Psykisk hälsa - nordsamiska

Jus jáhkát ahte muhtun du lagas olbmuin leat jurdagat dahje plánat váldit iežas heakka, de lea dehálaš ahte dakkaviđe dahká juoidá. Duosta jearrat mo olmmoš dovdá ja váldde áiggi guldalit. Iešsorbmema birra ságastallan ii leat váralaš ja ii lasit riskka ahte olmmoš váldá iežas heakka. Duohtavuođas dákkár ságastallan sáhttá eastadit iešsorbmema. Sáhtát maid veahkehit olbmo ohcat eanet doarjaga eará sajis.

Jus dus leat iešsorbmenjurdagat, de it galgga daid doallat iežat siste, muhto dalle fertet ohcat veahki. Ságas soapmásiin geasa luohtát, váldde oktavuođa doarjjatelefovnnain dahje oza veahki dearvvašvuođadivššus. Lea dábálaš jurddašit iešsorbmema vuohkin beassat eret, muhto eatnašat eai doaimma jurdagiid mielde. Iešsorbmenjurdagiid galgá álo váldit duođas, beroškeahttá das mii daid dagaha. Dávjjimusat it duođaid hálit jápmit, muhto dárbbašat veahki birget eallimis.