat fállojuvvojit. Dalle oaččut bures suddjejuvvon covid-19 vuostá.

Don oaččut bissánit 15 minuvtta go leat ožžon čuggestaga. Dat lea vai mii oaidnit ahte don veaját bures.

Du doavttir mearrida jus dárbbašat dan.  

Don it oaččo ieš válljet boahkuhansoartta.

Jeara divššáriin jus leat gažaldagat iežat boahkuh birra.

Sáhtán go boahkuheami váldit jus lean skibas?

Don it galgga váldit boahkuheami jus dus lea feber dahje orut buozas. Vuordde dassážii leat dearvašeabbo.

Got veaján maŋŋil?

Don sáhtát oažžut bákčasa gieđas, oaivebákčasa ja váibat vuosttaš jándora boahkuheami maŋŋil. Don sáhtát maid galbmot, oažžut febera dahje bákčasa lađđasiin ja dehkiin. Dat gohččoduvvojit oalgeváikkuhussan ja leat dábálaš mánáin ja rávesolbmuin geat leat boahkohuvvon.

Láveljit leat litná oalgeváikkuhusat mat jávket moatti beaivvis. 

Eahpedábálaš oalgeváikkuhusat boahkuheamis

Máŋga miljuvnna olbmo leat boahkuhuvvon covid-19 vuostá. Muhtin hárve olbmot leat ožžon duođalaš oalgeváikkuhusaid maŋŋil boahkuheami. Lea oalle eahpedábálaš. Lea ollu stuorit várra duođalaččat skihppát covid-19:s.

Dieđihit boahkuheami oalgeváikkuhusaid

Dikšobargit dieđihit eiseváldái Dálkkasdoaimmahahkii jus jáhkket ahte boahkuheapmi lea addán oalgeváikkuhusaid. Siidu lea ruoŧagillii.

Dikšobargit dieđihit maid jus vávje ahte boahkuheapmi lea addán oalgeváikkuhusaid.

Dieđut vávjon oalgeváikkuhusain čohkkehuvvo. Jus lea oktavuohta boahkuiguin guorahallo maŋŋil.

Áhpeheapmi ja boahkuheapmi

Don guhte leat áhpeheapme sáhtát skihppát oalle sakka covid-19:s. Suddjen dihte du ja máná boahkuheapmi ávžžuhuvvo. 

Ollu áhpeheamit leat ožžon boahkuheami covid-19 vuostá miehtá máilmmi. Ii leat váralaš mánnái čoavjjis.

Ságas du sealgeetniin dahje doaktáriin.

Loga eambbo áhpehisvuođa ja Covid-19 birra.

Mánát ja boahkuheapmi

Mánát sáhttet buohccát bahuid covid-19 dávddain, vaikko leage eahpedábálaš. Mánáide geat leat 12 jagi ja boarráseappot fállojuvvo danne boahku.

Muhtun mánát 5 jagis bajás sáhttet maiddái oažžut boahku covid-19 vuostá. Dát guoská jus mánás lea duođalaš dávda. Sáhttá ovdamearkka dihte leat bahás geahpesdávda. Ságas doaktáriin gii dálkkoda máná geasa guoská.

Olbmot vuollel 18 jagi sáhttet dárbbašit váhnemiid dohkkeheami oaččun dihte váksiinna. Váldde danin oktavuođa boahkuhanbáikkiin, jus dus ii leat váhnemiid dohkkeheapmi.

Don guhte ovdal leat ožžon allergiijalaš reakšuvnna

Ságas doaktáriin jus don ovdal leat ožžon garra allergiijalaš reakšuvnna masa dárbbahedjet divššu seammá beaivvi. Sáhttá leat boahkuheamis, dálkasis dahje juoidán mat ledjet borran.

Váksiinnat leat dárkilit dárkkistuvvon

Boahkut covid-19 vuostá leat dárkkistuvvon seammá dárkilis vuogi mielde go iežá boahkut. Miljovnnaid rávesolbmot ja mánát leat boahkohuvvon ja dutkit leat iskkan váikkuhusaid. Váksiinna jotket dutkat.

Siiddus Ná boahkut doibmet sáhtát lohkat ja geahččat filmmaid boahkuid birra. Siidu lea ruoŧagillii.

Don sáhtát oažžut-19 dávdda vaikko leatge boahkuhuvvon. Muhto eatnasat geat leat boahkuhuvon eai buoza bahuid.

To the top of the page