یاساکان و مافه‌کان

قەربووی گەشتی نەخۆش

Sjukresor - sydkurdiskaThe content concerns Västerbotten

گەشتی نەخۆشی بریتتیە لە سەفەری نێوان ماڵەکەت و بنکەی تەندروستیی. بۆ نموونە رەنگە سەردانی پزیشک، دکتۆری ددان، راوێژکار یان فیزیۆتێراپێت (دەرمانکاری جەستەیی) بێت. دەتوانیت گەشتەکە لەڕێگەی پاس، ترێن (شەمەندەفەڕ) یان ئۆتۆمبیلەوە ئەنجام بدەیت. لە ئەستۆی خۆتە کە چۆن خۆت بگەێنیتە شوێنی سەردانەکەت و چۆن لەوێەوە بێیتەوە بۆ ماڵ. ئەگەر بە هۆی رەوشی تەندروستییەوە نەتوانیت بە هاتووچۆی گشتی یان بە ئۆتۆمبیلی خۆت سەفەر بکەیت، بۆت هەیە بە تەکسی گەشتی نەخۆشی بکەیت. بۆ ئەمە پێویستیت بە بەڵگەنامەیەک لە لایەن دابینکاری چاوەدێریی تەندروستییەوە هەیە.

"تێچوویی تاکەکەسی" و یارمەتیی ئابووری

دوای ئەوەی کە خۆت پارەی گەشتەکەت دا، لە  پاشانەوە بۆت هەیە  قەرەبووی پارەی تێچووی سەفەرەکەت وەربگریت. هەندێک سەفەر دەبێ خۆت بڕە پارەیەکی یان هەمووی بدەیت کە پێێ دەوترتێت "تێچوویی تاکەکەسی".

  • سەفەرگەلێک کە بە هاتووچۆی گشتی (پاس و ترێنی کلاسی 2) لەنێو پارێزگەدا ئەنجام دەدەرێن هیچ تێچوویەکی تاکەکەسی نییە. ئەگەر نرخی بلیتی یەک سەر زیاتر لە 70 کرۆن بێت قەربوونی تەواو بڕەپارەکە دەکرێتەوە. بۆ ئەو گەشتانەی کە بە پاس و ترێن دەکرێن و نرخەکەی کەمتر بێت لە 70 کرۆن هیچ قەرەبوویەک وەرنارگیتەوە.
  • ئەگەر هاتوو بە تەکسی یان ئۆتۆمبیلی خۆت سەفەرت بۆ پارێزگایەکی دیکەت کردبێت قەرەبووی ئەو بڕەپارەی تێچووی تاکەکەسی سەفەرکەت دەکرێتتەوە کە لە 200 کرۆن تێپەڕێت.
  • ئەگەر ئۆتۆمبیلی تاکەکەسی خۆت بەکار بهێنیت قەرەبووی 15 کرۆن بۆ هەر میلێک (دە کیلۆمەتر) دەکرێیتەوە پاش ئەوەی کە بڕەپارەی 200 کرۆن لە تێچووی تاکەکەسیەکە لێدەرکرێت.

قەرەبووی تێچووی پارکینگ یان خەرجی زیادەی دیکە ناکرێیتەوە. کەسێک کە زۆر جار بۆ بنکەی تەندروستی سەفەر دەکات پارێزەی بەرزترین بڕپارەی  تێچوو دەیگرێتەوە.

پارێزەی بەرزترین بڕپارەی تێچوو بۆ گەشتی نەخۆش

پارێزەی بەرزترین بڕپارەی  تێچوو  واتەی ئەوە دەدات کە تۆ لە ماوەی 12 مانگدا ئەوپەڕی 2400 کرۆن وەکوو تێچووی تاکەکەسی بۆ گەشتی نەخۆش دەدەیت. ماوەی 12 مانگەکە لەو کاتەوە دەستپێدەکات کە یەکەمین گەشتت کردبێت.

بەم شێوەیە داوای یارمەتی ئابووری دەکەیت

کاتێک کە لەکاتی سەردانی خزمەتگوزاریی تەندروستییەکەتدا خۆت لە پرسگەکەدا ناونووس دەکەیت دەتوانیت داوای فۆرمێک بە ناوی "داوای یارمەتی ئابووری گەشت/بەڵگەنامی چاوەدێریی پزیشکیی" بکەیت.

فۆرمەکە پڕ بکەوە و پۆستی بکە بۆ "Reseservice" (خزمەتگوزاریی گەشت. ئەو یەکەیە کە لە پارێزگای "ڤێستێربۆتن" مامەڵە و  کار لەسەر گەشتی نەخۆش دەکات)

Reseservice
932 86 Skellefteå

لەبێرت نەچێت کە پسووڵەی پارەدانەکانیش لەگەڵدا بنێریت.

ئەگەر تەمەنت سەرووی 19 ساڵ بێت و پێویستیت بە هاوڕێ بێت کارمەندانی تەندروستی دەبێت ئەمە لەنێو فۆرمەکەدا پڕ بکەنەوە و واژۆی بکەن. دەتوانیت فۆرمەکە لەگەڵ پسووڵەی پارەدانەکاندا و واژۆی کارمەندانی تەندروستیدا بخەیتە نێو سندوقێکی سووری تایبەت لە نەخۆشخانەدا.

