Veahkkeneavvut ja servodatdoarjja doaibmahehttehusas
Hjälpmedel och samhällsstöd vid funktionshinder - nordsamiskaThe content concerns VästerbottenEanandikkis lea ovddasvástádus ahte olbmot doaibmahehttehusain ožžot dan habiliterema dahje rehabiliterema maid dárbbahit, vai nu guhkás go vejolaš, ieš birgejit árgabeaivvis ja vuoigatvuođain ja geatnegasvuođint servodatássin. Eanandiggi bearráigeahččá ovddimusat dearvvašvuođa- ja buohccedivššus visot dikšundásiin.
Dearvvašvuođa- buohccedivššu habiliteremii ja rehabiliteremii gullá maid vejolašvuohta geahččalit ja oažžut veahkkeneavvuid mat geahpidit árgabeaivvi ja lasihit vejolašvuođa iešráđálaš eallimii.
Gielda vástida skuvllas/ oahpahusas, orohatheiveheamis, boarrásiid- ja doaibmahehttehusfuolahusas gitta doaktárdássái erenoamáš orohathámiin. Dáhkádusgássa bearráigeahččá sosiáladáhkádusa ovddasvástádusguovllu, ovdamearkka dihte penšuvnnaid ja buohcceruđa.
Individuála habiliterenplána ja ovttastahttinplána
Muhtimin eiseválddit fertejit ovttasbargat vai dat bijut maid plánejuvvo ja čađahuvvo galget doaibmat bures ovttas. Sáhttá leat sáhka ovttasbarggus dearvvašvuođa- ja buohccedivššu habiliterema ja gieldda sosiálabálvalusa dahje skuvlla, dáhkádusgássa dahje bargogaskkusteami gaskkal.
Jus máŋga eiseváldi leat mielde lea vuoigatvuohta oažžut ovttastahttinplána ja ovttastahttibargi guhte veahkeha ovttastahttit visot doaimmaid mat leat mielde. Plána galgá ovdanbuktot ovttasbargguin dainna olbmuin geasa dat guoská dahje oamiolbmuin jus olmmoš ieš ii sáhte oassálastit.
LSS – vuoigatvuođaláhka
Láhka doarjaga ja bálvalusa birra muhtin doaibmahehttehuvvon olbmuide, LSS, lea vuoigatvuođaláhka. Mearrádusat vuoigatvuođalágaid jelgii sáhttet váidaluvvot ja geahččaluvvot duopmostuolus.
Buohccedikšunovdaolbmoš lea váldoovddasvástádus dearvvašvuođa- ja buohccedivššus, habiliteremis ja veahkkeneavvuin. Ieš dahje ovddasteaddji ferte ohcat bijuid LSS:a jelgii. Dáid áigumuš lea geahpidit oktasažžii eallit buori ja iešráđálaš eallima iežas doaibmahehttehusain.
Eanandikki lávdegottis doaibmahehttehusaide ja habiliteremiidda lea ovddasvástádus válbmet ja mearridit erenoamáš doarjaga LSS jelgii. Jus leat juolluduvvon bijut LSS jelgii sáhttá gáibidit ahte individuála plána ásahuvvo.
Gosa manná?
Eanas gielddain ja eanandikkiin gávdnojit erenoamáš LSS-gieđahallit. LSS-áššiid Västerbottena leana eanandikkis. 090-785 71 31.