Dearvvašvuođaguovddáža válljen Västerbottenis
Välja hälsocentral i Västerbotten - nordsamiskaDearvvašvuođaguovddáš lea vuostáváldinbáiki mii dávjá lea lahka doppe gos orut. Sáhtát válljet guhtemuš dearvvašvuođaguovddážiin háliidat váldit oktavuođa go dárbbašat divššu.
Dearvvašvuođaguovddážis, hälsocentral, leat doaktárat, buohccidivššárat ja eará dearvvašvuođabargit. Sii sáhttet veahkehit jus don dahje olmmoš du bearrašis lea buohcci dahje šlundivuođas.
Sáhtát válljet guđe dearvvašvuođaguovddážii háliidat ja dieđihit iežat dohko.
Dearvvašvuođaguovddáža válljen gohčoduvvo maiddái dearvvašvuođaválljen.
Makkár dearvvašvuođaguovddážiid gaskkas sáhtán válljet?
Oktavuođadieđut dearvvašvuođaguovddážiidda ja buhcciidruovttuide Hälsoval Västerbottena siskkobealde gávdnojit čujuhusas 1177.se. Siidu lea ruoŧagillii.
Ná válljet dearvvašvuođaguovddáža
Don čálihat iežat dearvvašvuođaguovddážii Västerbottenis go logget sisa 1177.se. Dan dahkamii dárbbašat e-ID.
Sáhtát maid válljet dearvvašvuođaguovddáža go deavddát skovi ja sáddet dan iežat válljen dearvvašvuođaguovddážii.
Sáhtát diŋgot skovi dearvvašvuođaguovddážis dahje sáhtát viežžat dan go deaddilat liŋkka vuolábealde. Skovvi rahppo ođđa gaskabláđis.
Čujuhus skoviide dearvvašvuođaguovddáža válljemii (Ruoŧagillii)
Liŋka skoviide dearvvašvuođaguovddáža válljemii
Sáhtát rievdadit dearvvašvuođaguovddáža guktii jagis.
Rahpanáiggit
Buot dearvvasvuođaguovddážat leat rabas beaivet árgabeivviid. Sáhtát riŋget iežat dearvvašvuođaguovddážii dahje váldit oktavuođa singuin go logget sisa 1177.se. (ruoŧagielat siidu)
Go galggat logget sisa 1177:ii, de dárbbašat Ruoŧa persovdnanummira ja e-ID.
Jus buohccát eahkeda dahje vahkkoloahpa áigge, de sáhtát riŋget telefovdnanummirii 1177.
Doppe beasat hupmat buohccidivššáriin. Dalle oaččut rávvagiid mo galggat dikšut iežat dili. Jus lea dárbu, de sáhttá buohccedivššár muitalit gos galggat ohcat divššu.
Sáhtát riŋget telefovdnanummirii 1177 birra diimmu. Jus dus lea olgoriikkanummir, de galggat baicce riŋget +46 771-11 77 00.
Buohccidivššárat sáhttet veahkehit du ruoŧagillii dahje eaŋgalasgillii.
Ohcat divššu eará dearvvašvuođaguovddážis
Sáhtát ohcat dikšuma eará dearvvašvuođaguovddážis go masa leat registreren. Dát sáhttá leat ovdamearkka dihte jus leat eará sajis ja dárbbašat divššu.
Suodjaluvvon persovdnadieđut
Don, geas leat suodjaluvvon persovdnadieđut, sáhtát fitnat man beare dearvvašvuođaguovddážis háliidat.
Don gii leat fárren
Jus fárret, de biddjojuvvot dan dearvvašvuođaguovddážii mas lea ovddasvástádus fuolahusas dan guovllus. Jus háliidat eará, de fertet ieš válljet dan.
Jus leat ovdal válljen dearvvašvuođaguovddáža, de dus lea dat ain, vaikko leatge fárren.
Njuoratmánát ja mánát vuollel 16 jagi
Jus dus lea mánná, de válljet dearvvašvuođaguovddáža iežat mánnái. Jos it vállje dearvvasvuođaguovddáža, mánná oažžu seamma dearvvasvuođaguovddáža go su eadni dahje máná ovddasvástideaddji.
Sáhtát rievdadit dearvvašvuođaguovddáža mánnái dassážii go mánná deavdá 16 jagi.
Mii guoská galledeami áigge?
Go galledat dearvvašvuođaguovddáža, de mávssát galledeami ovddas. Dát gohčoduvvo divššuhasmáksun.
Dat lea seamma máksu buot dearvvašvuođaguovddážiin.
Buohccemátkkošteamit
Jus leat válljen dan dearvvašvuođaguovddáža mii lea lagamusas ruovttus, de sáhtát oažžut doarjaga Regiovnna Västerbottenis mátkái. Jus leat válljen eará dearvvašvuođaguovddáža, de fertet ieš máksit mátkki.
Fásta dikšunoktavuohta ja fásta doavtteroktavuohta
Sáhtát oažžut veahki ja doarjaga go leat oktavuođas dearvvašvuohtafuolahusain. Dát gohčoduvvo bistevaš fuolahusoktavuohtan. Lea dearvvasvuođaguovddáža olmmoš gii sáhttá ovdamearkka dihte veahkehit du doalahit oktavuođa eará doaimmaiguin, mat fállet dutnje divššu.
Sáhtát maid oažžut doaktára geainna álo oaidnalat. Dát gohčoduvvo fásta doavtteroktavuohtan.