گەشت بە تەکسی یان ئۆتۆمبیلی تایبەت

ئەگەر کارمەندانی تەندروستی هەڵسەنگاندنی ئەوە  بکەن کە بەهۆی رەوشی پزیشکیتەوە بۆ سەردانی چاوەدێری پزیشکیەکەتەوە پێویستیت بە تەکسی یان ئۆتۆمبلی تایبەت هەیە، دەتوانیت گەشتەکەت لای Reseservice رێزەرڤ بکەیت.  دوو رۆژ پێشەوە گەشتەکەت رێزەرڤ بکە.

بۆ تێبینی، کارمەندانی تەندروستی چاوەڕێ دەکەن کە بزانن داخۆ پاش سەردانەکەت هیچ هۆیەکی پزیشکیی هەیە بۆ ئەوەی بڕیار بدەن کە بۆ گەشتەکەی ماڵەوەت پێویستت بە تەکسی یان ئۆتۆمبیلی تایبەتی هەیە. لە بارودۆخی وەهادا کارمەندانی تەندروستی خۆیان گەشتەکە رێزەرڤ دەکەن.

ئەگەر لە پڕێکدا نەخۆش بکەویت و  بە خێرایی پێویستیت بە چاوەدێری تەندروستی هەبێت دەتوانی بە شەو و رۆژ پەیوەندی بکەیت بە Reseservice بۆ رێزەرڤکردنی گەشت.

هاوڕێ

ئەگەر پێویستیت بە هاوڕێ هەبێت، ئەو کەسەش یارمەتی ئابووری بۆ گەشتەکەی وەردەگرێت. هاوڕێکە دەبێت لە تەواو ماوەی سەفەرکە و سەردانەکە لەگەڵتدا بێت. کارمەندانی تەندروستی هەڵسەنگاندنی ئەوە دەکەن کە داخۆ پێویستیت بە هاوڕێ هەیە یان نا. منداڵان و مێرمنداڵان تاکوو تەمەنی 19 ساڵە هەموو کات بۆیان هەیە کە هاوڕێ لەگەڵ خۆیاندا بهێنن.

هەڵوەشانەوەی گەشت

ئەگەر نەتوانیت بڕۆیت بۆ سەردانەکەت دەبێت هەم گەشتەکە و هەمیش سەردانەکەت کەنسڵ بکەیت. لەڕێگەی تەلەفۆن بۆ  Reseservice دەتوانیت سەردانکەت کەنسڵ بکەیت. ئەگەر گەشتەکەت کەنسڵ نەکەیت ناچار دەکرێیت کە خۆت پارەی گەشتەکە بدەیت.

گەشت بۆ دەرەوەی پارێزگا

پەیوەندی بە Reseservice بکە تا یارمەتیت بدەن گەشت بۆ دەرەوەی پارێزگات بۆت جێبەجێ بکەن. جا بۆ ئەمە پێویستە کە:

  • راسپێریینامەیەکی (حەواڵە) تایبەتت لەلایەن پارێزگای "ڤێستێربۆتنەو"ت هەبیت کە Reseservice بەڵگەنامەی لەبارەیەوە وەرگرتبێت.
  • بەڵگەنامەکە نیشان بدات پێداویستییت بە چە جۆرە هاتووچۆیەک هەیە و داخۆ ئەگەر پێویستییت بە هاوڕێ هەبێت یان نا.

پاش ئەوەی لەگەڵ Reseservice رێککەوتنت کرد خۆت دەتوانیت گەشتەکەت جێبەجێ بکەیت. بەگوێرەی ناوەرۆکی بەڵگەنامەکەت یارمەتی ئابووری وەردەگریت. قەرەبووی بڕەپارەی تێچووە راستەقیەکانی گەشتەکەت دەکرێتەوە. لەڕێگەی هەناردنی بلیتەکان و پسووڵەی سەردانی بنکەی خزمەتگوزاریی تەندروستییەکەت  بۆ Reseservice داخوازینامەکەت پێشکەش دەکەیت.

بە دەستپێشخەری خۆتەوە دەتوانیت لەدەرەوەی پارێزگاوە داوای چاوەدێریی پزیشکی بکەیت بەڵام دەبێت خۆت پارەی تەواو گەشتەکە بدەیت.

ئەگەر هاتووچۆی گشتی نەبێت

ئەگەر لە نزیکەی ماڵتەوە هاتووچۆی گشتی نەبێت یارمەتییت دەدرێت کە تەکسیەکی پەیوەستبوون رێزەرڤ بکەیت. مەرجەکەی ئەوەیە کە بەشی هەرە زۆری سەفەرەکت بە هاتووچۆی گشتی ئەنجام بدەیت و گەشتی پەیوەستبوونەکە تەنیا بەشێکی کۆرتی گەشتەکە پێکبێنێت.

دوو رۆژ پێشەوە گەشتی پەیوەندبوونەکەت لای Reseservice رێزەرڤ بکە.

زانیاریی پەیوەندی کردن بە Reseservice

لەرێگەی پۆستەوە داخوازینامەی یارمەتیی ئابووریەکەت بنێرە بۆ  Reseservice. ئەگەر هەر پرسیارێکت لەبارەی قەرەبووی گەشتی نەخۆشەوە هەبێت، دەتوانیت تەلەفۆن بکەی بۆ  Reseservice.

ناونیشانی پۆستی:
Reseservice
931 86 Skellefteå

تەلەفۆن: 0771-25 10 20

To the top of the page