Dulka galgá jorgalit dan maid dikšubargoveahka dadjá nu ahte don ipmirdat informašuvnna ja sáhtát váikkuhit du dikšumii(länk till patientlagen). Dus lea riekti gielladulkii go dus lea čoahkkin soapmásiin dearvvašvuođa-dehe buohccedivššus dehe bátnedivššus.

Čoahkkin dulkkain sáhttá dáhpáhuvvat máŋgga ládje:

• Dulka sáhttá leahkit mielde čoahkkimis dikšubargoveagain.
• Dulka sáhttá oassálastit čoahkkimis skájantelefovnna bakte.
• Muhtumin dulkkas lea vejolaš jorgalit nu gohčoduvvon videodulkoma bakte. Dus lea oktavuohta, dikšubargoveagain ja dulkkain kamera ja dihtora bakte.
• Jus dii lehtet máŋggas geat sárdnubehtet seamma giela ja galgabehtet oažžut seamma dieđu seamma áigge sáhttibehtet oažžut joavkodulkoma. Dulka jorgala dalle informašuvnna olles jovkui. Dat sáhttá ovdamearkka dihte leahkit go máŋga váhnema deaivvadit mánnádikšunguovddážis.

Jeara dikšubargoveagas makkár dulkoma don sáhtát oažžut.

Muital dikšubargovehkii ahte dárbbahat dulkka go várret iežat galledeami dehe buori áiggil. Muital maid man gielas lea jearaldat. Dávjjimus dikšubargoveahka várre dulkka.

Jus it sáhte boahtit iežat dikšungalledeapmái dulkka ferte gieldit. Muhtin eanadikkiin don fertet máksit dulkkagolu jus it gieldde dan. Mot gieldin dáhpáhuvvá lea sierralágan guđege eanadikkis. Jeara dikšubargoveagas gii várre dulkka mii lea vuoimmis.

Dulkkat jorgalit eanas dáhpáhusain beare dan mii dadjo, eai čállojuvvon deavstta. Dáppe 1177.se lea informašuvdna máŋgga gillii, earet eará mánnádávddain ja mot dikšun doaibmá.