Vaksineren covid-19 vuostá

Álbmotdearvvašvuođaeiseváldi lea ávžžuhan makkár ortnega mielde olbmot fállojuvvojit vaksinerema. Álggus boahkohuvvojit ovdamearkka dihte olbmot geat orrut sierra orohagain, persovnnat geat leat badjel 65 jagi ja olbmot geat barget divššus.

Visot olbmot geat leat 18 jagi ja boarrásit bohtet fállojuvvot vaksinerema.

Don ávžžuhuvvot váldit váksiinna váikko dus lea leamaš covid-19.

Mii eat ávžžut mánáid ja nuoraid geat leat 17 jagi dahje nuorabut vaksiinna váldit. Don guhte leat áhpeheapme it ávžžuhuvvo vaksinerema váldit.

Ságas doaktáriin jus jurddašat got don dahje du mánná galgá dahkat.

Ságas doaktáriin jus don ovdal leat ožžon allergiijalaš reakšuvnna masa dárbbahedje divššu seammá beaivvi, vaksineremis, dálkasis dahje juoidá mat ledjet borran.

Don oaččut boahkuheami gihtii. Don dárbbahat guokte boahkuheami. Don oaččut daid guokte sierra áiggiin.

Dus lea muhtin suodji vuosttaš boahkuheami maŋŋil. Dus lea buorre suodji covid-19 vuostá ovtta gitta guokte vahku maŋŋil nuppi boahkuheami.

Dus lea riekti oažžut dieđuid dikšobargiin go válddát boahku. Jeara jus leat juoidá man birra jurddašat. 

Don it galgga váldit buohkuheami jus dus lea feber dahje covid-19 symtomat.

Don sáhtát oažžut bákčasat gieđas, oaivebákčasa ja váibat vuosttaš jándora boahkuheami maŋŋil. Don sáhtát maid galbmot, oažžut febera dahje bákčasa lađđasiin ja dehkiin. 

Lávejit leahkit álkes váttut ja jávket moatti beaivvis.

Dikšobargit dieđihit eiseváldái Dálkkasdoaimmahahkii jus lea várohus ahte boahkuheapmi lea addán liigeváikkuhusaid. (ruoŧagillii)

Don sáhtát maid ieš dieđihit jus dus lea várohus ahte boahkuheapmi lea addán liigeváikkuhusaid. (ruoŧagillii)

Boahkuheapmi covid-19 vuostá lea dárkkistuvvon seammá dárkilis vuogi mielde go iežá boahkut. Ollu olbmot leat ožžon boahkuheami ja dutkit leat dutkan váikkuhusaid.

Dutkit máŋggaid riikkain leat ovttasbargan ovddidit boahkuid. Máŋga riika ja fitnodagat miehtá máilmmi leat bidjan ollu ruđa dása. Danin lea mannan jođánit ovddidit boahkuid.

Siiddus Ná boahkuheapmi doaibma sáhtát lohkat ja oaidnit filmma boahkuheami birra (ruoŧagillii).

Don galggat čuovvut eiseválddiid rávvagiid váikko leat ožžon boahkuheami.

Váldá ovtta gitta guokte vahku ovdal go nubbi boahkku vaksineremiin addá buori suoji. Leat unna várra oažžut dávdda váikko leat boahkuheami váldán. 

Lea maid unna várra juohkit virusa váikko don it leat skibas, ovdamearkka dihte jus don leat ožžon dan du gieđaide.

Ii leat dovddus man guhká boahkuheapmi suddje.