Čohkkehuvvon dieđut covid-19 birra

Guođe covid-19 iskosa

Lämna prov för covid-19 - nordsamiska

Eatnasat eai dárbbat váldit iskosa jus ožžot dávdamearkkaid mat sáhttet leat covid-19. Muhto muhtimat dárbbahit dahkat dan. Dát guoská jus don barggat divššus dahje boarrásiidfuolahusas, orut boarrásiidruovttus dahje oaččut ruovttubálvalusaid.

Vállje regiovnna siiddu bajimusas oažžut dieđuid mii guoská dohko gos don leat.

Läs texten på svenska

Loga eambbo dávdda birra teavsttas covid-19.

Goas galgá guođđit iskosa?

Don soaittát dárbbašit váldit iskosa jus dus leat dávdamearkat mat sáhttet leahkit covid-19 dihte. Dát guoská maiddai jus don leat boahkohuvvon.

Don dárbbahat guođđit iskosa jus oktage dain lea  dain doallá deaivása:

  • Don barggat dearvvašvuođadivššus, buhcciidivššus dahje boarrásiidfuolahusas.
  • Don ásat boarrásiidruovttus dahje oaččut ruovttubálvalusaid.
  • Doavttir dahje buohccidivššár sihtá du váldit iskosa.

Don sáhtát fas oažžut covid-19. Muhto it dárbbaš dábálaččat váldit iskosa jus dus lea leamaš covid-19 muhtumin dan maŋemus golmma mánus.

Váldit iskosa

Dábáleamos iskkus gohčoduvvo PCR-iskkusin.

Isosa sáhttá muhtin gii bargá divššus váldit. Muhtumin sáhtát ieš váldit iskosa. Dalle oaččut don eanet dieđuid got galggat dahkat.

Biso ruovttus dassážii go leat ožžon vástádusa

Lea deaŧalaš ahte bisut ruovttus dassážii go leat ožžon iskosa vástádusa.

Vuostegenaiskkus - jođánisiskkus

Gávdnojit eará iskosat ovdamearkka dihte vuostegenaiskkus. Dat gohčoduvvojit maiddái jođániskkusin ja daid sáhttá oastit apotehkas.

Don it dárbbaš oastit vuostegenaiskosa jus it hálit.

Ná iskkus dahkku

Iskkus váldo sierra soppiin njunis dahje čoddagis, dahje sihke njunis ja čoddagis.

Sáhttá dovdot imaš muhto ii bávččat.

Man guhká galggan bissut ruovttus?

Biso ruovttus jus orut buozas. Dát guoská vaikko leatge ožžon vástádusa ahte dus ii leat covid-19. Biso ruovttus dassážii go leat dearvašeabbo.

Dus geas lea covid-19

Jus PCR-iskkus čájeha ahte dus lea covid-19 de galggat bissut ruovttus gitta ii šat njoamu.

Don it šat njoamu got visot dát doallá deaivasa:

  • Don veaját ollu buorebut.
  • Don leat leamaš febera haga guokte jándora.
  • Lea vássan unnimus gieža beaivvi dan rájis go skihppájedje.

Don it dárbbaš guođđit ođđa iskosa váldit sealvái jus ain njoammudat.

Loga eanet teavsttas Rávvagat dutnje geas lea covid-19?

To the top of the page